Jeremías 13:18 - Bible in Tzeltal de Oxchuc y Tenejapa

¹⁸ La yalbon te Cajwaltic: —Albeya te muc' ajwalil soc sme': “Coanic ta amuc'ul nactijibic, naclanic ta lum, melel ch'ayemix coel ta ajol te acorona te xch'alojate”, uta me.

Bible in Tzeltal Bachajón

¹⁸ Halbeya te ajwalil soc te ajwalil-ants: Huclanic ta banti peq'uel, como ch'ayemix cohel ta ajol te t'ujbil corona awu'unic, xchihat me.

Jeremías 13:18 Referans Kwoze

Jeremías 22:26

Ya jch'ojat bael ja'at soc te ame' ta bay lumq'uinal te ma la awil te c'alal ayinate, tey ya xlajex achebalic a —xi'.

2 Reyes 24:12

Te Joaquín muc' ajwalil yu'un Judá, te sme', te abatetic yu'un, te jwentainwanejetic yu'un, soc te winiquetic jun yo'tan sba soque, spisilic la yac' sbaic ta sc'ab te muc' ajwalil yu'un Babilonia. Ac'otic ochel ta chuquel yu'un ta ora, waxaquebix ja'wil yat'el ta muc' ajwalil a te Nabucodonosor te jich c'ot ta pasele.

2 Reyes 24:15

Te Nabucodonosor la yic' bael ta chuquel uuc te Joaquín, soc te sme', te antsetic yu'un, te abatetic yu'un, soc te mach'atic ich'bilic ta muc' tey ta nacione. La yic' jajch'el ta chuquel ta Jerusalén, bajt' ta Babilonia.

2 Crónicas 33:19

Te la sc'opon Dios soc te bit'il tsacbot sc'op yu'une, soc spisil sc'oplal te smule, te ma tojuc c'ax ta q'uinal, soc te bayuc la spasbey toyol ch'uunjibaletic, soc te bay la yac' sloc'omba Asera, soc te loc'ombaetic te c'alal ma to spejc'anej sba ta stojol a te Diose, ts'ibubil sc'oplal yu'unic ta bay slibroic te j'alwanejetique.

Isaías 47:1

Te Cajwaltic ya yal: —Coan, naclan ta ts'ubil lum, ja'at te ach'ix Babiloniaat te ma to ayuc amamlale; coan ta amuc'ul nactijib, ja'at te ach'ix Caldeaate, naclan ta lum. Melel ma me ayuc mach'a ya yalbat xan: “T'ujbilat soc jteb stael te awutsilale”, te xi' ac'oplale.

2 Crónicas 33:12

Ja'uc me to, te c'alal la sta woclajel te Manasés, la sc'opon te Cajwaltic Dios yu'une, c'axem to xan la spejc'an sba ta stojol te Dios yu'un antiguo sme'-state.

1 Pedro 5:6

Jich yu'un pejc'ana me abaic ta sc'ab Dios te bayal yu'ele. Jich me ya yaq'uex ta ich'el ta muc' teme la sta yorail yu'une.

Santiago 4:10

Bic'tajanic me ta stojol te Cajwaltique, jich me ya stoyesbeyex ac'oplalic stuquel.

San Mateo 18:4

Jich yu'un te mach'a peq'uel ya yac' sba jich bit'il in alal to, ja' me muc' ya xc'ot tey a ta banti ay ta ajwalinel te Dios te ay ta ch'ulchane.

Jonás 3:6

Te c'alal la yaiy stojol te muc' ajwalil yu'un Nínive, co ta smuc'ul nactijib. La sloq'ues te sc'u' nixe, la slap uuc te ch'ixal paq'ue, la snajc'an sba ta stanul c'ajc'.

Isaías 3:26

Te lum ya me x'oc', bayal me ya smel yo'tan, soc jc'axel me ya xpijt' jilel ta jyalel.

2 Crónicas 33:23

Ja'uc me to, ma la spejc'an sba ta stojol Cajwaltic, jich bit'il la spas te state, ja' nax bajt' ta yo'tan stsobel te mulile.

Éxodo 10:3

Te Moisés soc Aarón ba sc'oponic te faraón, jich la yalbeyic: —Jich la yal te Cajwal te Dios cu'untic te hebreootique: “¿Bi ora ya apejc'an aba ta jtojol? Ac'a loq'uel te lum cu'une. Ya xba yich'onic ta muc'.

