Jeremías 13:14 - Bible in Tzeltal de Oxchuc y Tenejapa

¹⁴ Ta ora nax ya me jwuy jichuc oxometic, ya me cac' swuy sbaic ta stuquelic nax, tatiletic soc nich'aniletic pajal me. Ma ba ya jna'bey yo'bolil sbaic; ni ma me ayuc xc'uxul co'tan soc slequil co'tan ta stojolic. Jo'on Ajwalilon, jich ya cal’, xi' me”, uta me —xi' te Cajwaltique.

Bible in Tzeltal Bachajón

¹⁴ Ya cac' te ya sbutsticlan sbahic ta tuhlultuhl, te tatiletic soc te al-nich'anetic, xchi te Jehová. Ma ba ya jna'be yo'bolil sbahic, ma ba ya jc'uxultay, ya me jlajinlan, xchi te Jehová.

Jeremías 13:14 Referans Kwoze

Deuteronomio 29:20

Te Cajwaltic ma me ja'uc ya xbajt' ta yo'tan pasulayel-perdón, ja' nax me ya yac'bey tel te yilimba ta stojol te mach'a jich ya yale. Ya me xc'ot ta swenta te bitic castigo albilix sc'oplal ta libro in to. Te Cajwaltic ya me stup'bey sts'umbal ta jc'axel ta lumq'uinal.

Salmos 2:9

Ta swenta te abastón pasbil ta hierro ya me alajinbey yat'elic a te lumetique; ts'ubiltic me ya xjilic ta wuyel awu'un jichuc pac'bil oxom”, xi' me te Diose.

Jeremías 21:7

Patil ya cac' ta c'abal te Sedequías, te muc' ajwalil yu'un Judá. Ja' ya cac' ta sc'ab te Nabucodonosor soc te yantic scontrotac te jmilawaletique te ja' nix sjo'tac ta ajwalil, soc te soldadoetic yu'une. Te alumal te cuxulic to ya xjilic ta lum ta patil teme c'axemix a te chamel te ya xmilawane, te guerra soc te wi'nale, jo'on ya cac' te ya xmilotic ta puñal, ni ma'yuc xc'uxtayel, ni ma me ayuc ta na'beyel yo'bolil sba. Jo'on Ajwalilon, tulan ya cal’, xi me”, uta me.

Jeremías 6:21

Jich yu'un te Cajwaltic jich ya yal: —Te lume ya cac'bey sc'ojch'in yacan, soc ya cac' xyalic. Tatiletic soc nich'aniletic, spat-xujq'uic soc te mach'a jun yo'tanic sbaic soque, pajal me ya xlajic —xi' te Cajwaltique.

Isaías 27:11

Te sc'ab te' ya yich' c'asel coel te c'alal ya xtaqueje; jich yu'un te antsetic ya stsobic, soc ya spas sc'ajq'uic a. Jich te lum te ma'yuc sp'ijile. Jich yu'un te Mach'a chicnantesot yu'une, ma sna'bey yo'bolil sba yu'un; te Mach'a pasot yu'une ma xc'uxtay.

San Marcos 13:12

Ay me ya yac' sbaic ta milel te mach'atic jun nax sme'-statique. Soc ay me ya yac' ta milel yal-snich'an te state. Soc ay me alnich'anetic ya xjajch' scontroinic te sme'-statique, soc ya me yaq'uic ta milel.

San Mateo 10:21

“Ay me yermano sbaic te ya yac' sbaic ta milele. Soc ay me tatil te ya yac' ta milel te yal-snich'ane. Soc ay me alnich'anetic ya xjajch' scontroinic te sme'-statique, soc ya me yaq'uic ta milel.

Ezequiel 24:14

Jo'on Ajwalilon te jich caloje, jich me ya xc'ot ta pasel. Jo'on me ya jpas, ma ba ya quijq'uitay spasel. Ma ba ya jna'bat yo'bolil aba. ‘Tojol bajt'’, ma me xoucon awu'un ta patil. Ya cac'bat castigo, pero ja'at nix ta scaj te amen awat'ele. Jo'on Ajwalilon te jich caloje”, uta me —xi' te Cajwaltique.

Ezequiel 9:10

Ja' yu'un, ma ba ya jna'bey yo'bolil sbaic, ya me quich'bey ta wenta soc te bi yilel yat'el la spasique —xi'.

Ezequiel 9:5

La caiy te bila la yalbey te yantic winiquetique: —Baanic t'unaic bael, baan beentayaic te lume. Jachaic jajch'el ta templo cu'un, milaic te mamaletic, queremetic, ach'ixetic, alaletic soc antsetic, ma me x'ana'bey yo'bolil sbaic. Pero ma me x'awuts'inic stuquel te mach'atic yich'oj señaique —xi'. Ja' yu'un te winiquetic ja' neel la smilic te mamaletic ayic ta elawal yu'un templo.

