Jeremías 13:19 - Bible in Tzeltal de Oxchuc y Tenejapa

¹⁹ Te lumetic ta Néguev, joytaybilix yu'un scontro, ma'yuc mach'a ya xju' xc'axix tey a. Spisilic te ants-winiquetic yu'un Judá ic'otic bael ta yan lum, spisil bajt'ic ta jyalel.

Bible in Tzeltal Bachajón

¹⁹ Te pueblohetic ta Neguev la yich'ic maquel, mayuc mach'a ya xhu' ya sjam; spisil Judá ic'ot bahel, spisilic ic'otic bahel ta chuquel.

Jeremías 13:19 Referans Kwoze

Jeremías 52:30

ta oxeb xcha'winic (23) ja'wil, te Nabuzaradán la yic' loq'uel ta Judá jo'eb swaxaclajunwinic xcha'bajc' (745). Te jayeb a loc' ta spisil chanmil soc lajunwinic xcha'bajc' (4,600) te yantesbot bael slumalique.

Jeremías 39:9

Ta slajibal, te Nabuzaradán, te comandante yu'un te canantaywanejetic yu'un te muc' ajwalile, la yic' bael ta mosoil ta Babilonia te mach'atic yajwal te lum te ayic to xan tey a, soc te mach'atic c'axemiquix soc te caldeoetique; ja' ta spisil te lume.

Deuteronomio 28:52

“Ya sjoytaybat ta spisil te lumetic awu'une, soc ya me yac'beyic guerra ja' to teme jin te toyol joyob ts'ajq'uetic yu'une, ja' te smajq'uil te lumetic te ja' bayal smuc'ulinej awo'tane. Ya me sjoytay soc ya me yac'bey guerra ta spisil te lumetic ayic ta aq'uinal te la yac'bat te Cajwaltic Diose.

Jeremías 33:13

Asta te lumetic ta toyol witstiquil soc ta peq'uel witstiquil, ta Néguev, ta sq'uinal sts'umbal Benjamín, ta sjoylejal Jerusalén soc ta bay te yantic lumetic yu'un Judá, ay me jcanan-chijetic ya yajtay xchijic tey a. Jo'on Ajwalilon te ya cale —xi'.

Jeremías 20:4

Melel te Cajwaltic ya yalbat: “Ya me cac' te ja'at nix ya axiwtes aba atuquel soc ta spisil te ajo'taque. Ta mero asit atuquel, te ajo'tac ya me xlajic ta spuñal te scontrotaque. Ya me cac' ta c'abal spisil yajwal te Judá ta sc'ab te muc' ajwalil yu'un Babilonia, te ya x'ic'otic bael ta Babilonia, o teme ya xlajic ta milel ta cuchillo.

Jeremías 17:26

Ya me xtal ants-winiquetic yu'un te lumetic yu'un Judá te ayic ta sjoyobal Jerusalén, soc ta sq'uinal Benjamín, ta peq'uel witstiquil soc ta toyol witstiquil, soc ta Néguev. Ya me yiq'uic tel xchamsbalamic ta templo swenta chiq'uel ta scojt'ol soc te yantic milbil majt'anile, te majt'anil harina soc pom, soc te majt'anil yu'un yalel wocol.

Job 12:14

Te bila ya sjin te Diose, ma'yuc mach'a ya xju' yu'un ya xcha'pas xan stuquel. Te mach'a Dios ya xmacot yu'une, ma'yuc mach'a ya xju' ya yac' ta libre yan buelta.

Josué 18:5

Te winiquetic ya me sp'isic jilel, jucsejp me ya sloq'uesic a. Ya me yijq'uitaybey jilel te sq'uinal Judá ta stojol sur, soc te sts'umbal José, ta stojol norte ya me xjil te sq'uinalique.

Deuteronomio 28:15

“Yan teme ma ba ya ach'uunbey te sc'op te Cajwaltic Diose, soc teme ma ba ya apasbey bael spisil ta jchajp te mandaliletic te ya calbat apas ta ora in to, ya me xtal ta atojol soc ya me staat spisil ta jchajp castigo in to:

Jeremías 32:44

Puersa me ya yich' manel, ya me yich' pasel contratoetic ta ts'ibuyel sc'oplal, ya me yich' maquel ta sello, soc ya me yac' sfirmaic te testigoetique. Tey me ya xc'ot ta pasel ta sq'uinal sts'umbal Benjamín, ta sjoylejal Jerusalén soc ta bay lumetic yu'un Judá, ta toyol witstiquil, ta peq'uel witstiquil, soc ta bay lumetic ta Néguev. Melel ya sta sc'aalelal te ya cac'bey xan te yutsilale. Jo'on Ajwalilon, jich ya cal —xi' te Cajwaltique.

Lamentaciones 1:3

Manchuc me c'axix swocol ta tulan at'el ta mosoinel te Judá, yo'tic c'axem to xan ay ta woclajel yu'un te ma'yuc ta slumale. Ainem ta yolil jyanlumetic, ta ora yo'tic ma staix te bay ya xcux yo'tane. Te mach'atic nutswanique taot yu'unic, la steniquix ta uts'inel.

Zacarías 7:7

¿Ma bal ja'uc nix jiche te c'opetic te la yal te Cajwaltic ta swenta te antiguo j'alwanejetic, te c'alal lamal q'uinal ta Jerusalén a, soc te nojel ta ants-winiquetic, soc ja' nix nojel a te yantic lumetic te ayic ta sjoyobal, soc jich nix te sq'uinal Néguev soc te peq'uel witstiquile?

1 Crónicas 9:1

Jich ts'ibubil jilel ta jun spisil Israel ta bay libro yu'un te ajwaliletic ta Israel. Ja'uc me to, te ants-winiquetic ta Judá chucotic bael ta Babilonia, ta scaj te la stoy sbaic ta stojol Dios.

Jeremías 24:1

Te Cajwaltic la yac'bon quil cheb mochetic te nojelic ta higoetic te pachalic ta stojol templo. Jich c'ot ta pasel ta c'alal te Nabucodonosor te muc' ajwalil yu'un Babilonia yic'ojix bael ta slumal te Jeconías, te snich'an Joacim te muc' ajwalil yu'un Judá, te jtsobwanejetic yu'un, soc te mach'atic ay bayal bila ya sna'ic spasele, te mach'atic ya x'at'ejic ta jten-taq'uine.

Jeremías 28:4

Soc ya cac' sujt'el tel li' ta lum to te Jeconías snich'an Joacim, te muc' ajwalil yu'un Judá, soc te yantic ants-winiquetic te loq'uic bael ta Judá te ic'otic bael ta mosoil ta Babilonia. Jo'on Ajwalilon, jich ya cal”, xi' ta yalel te Cajwaltique —xi' te Hananías.

Jeremías 52:28

Te jayeb te la yic' bael te Nabucodonosor ja' jich yipal in to: ta sjuquebal ja'wil yat'el ta ajwalil a, la yic' loq'uel ta Judá oxmil soc oxeb xcha'winic (3,023);