Lamentaciones 2:10

Te jtsobwanej-mamaletic ta Sión, ch'abalic nax, nacalic ta ts'ubil lum, ya yac' tan ta sjolic soc ya slapic ch'ixal paq'uetic. Te ach'ixetic ta Jerusalén ya snijan sbaic coel c'alal ta lum ta mel-o'tan.

Éxodo 39:28

Ja' nix jich te spixol pac', te xchujq'uilic soc te scomol wexic la spas ta ts'otbil lino.

Proverbios 27:24

melel te c'ulejalil soc te ich'el ta muc' ma xjalajic sbajt'el q'uinal.

Isaías 3:20

te spejch'il sjolic, te scadenail snuc' yacanic, te xchujq'uil ch'ujt'ic, te limetaetic yu'un perfume, te bitic ya smaquic pucuj ta sc'opic a,

Jeremías 36:16

Ta ora nax c'alal la yaiyic stojol, noj xiwel ta yo'tanic, jich la yalbey sbaic: —Ya me calbeytic yaiy spisil te muc' ajwalile —xiic.

Lamentaciones 1:6

Ch'ay ta jc'axel spisil st'ujbilal Sión; te jtsobwanejetic yu'une, jichic bit'il ja'mal chijetic, yacalic ta sleel swe'elic. Stasojix yacanic ta beel yu'un lubel, yo'tanuc ya x'anic bael ta stojol te jnutsawetic yu'unique.

Lamentaciones 1:9

Boloben te sc'u'e, ma la sna' te ay swocol ya xc'ot yu'une. Ma'yuc ta ch'uunel yaiyel te bit'il yalemixe; ma'yuc mach'a ya smuc'tesbey q'uinal yaiy. Ya yal: “Ilawilon, Cajwal, peq'uelonix, soc toyol yac'oj sba ta jtojol te jcontroe”, xi'.

Lamentaciones 5:16

Ch'ay coel ta joltic te corona; ¡obol nax jbatic te jtaoj jmultique!

Ezequiel 16:12

La cac'bat staq'uinal ani', staq'uinal achiquin, soc buen t'ujbil acorona ta ajol.

Ezequiel 21:26

Jo'on Ajwalilon ya calbat: Ya yich' loq'uesel te sbejch'il ajole, soc ya yich' ch'ojel coel te acorona. Spisil me ya yich' jeltayel. Te bila ay ta ye'tale, ya me yich' mojt'esel ta sba; te bila ay ta sbae, ja' me ya xco ta ye'tal.

Ezequiel 24:17

Muquen xamel awo'tan yu'un. Ma me xapasbey seña mel-o'tan, jich te bit'il ya yich' pasel ta stojol te mach'a ya xlaje. Ma me xaloq'ues sbejch'il ajol, soc ma me xaloq'ues axanab. Ma me xamac awelaw swenta seña mel-o'tan, soc ma me xawe' te bi ya yich' we'el swenta mel-o'tane —xi' te Cajwaltique.

Ezequiel 24:23

Ma me xju' te ya aloq'ues sbejch'il ajol, soc ma me xju' te ya aloq'ues axanabe. Ma me ba ya amel awo'tanic soc ni yacuc x'oq'uex. Ma me ayuc awipic ya xjilex ta scaj te amenexe. Talel c'axel me ya xjajch'ex ta yalel te bila ay awocolic yu'une.

Ezequiel 44:18

Ya me yich'ic bael ta sjolic sbejch'il pasbil ta lino, soc ya me slapic bael xwexic pasbilic ta lino. Ma me ayuc bila ya sbech' ta xch'ujt'ic te ya xchiq'uinic yu'une.

Daniel 5:20

Pero c'alal noj ta yo'tan toybail, soc te tulan la yac' sba ta scaj te stoybaile, la yich' pojbeyel te yipe, soc te yutsil sc'oplal ta muc' ajwalile.

Jeremías 22:24

Te Cajwaltic la yalbey te Jeconías snich'an Joacim, te muc' ajwalil yu'un Judá: —Te bit'il cuxulon ya awile, jich ya cal: Manchuc me jichat te bit'il jch'ocow swenta sello te ay ta swa'el jc'abe, ya jloq'uesat tel tey a,