Jeremías 13:22 - Bible in Tzeltal de Oxchuc y Tenejapa

²² Teme ya awal ta awo'tan: “¿Bi yu'un te jich yac ta c'oel ta pasele?”, ja' me x'ana' te scaj bayal mulil awu'une; ja' swentail te la st'ananatixe soc te la yuts'inate.

Bible in Tzeltal Bachajón

²² Teme hich yac awal ta awo'tanic: ¿Bin yu'un te hich c'oht ta jtojol? teme xchihate, ha ta scaj bayel mulil awu'un te la yich' mohtesel atsec, soc la awich' uts'inel.

Jeremías 13:22 Referans Kwoze

Nahúm 3:5

Te Cajwaltic te Spisil ya xju' yu'une, tulan ya yal: —Li' ayon to ta jcontroinbelat. Ya jolbat moel atsec c'alal ta awelaw, swenta yu'un ya me yilbat abaq'uetal te nacionetique, ya me yilbat te bila ya xq'uexawat yu'une.

Jeremías 5:19

C'alal jich ya sjojc'obeyex: “¿Bi yu'un te Cajwaltic Dios cu'untic te la spasbotic jiche?” teme xiique. Albeya: “Ja' laj yu'un te la awijq'uitayic ta awo'tanic te Cajwaltique, te ba awac' abaic ta abatinel yu'un lotil diosetic ta sq'uinalic, ja' nix laj me jich ya xba awac' abaic ta abatinel yu'un jyanlum winiquetic ta sq'uinalic”, uta me —xi'.

Oseas 2:10

Ya jt'ananbey te sbaq'uetale, jich me ya jpasbey ta sit te mach'atic ya xmulanot yu'une. Ma'yuc mach'a ya scoltay loq'uel ta jc'ab.

Lamentaciones 1:8

Jerusalén bayal sleoj smul, te ja' ac'otix ta ilayel yu'une. Te mach'atic neel la yich'ic ta muc', ta ora yo'tic ya yilayiquix, melel la yilbeyic te chican sbaq'uetal c'oem. Jich yu'un yac ta oq'uel te Jerusalén, ya xq'uexawix jichuc ants, ya snac' sba yu'un.

Jeremías 13:26

Jich yu'un te jo'one ya me jt'ananat ta jc'axel, jich me ya cac'at ta q'uexlal.

Deuteronomio 7:17

“Jich wan ya awalic: “Te nacionetic in to ja' mero tsobol te yajwale, jo'otic ma'yucotic tsobol. ¿Bi ya cutic te ya jtentic loq'uele?” teme xaexe.

Isaías 3:17

Jich yu'un ya me jt'axanbey jilel sjolic yu'un chamel ta swenta castigo, soc ya me jt'ananbey jilel sbaq'uetalic ta swenta q'uexlal —xi'.

Sofonías 1:12

“Ja' me yorail te ya jtsac yawil c'ajc', yu'un ya quil spamal a te Jerusalén. Jich me ya cac'bey castigo te ants-winiquetic te lamal q'uinal ya yaiyic ta sc'opique, jich bit'il vino te slamoj sbae, te ya yal ta yo'tanic: “Te Cajwaltic ma'yuc bila ya spas, ni lec ni amen”, te xiique.

Oseas 12:8

Efraín ya yal: “Melel xawal, jc'ulejonix, la jtaix jc'ulejal. Pero ma'yuc mach'a ya xju' slebon jmul yu'un te bit'il la jta te jganare, ma ba mulil te bila la jpase”, xi'.

Oseas 2:3

Teme ma jichuc ya spase, t'anal me ya quijq'uitay ta jc'axel, jich me ya xc'ot cu'un te bi yilel c'alal a ayine. Ya me jc'atp'un ta jochol taquin q'uinal, ta puro taquin lumq'uinal, soc ya me xlaj ta taquinti'il.

Isaías 47:8

Ja' yu'un, aiya awaiy stojol ora yo'tic to, ja'at ants te toyol awo'tan yu'un t'ujbil c'ulejalile, te jun awo'tan ayat ta amuc'ul nactijibe, te jich yacat ta yalel ta awo'tan: “Jo'on nax jtuquel, ma'yuc yan jich te bit'ilone; jo'on ma ba xjilon ta me'ba antsil, ma me yu'unuc ma'yuc calatac ya xjilon”, te xaate.

Isaías 20:4

Ja' nix jich te muc' ajwalil yu'un Asiria ya yic' bael ta chuquel te egipcioetic soc te etiopiaetique, manchuc me mamaletic o queremetic, ma'yuc xanabic soc t'analic, t'axal yitic ta swenta q'uexlal.

Deuteronomio 18:21

Teme jich ya awalique: “¿Bit'il ya jna'tic teme ma ja'uc sc'op te Cajwaltic te bila yac ta alele?” teme xaexe, ya me sc'an ya ana'ic in to:

Deuteronomio 8:17

“Ma me ayuc ya xtal ta awo'tanic te jich ya awalique: “Te jc'ulejaltique, jo'otic ju' cu'untic ta swenta quiptic”, ma me xauquex.

Jeremías 14:16

Te lum te ba sc'opone, ya me xlajic ta guerra soc ta wi'nal, soc nix te yinamic, te snich'nabic queremetic soc ach'ixetique. Te sbaq'uetalic te lajeme ya me yich'ic ch'ojel loq'uel ta calleetic ta Jerusalén, ma me ayuc mach'a ya smucbeyic. Ja' me jich ya cac'bey stojic te smulique.

Ezequiel 23:26

Ya me sloq'uesbat ac'u'-apac', soc ya me yich'bat spisil te ac'ulejale.

Oseas 2:5

Te sme'e la sboltes sba ta mulwej; q'uexlaltic sba te bit'il jich la yal: “Ya xba jle te mach'atic ya smulanone, te mach'atic ya yac'bon jwe'el soc ja', soc te ya jta a te stsotsil chij soc lino, te aceite soc te bila ya cuch' yu'un te jwe'ele”, te xie.