Jeremías 13:1 - Bible in Tzeltal de Oxchuc y Tenejapa

¹ Te Cajwaltic la yalbon: —Baan, mana tel xchujq'uil ach'ujt' pasbil ta lino, soc chuca ach'ujt' a; ja'uc me to, ma xamul ta ja' —la yuton.

Bible in Tzeltal Bachajón

¹ Hich la yalbon te Jehová: Bahan, mana schuhquil ach'uht pasbil ta lino, chuca ach'uht a, pero ma xamul ta ha', xchi.

Jeremías 13:1 Referans Kwoze

Hebreos 1:1

Ta namey q'uinal Dios la sc'opon te namey q'uinal jme'-jtatic ta swenta te j'alwanejetic yu'une. Ma junuc nax buelta te la sc'opone, soc yanyan te bit'il la sc'opone.

Jeremías 13:11

Jich bit'il te mach'a tulan ya xchuc xch'ujt' ta xchujq'uil, jich ta co'tan spisil te lum Israel soc spisil lum Judá, jun nax c'oem ta jtojol. Ja' lum cu'un ta neelal, te sc'oplal la yac'onic ta na'el stojol, soc ya yalbonic wocol yu'un cutsilal te jichuque. Ja'uc me to, ma la xch'uunbonic c'op. Jo'on Ajwalilon, jich ya cal —xi'.

Jeremías 27:2

jich la yalbey: —Pasa jun yugo soc xchujq'uil, ac'a ta anuc' swenta seña te mosoinbilat yu'un yan.

Jeremías 19:1

Te Cajwaltic la yalbon: —Baan, mana junuc q'uib te pac'bil ta ajch'ale, soc ic'a tel cha'oxtuluc mamaletic yu'un te lum soc cha'oxtul te mamal sacerdoteetique.

Hechos 21:11

Tal yilotic ta banti ayotique. La stsacbey xchujq'uil xch'ujt' te Pabloe, la xchuc ta sc'ab soc ta yacan. Jich la yal: —Jich la yal te Ch'ul Espiritue: “Te yajwal in chujq'uil ch'ujt'ul to, jich me ya xc'o yich' chuquel ta Jerusalén yu'un te judioetique, soc ya me yac'beyic ta sc'ab te jyanlumetique”, xi' te Ch'ul Espiritue —xi' te Agaboe.

Isaías 20:3

Jich yu'un te Cajwaltic la yal: —Te cabat Isaías sloq'uesej xanab soc t'anal la yac' sba c'alal ta yoxebal ja'wil, ja' me señail soc ja' sc'oplal te Egipto soc Etiopía.

Jeremías 18:2

—Coan bael ta bay sna te jpac'jome. Tey ya calbat a te jc'ope —xi'.

Jeremías 43:9

—Tsaca cha'oxp'ijuc muc'ul tonetic. Ta sitic te ants-winiquetic yu'un Judá, muca ochel ta bay tulanil lum, pamanbil ta stojol yochibal te spalacio te ajwalil ta lum.