Ezequiel 8:18

Pero ya me x'at'ejon soc te quilimbae, ma me ba ya jna'bey yo'bolil sbaic ta jc'axel. Manchuc me ya sc'opononic ta aw, pero ma ba ya jac'bey te sc'opique —xi' te Cajwaltique.

Ezequiel 7:9

Ma ba ya xtalix xc'uxul co'tan, ma'yuquix perdón ta atojol. Te bila beil at'unoje, ja' ni me ya xc'ot ta awenta. Ya me xc'ot ta awenta te bila ilaybil sba la apase. Ya me ana'ic te jo'on Ajwalilon te ya cac'beyex castigo.

Ezequiel 7:4

Ma me ba ya jna'batix yo'bolil aba. Ya me cac'batix castigo yu'un te bila beil at'unoje; ya me cac'bat atoj te bila mero ilaybil sba apasoje. Ya me ana'ic te jo'on Ajwalilone.

Jeremías 48:12

Te Cajwaltic jich ya yal: —Ya xc'ot sc'aalelal te ay mach'atic ya jticun, te ya yac' ta yan yawil te vino c'oeme. Te yawil jochol ya xjile, ya me yich' wuyel ta jyalel.

Jeremías 47:3

Ya yaiybeyic sc'op yacan te caballoetic yu'un te ya x'animajique, te stulanil sc'op te carretaetique, te sc'op sruedaile. Ma'yuc yip yo'tanic ya xbajt'ic yu'un te me'il-tatiletique; jich ya spijt'esic jilel te yal-snich'nabique.

Jeremías 16:5

Te Cajwaltic la yalbon xan: —Ma x'ochat ta na ta bay ayic ta mel-o'tan yu'un te mach'a lajem tey a. Ma me x'oc'at, ni ma me xawac' ta ilel xc'uxulil ta swenta. Melel te lume la jch'aybeyix te lamal q'uinal ta stojolic, soc te xc'uxul co'tan soc te yutsil co'tane. Jo'on Ajwalilon, jich ya cal.

2 Crónicas 20:23

Melel te amonetic soc te moabetic, ja' ba yac'beyic guerra te mach'atic talemic ta wits Seir, jc'axel la slajinic. Ta patil te c'alal laj yu'unic, jajch' smil sbaic.

1 Samuel 14:16

Te soldadoetic ayic ta scanantayel scampamento Saúl ta lum Gabaa ta sq'uinal Benjamín, la yilic te filisteoetic te xquechetic ta ch'ayel bael ta anele.

Job 27:22

mero tulan me ya xtenot yu'un, manchuc me ya sc'an ya scoltay sba.

Jeremías 15:5

“¿Mach'a c'an sna'bat yo'bolil aba, Jerusalén? ¿Mach'a c'an sna'bat ac'uxul te ja'ate? ¿Mach'a c'an smel yo'tan yu'un te ayat ta chamele?

Lamentaciones 2:21

Limilic ta calleetic ya quil, muc'-biq'uitetic; lajic ta milel ta puñal, queremetic soc ach'ixetic cu'un. Ta sc'aalelal awilimba la awejch'entes yu'un lajel; ma la ana'bey yo'bolil sba ta milel.

Oseas 2:4

Ma ba ya jna'bey yo'bolil sba te yalataque, melel chicnajem ta smulwej.

Zacarías 11:6

Ja' ni me jich ya jpasbey ta stojolic te ants-winiquetic te nainemic li' ta lumq'uinal in to, ma'yuc bi ora ya jcha'na'bey xan yo'bolil sbaic. Melel ta juju-jtul ya me cac' ta sc'ab spat-xujc' soc ta sc'ab muc' ajwalil yu'unic. Ja'ic me te ya sjinic ta jc'axel te lume; ma'yuc ya jpojbey ta sc'ab ni jtuluc. Jo'on, Ajwalilon te jich ya cale —xi' te Cajwaltique.

Jeremías 15:6

Ja'at la awijq'uitayon ta awo'tan, sujt'at bael ta apat. Jo'on Ajwalilon, jich ya cal. Jich yu'un lubenonix ta maliybelex; jich la jtoy jc'ab ta swenta cac'belat castigo, soc la jinat.

Jeremías 25:16

C'alal ya yuch'ic c'oem te copa, ya me xjajch'ic ta xenel. Jich me ya xc'otic te bit'il jowil joletic ta scaj te guerra ya jticun tele —xi' te Cajwaltique.

Ezequiel 7:3

La staix yorail te ya xlajat, Israel. Ya me jt'omes tel ta atojol te quilimbae. Ya me quich'batix ta wenta te awat'ele, chican te bila beil at'unoje, soc ya me cac'batix castigo yu'un ta spisil te bitic apasoj te mero ilaybil sbae.