Jeremías 13:16 - Bible in Tzeltal de Oxchuc y Tenejapa

¹⁶ Ich'aic ta muc' te Cajwaltic te Dios awu'unique, te c'alal ma to xtal yu'un te ijc' q'uinal te ya ac'ojch'in awacanic ta bay ijc' q'uinal ta witstiquil; c'alal ma to sc'atp'un ta ijc' q'uinal, c'alal ma to sc'atp'un ta mero pimil ajc'ubal te saquil q'uinal ya amaliyic te ja'exe.

Bible in Tzeltal Bachajón

¹⁶ Halbeya yutsil sc'oblal te Jehová te Dios awu'unic, te c'alal ma to xtal yu'un a te yihc'al q'uinal, te c'alal ma to ba ac'ohchinej awoquic a ta witsiltic te ayic ta axinal; soc te c'alal yac amahlibel a te sacal q'uinal, ha ya sutp'ij ta axinal yu'un lajel soc ta yihc'al q'uinal.

Jeremías 13:16 Referans Kwoze

Isaías 59:9

Ja' swentail te ma xtal te coltayele; te jilel ta libre ma xnoptsaj ta jtojoltic. Yacotic ta smaliyel saquil q'uinal, pero ja' nax yac ta toyel te ijc' q'uinale; yacotic ta smaliyel te xojobal q'uinale, pero yacotic beel ta ajc'ubal.

Isaías 8:22

soc ta patil ya me yilic ta alan; ma me ayuc bila ya staic, ja' nax me ya staic me'bail soc ijc' q'uinal. Ajc'ubal me ya x'ainic soc mel-o'tan; ta spisilic ya me xmucotic ta ajc'ubal. Te mach'atic tenbilique, ma xju' te ya scoltay sbaique.

Isaías 60:2

Te ijc' q'uinal smucoj balumilal; te ajc'ubal spotsoj te nacionetique. Ja'uc me to, te Cajwaltic ya xojobaj ta atojol; soc ta atojol ya xchicnaj te yutsilale.

Isaías 5:30

Te nación ya cale, te c'alal ya xc'ot sc'aalelal a, jich me ya x'awun ta stojol Israel jich bit'il ya x'awun te mar. Teme ay mach'a ya yil te balumilale, ya me yil te potsbil ta ijc' q'uinal, ijc'ubenix q'uinal yu'un te pimil tocale.

Proverbios 4:19

Pero te be yu'unic te mach'atic amen yo'tanique, mero ijc' stuquel; ni yacuc xju' ya yilic bila ya sc'ojch'in yacanic a.

Josué 7:19

Jich yu'un te Josué la yalbey te Acán: —Jnich'an, ac'a ta ilel yutsilal te Cajwaltic te Dios cu'untic te israelotique, ac'a ta ich'el ta muc'. Albon caiy te bila apasoje, ma me x'amuc ta awo'tan —la yut.

Jeremías 23:12

Jich yu'un, te sbe ijc'uben me, soc biluben me; ya me cac' te ya scotp'inic, jich me ya xyalic. C'alal ya quich'bey ta wenta yat'elic, ya me cac' tel tulan woclajel ta stojolic. Jo'on Ajwalilon, jich ya cal.

Jeremías 4:23

Ac'boton quil te balumilale, jochol taquin q'uinal yilel, jich nax ay; la quil moel te ch'ulchane, ma'yuc luz tey a.

Salmos 44:19

Pero la atenotic bael ta wocol ta yawil ja'mal ts'i'etic; la amucotic ta yaxinal lajel.

1 Samuel 6:5

Pasaic jiche te sloc'ombail te sijt'ubel cu'untique, soc nix te ch'oetic yacal ta yuts'inel ta spamal te jq'uinaltique. Jich ac'a quich'tic ta muc' te Dios yu'un te israeletic, swenta jich ma ba ya yac'botiquix castigo te jo'otic, soc te diosetic cu'untic, soc ta spamal te jq'uinaltique.

