Jeremías 13:21 - Bible in Tzeltal de Oxchuc y Tenejapa

²¹ “¿Bi ya awal, Jerusalén, c'alal ya awich' wentainel yu'un winiquetic te ja'at nix la ap'ijubtese? Ya me yac'beyex xc'uxul, jich bit'il te ants te ya x'ayin yale.

Bible in Tzeltal Bachajón

²¹ ¿Bin yac awal yu'un te c'alal Jehová ya yac' scuentahinat te mach'atic la anohptes te ha awamigo ya xc'ohtic? ¿Ma bal yacuc ya'beyex sc'uxul, hich te bin ut'il ants te ya x'ayin yale?

Jeremías 13:21 Referans Kwoze

Isaías 13:8

ayic me ta xiwel ta spisilic. Ya me xtal woclajel, soc muc' xc'uxul ya xc'ot ta stojolic, jich me te bit'il ya xwoclaj ants yu'un te ya x'alaje. Juju-jtul jchajp nax me q'uinal ya yaiy te ya yil sbaique, ya me stsajub yelawic yu'un q'uexlal.

Jeremías 4:31

Ya caiy stojol awetic yu'un xc'uxul, jich bit'il yajc'an ants te ya x'ayin te sba yale; ja' te awetic yu'un te lum Sión, te ya x'ajc'anaj, ya xbejch'ulay sc'ab yu'un xc'uxul. Jich ya yal: “Obol jba, ya smilonic te jmilawaletique”, xi' me —xi' te Cajwaltique.

Jeremías 38:22

Spisilic te antsetic ya xjilic ta apalacio, ja'at te muc' ajwalilat yu'un Judá, ya me yich'ic loq'uesel bael, ya me x'ac'ot ta sc'abic te general soldadoetic yu'un te Babilonia, jich me ya yalic te antsetic awu'une: “Te mach'atic mero sjoy sba soc te muc' ajwalile la slo'layic soc la stsalic; la yaq'uic bic'otuc bael yu'un ajch'al te yacane, soc sujt'ic ta spatic”, xiic me te antsetique —xi' te Jeremiase.

Jeremías 5:31

Te bila ya yalbey sc'oplal te j'alwanejetic ta sc'opique, lotil; te sacerdoteetic ja' ya yaq'uic ta pasel te bila ya smulanique. ¡Te lum cu'une jich nix ya sc'anic! Ja'uc me to, “¿bi ya apasic ja'ex c'alal ya xc'ot te slajibal c'aale?” uta me —xi' te Cajwaltique.

Isaías 10:3

¿Bi ya apasic te c'alal ya x'och ta ich'el ta wenta te awat'elic, c'alal ya awilic c'ubul ayix a te castigoe? ¿Mach'a ya xba ac'anbey xan coltayel? ¿Banti ya awaq'uic jilel te ac'ulejalique?

1 Tesalonicenses 5:3

Yu'un te c'alal ay jich ya yalic te ants-winiquetique: “Lamal q'uinal, ma'yuc bi chican”, te xiic ta yalele, ja'uc me to, ajc' nax ora ya xtal lajel ta stojolic, jich te bit'il ajc' nax ora ya xjajch' swocol jtul ants yu'un te ya x'ayinix te yale. Jich ma xju' ya scoltay sbaic loq'uel tey a.

Ezequiel 28:9

¿Ya to bal acuy aba ta dios a te c'alal ayatix ta stojol te acontrotaque? Ya me xchicnaj te tojol winicat c'alal ayat ta sc'ab te mach'atic ya smilate.

Jeremías 48:41

Lumetic soc tulanil ts'ajq'uetic ya me x'ochic ta sc'ab te jcontroinwaneje. Te bi c'aalil ya xc'ot ta pasele, te soldadoetic yu'un Moab ya me xnijq'uic jich te bit'il ya x'alaj ants.

Jeremías 30:6

Jojc'oya awaiyic, teme ay jtuluc winic te ya stac' ya x'alaje. ¿Bistuquix a te winiquetic ya sut sbaic ya quile, jich c'oemic yilel te ya yaiybeyic xc'uxul jichuc alajel? ¿Bistuquix a te sacuben yelaw c'ot spisilic?

Jeremías 22:23

Ta ora to jun nax awo'tan ta apechech ta yolilal te cedroetic ich'bilic tel ta Líbano; ja'uc me to, ya awaiybey swocolil te c'alal ya xtal te xc'uxule, jich xc'uxulil bit'il ya x'alaj ants —xi' te Cajwaltique.

Jeremías 6:24

Te ants-winiquetic ta Jerusalén jich ya yalic: —La caiytiquix stojol sc'oplal, ma'yuquix quiptic yu'un te xiwele; ay mel-o'tan ya caiytic soc xc'uxul, jich bit'il ya x'alaj te antse.

Isaías 21:3

Ya xnijc' te jbaq'uetale, ya yac'bon jwocol te xc'uxule, jich bit'il swocol ta alajel te antse. Te mel-o'tan ma xyac'bonix caiy stojol c'op, te muc'ul xiwel ma xyac'bonix quil q'uinal.

2 Reyes 16:7

Ja' yorail a te Acaz la sticunbey c'op te Tiglat-pileser, muc' ajwalil yu'un Asiria. Jich la sticunbey ta alel: “Jo'on te abaton awu'une, jichon te bit'il anich'ane. Ja' yu'un, la', coltayawon ta sc'ab te muc' ajwalil yu'un Siria soc te muc' ajwalil yu'un Israel te yac ta yac'belonic guerra”, xi' ta stojol.

San Mateo 24:8

Ta spisil in to xjajch'ibal to nax xc'uxul te woclajel ya xtale.

Jeremías 2:25

“Israel, ma me x'alajin awacan soc ma me xawac' xtaquinaj anuc' yu'un snutsel yantic diosetic. Pero ya awal: “Ma'uc. Ma xju' ya sujt'on ta jpat. Mero ya jmulan te yantic diosetic; ya to me jle xan”, xaat.

Jeremías 4:30

Ja'at lum, jinematix. ¿Bistuc ya alap t'ujbil c'u'iletic? ¿Bistuc ya ach'al aba ta oroetic? ¿Bistuc ya abon ta ijc'al pintura te asite? Ma xtuun ta jyalel te jelawen awutsil ya awac' abae, melel te mach'atic la smulanate, la xch'ojatix jilel. Te bila ya sleat xan yu'une, ja'ix te alajibe.