Jeremías 13:13 - Bible in Tzeltal de Oxchuc y Tenejapa

¹³ Te ja'ate ya me asujt'esbey: “Te Cajwaltic ya yal: ‘Ya me cac' xyacubic spisilic te mach'atic nainemic tey ta lum to: Te muc' ajwaliletic te ya xnajc'ajic ta smuc'ul nactijib David, te sacerdoteetic, soc te j'alwanejetic, soc spisilic te mach'atic nainemic ta Jerusalén.

Bible in Tzeltal Bachajón

¹³ Hich me xawa'be: Hich yaloj te Jehová: Ya jnojes ta yacubel spisil te mach'atic nahinemic ta q'uinal ini: ha te ajwaliletic te ya shuhcan sbahic ta shuctajib David, te sacerdotehetic, jalwanejetic soc spisil te mach'atic nahinemic ta Jerusalén.

Jeremías 13:13 Referans Kwoze

Isaías 63:6

Bayal nax quilimba la jtec' te nacionetique, la jin ta sc'ajc'al co'tan, la cac' oquinuc xch'ich'el ta lumq'uinal —xi'.

Isaías 51:17

Wic'a asit, wic'a asit, Jerusalén, jajch'an. Ja'at la awaiybey swocolil yilimba te Cajwaltic, jich me c'oem te mach'a ya yuch' junuc copa, te ya yuch' sjunal ta jyalele, ja' to c'alal ya xyacub jilel.

Salmos 75:8

Te Cajwaltic yich'oj ta sc'ab te svasoil te yilimba, jich c'oem te bit'il capbil vino te pajubene. Te bi ora ya sp'is stuquel te vino, spisilic te mach'atic amen yo'tanic ta lumq'uinal ya me slajinic yuch'el, ma'yuc jxujt'uc ya xjil yu'unic.

Salmos 60:3

La awaq'uix c'axuc yu'un tulan pruebaetic te lum awu'une, la awac'botiquix vino c'oem te ya xjowejotic yu'une.

Habacuc 2:16

Te ich'el ta muc', ja' ya xc'atp'uj ta q'uexlal. Melel te Cajwaltic ya yac'bat awuch' te bila ya awac' ta ilel a te ma ba awich'oj circuncisión, jich ya xc'atp'uj ta q'uexlal te awutsilale.

Jeremías 51:7

Te Babilonia jich c'oem ta jc'ab bit'il vaso pasbil ta oro te la cac' yacubuc spisil ants-winiquetic a. Te nacionetic la yuch'ic te vino, soc ch'ayic ta q'uinal yu'un.

Jeremías 25:27

Soc la yalbon te Cajwaltique: —Albeya yaiyic te jo'on Ajwalilon te Spisil ya xju' cu'une, te Dioson yu'un Israel ya calbey mandal: “Uch'aic me ja' to te c'alal ya xyacubex ta jyalel, te ya xenex soc te ya xyalex ta lum, swenta yu'un ma xjajch'ex ta scaj te guerra te ya jticun tele”, xoon me.

Isaías 49:26

Ya me jsuj te j'uts'inwanejetic awu'un te ya xjajch' sti'ic te sbaq'uetalique; soc ja' ya cac' te ya xyacubic soc te xch'ich'elique, jich me ta yo'tanic te bit'il trago. Jich me ya sna'ic spisil te ants-winiquetic ta balumilal te jo'on Ajwalilon te Jcoltaywanejon awu'une; te jo'one, ja' Yipon Jacob, jo'on J'ac'wanejon ta libre awu'un —xi' te Cajwaltique.

Jeremías 51:57

Te Muc' Ajwalil, te Ajwalil Spisil ya xju' yu'une, ya yalbey xan sc'oplal: —Ya me cac' xyacub te jtsobwanejetic yu'un Babilonia, te mach'atic p'ijic yu'un, soc te ajwaliletic, te mach'atic te tulan yat'el yich'ojic, soc te soldadoetique, ya me xyalic ta lum yu'un swayelic sbajt'el q'uinal te ma xwijq'uix sitic yu'une.

Isaías 51:21

Jich yu'un, ja'at te lum ma'yuc yutsil q'uinal awaiye, aiya awaiy stojol, ja'at te ma vinouc yacubenat yu'une.

Isaías 29:9

Pasaic bael te ma xtojobexe. Pasaic bael, jich bit'il ma'sit te xujt' ma xyil q'uinale. Pasaic te sts'eunajex jichuc jyacubeletique, manchuc me ma'yuc awuch'oj te tulan uch'balile.

Jeremías 13:12

Te Cajwaltic te Dios yu'un te Israel, ya yal: —Albeya xan: “Biluc oxomil ya xju' ya yich' nojesel ta vino”, xaat me ta stojol. Te israeletic ya sujt'esbat te ac'ope: “¿Yu'un bal ya acuy te ma jna'tic te biluc oxomil ya xju' ya yich' nojesel ta vinoe?” xiic me.

Jeremías 25:29

Ya me xjajch'on ta yaq'uel tel te castigo ta stojol te lum te cu'unineje. ¿Ya bal acuy te ma ba ya staex te castigoe? Ma'yuc mach'a ma xtaot yu'un, melel ya jticun tel guerra ta stojol spisil te mach'atic ayic ta balumilal. Jo'on Ajwalilon te Spisil ya xju' cu'une’, xi' sc'op”, uta me.