Éxodo 10:21

Te Cajwaltic, jich la yalbey te Moisés: —Toya moel ac'ab ta spamal Egipto, ya me x'ijc'ub q'uinal. Mero ijc' q'uinal me ta jyalel, mero ma me xchicnaj q'uinal —xi' te Diose.

1 Pedro 2:8

Soc ja' sc'oplalic xan te bit'il ts'ibubil jilele: “Ja' te ton swenta c'ojch'injibal soc te ton ya syaleswane”, te xie. Melel ya syalesotic ta scaj te ma xyich'beyic ta muc' te sc'ope. Yu'un nanix namey jich albil sc'oplalic yu'un Dios a.

San Juan 12:35

Te Jesús jich la yalbey yaiyic: —Ma ba jalix c'aal te ay saquil q'uinal ta atojolic. Jich yu'un ac'a me puersa te ya xbeenex ta bay te saquil q'uinal, swenta yu'un ma me ch'ayemuc atsaic ya staex te ijc' q'uinale. Melel te mach'a ya xbeen ta ijc' q'uinale, ma sna' te banti beil ya xbajt'e.

Lamentaciones 4:17

Lubenic te jsitique, tojol la cat'elintic smaliyel coltayel. Tojol chapalotic ta smaliyel te jpam lum te ma xju' yu'un coltaywaneje.

Jeremías 14:19

Cajwal, ¿jc'axel bal la ach'oj bael ta spisil te Judá? ¿Lubat balix yu'un te lum Sión? ¿Bi yu'un la awejch'entesotic te ma'yuc ta poxtayele? La jmaliytic te ya x'esmajotique; ja'uc me to, ma'yuc bila lec la jtatic. La jmaliytic te ay yutsil q'uinal caiytic ta poxtayele; ja'uc me to, ja' nax ay xiwtesel.

Jeremías 8:15

Yacotic ta smaliyel te ya x'esmajotique; ja'uc me to, ma'yuc bila lec a jul ta jtojoltic. Yacotic smaliyel yutsil q'uinal caiytic ta jc'optic; ja'uc me to, ja' nax ay xiwel.

Eclesiastés 11:8

Pero manchuc me ya xcuxinotic bayal ja'wil, soc ya caiybeytic yutsilal ta spisilic, pero ya me sc'an ya jna'tic te bayal c'aal te ainel ta muquenal ta ijc' q'uinale. Spisil te bitic quechel ta talele, mero tojol ta jyalel.

Job 3:5

Ayuc bit'il tal buen pimil axinal te ijc'ubtesot yu'une, o ijc'al tocal te potsot yu'une, o ja'uc majc' sit c'aal a te ya yac' xiwel te jichuque.

Salmos 107:10

Nainic ta sc'ubulil yijc'al q'uinal, soc swocolic chucajtic ta cadena,

Salmos 107:14

La sloq'ues ta sc'ubulil yijc'al q'uinal, la scoltay ta chuquel ta cadena.

Jeremías 2:6

Ma la anopic ta awo'tanic te ya aleonic, jo'on te la jloq'uesex tel ta Egipto, te la quiq'uex bael ta jochol taquin q'uinal, taquin te q'uinale, soc puro jemeltic, ja' te q'uinal te ma'yuc ja' tey ae, nojel nax yu'un te bitic xiweltic sbae, ja' te lumq'uinal te ma'yuc mach'a ya xnain tey a, ja' te ma'yuc mach'a ya xju' xc'ax tey a.

Jeremías 6:21

Jich yu'un te Cajwaltic jich ya yal: —Te lume ya cac'bey sc'ojch'in yacan, soc ya cac' xyalic. Tatiletic soc nich'aniletic, spat-xujq'uic soc te mach'a jun yo'tanic sbaic soque, pajal me ya xlajic —xi' te Cajwaltique.

Jeremías 50:6

“Te lum cu'une, jich c'otic bit'il chijetic te ch'ayique, te ma lecuc wentainbilic ta beel yu'un te jcanan-chijetic yu'unique, te la yaq'uic ch'ayuc jilel ta witstiquile. Yacalic ta beel ta yantic witstiquil, asta ch'ay ta yo'tanic te scorrale.

Ezequiel 21:15

Ya me x'ac'bot bayal xiwelic yu'un, ya me yac' bayal milaw. Ta spisil te nanatic yu'un la caq'uix ochel te jmilawal puñale. Ja' te puñal la yich' juxel ta leque, xlemet me xojobil ya yac' tey a, yich'oj juxel ye yu'un milaw.

Ezequiel 34:12

Te jcanan-chij bayal sc'oplal ta yo'tan stsobel tel te chijetic yu'un teme pujq'ueme. Jich me bayal sc'oplal ta co'tan te chijetic cu'une. Ya me jcoltay loq'uel te banti pujq'uemic bael te jun c'aal ijc'uben q'uinal yu'un te bayal tocale.

Ezequiel 36:15

Ma ba ya caq'uix te ya xchicnaj ta aiyel xan bol c'opetic yu'un te jyanlumetique. Ma ba ya xtalix ixta c'op yu'un te yantic lumetique, melel ma'yuquix bi ora ya alajinbey yal-snich'nabic te lum yu'unique. Jo'on Ajwalilon, te jich caloje’, xi' me”, uta me —xi' te Cajwaltique.

Amós 4:13

Te Cajwaltic ja' te la spas te witstiquil soc te iq'ue, ja' te ya yac'bey sna' stojol ants-winiquetic te bila chapbil yu'une, ja' te ya sc'atp'un ta ijc' q'uinal te saquil q'uinale, ja' te ya yoclin ta bay mero toyol q'uinal te balumilale, ja' me Ajwalil, te Dios Spisil ya xju' yu'une, ja' me sbiil abi.

Amós 5:18

Ya me yil swocolic te mach'atic ya sc'anix yo'tanic te ya xc'otix sc'aalelal te Cajwaltique. ¿Ya bal ana'ic te bila ya xc'ot ta awentaic ta sc'aalelal? Ijc' me ya xc'ot, ma me ayuc saquil q'uinal.

Salmos 29:2

Albeyaic yutsilal sbiil; quejana abaic ta stojol ta bay t'ujbil ch'ul templo yu'un.

Isaías 59:10

Yacotic maxlajanel ta beel ta ch'ujt' pajc', jichuc ma'sit; jich c'oemotic te bit'il ma'yuc jsitic. Manchuc me mero olil c'aal; ja'uc me to, ya jc'ojch'in cacantic; jich c'oem te bit'il ayotic ta ajc'ubale. Manchuc me ay yutsil q'uinal ya caiytic, pero lajemotic c'oem.

Joel 2:2

Sc'aalelal te ijc' q'uinale, sc'aalelal te tocaletic soc xiweltic sba axinal. Jchajp soldadoetic c'oem, mero bayal, soc mero bayal yipic, la spuc sbaic ta ba witsetic, jich bit'il saquil q'uinal ya xchicnaj te c'alal ya sacube. Ma'yuc jich chicnajem ta ilel soc ma'yuc bi ora ya xchicnajix, ma'yuquix pajal soc ya xchicnaj.

Malaquías 2:2

Ja'ex ay ta awentaic te ya ach'uunbonic te jc'ope; soc ja' ya sc'an te ayuc sc'oplal ta awo'tanic te ya awich'onic ta muq'ue. Teme ma xapasic, ya me jch'ayex ta co'tan. Teme ma'yuc jc'oplal ta awo'tanic te ya awich'onic ta muq'ue, ya me jch'aybeyex te bila ya ataic ta awat'elic ta sacerdoteile —xi' te Cajwaltic te Spisil ya xju' yu'une.