Jeremías 12:7 - Bible in Tzeltal de Oxchuc y Tenejapa

⁷ “Jpijt'esejix jilel te lum cu'une, la jq'uejix bael ta co'tan te bila cu'unineje. La cac'beyix ta sc'ab scontrotac te lum te bayal c'uxbaj ta co'tane.

Bible in Tzeltal Bachajón

⁷ La jquihquitay hilel jna, la jloq'ues ta co'tan te bin a'boton quich'; la jcac' ta sc'ab scontratac te mach'a c'ux ta co'tan.

Jeremías 12:7 Referans Kwoze

Isaías 2:6

Cajwal, la awijq'uitay te ants-winiquetic awu'une, ja' te lum yu'un Jacob. Te q'uinale nojel tey a te mach'atic ay bi ya sna'ic yalel ta sc'opic te talemic ta stojol sloq'uib c'aal, soc nix te mach'atic p'ijic ta sc'opic jich te bit'il ay ta yolilal te filisteoetique. Te lume ya xchap sc'opic soc te jyanlumetique.

Jeremías 11:15

“¿Bi ya sle ta templo cu'un te Israel, ja' te quinam c'oeme, melel bayal la spas te bitic ilaybile? ¿Yu'un bal scuyojic te ya xch'ay bael woclajel yu'un a, te ya yac'bon xepuil chambalam soc te sti'balul ta swenta milbil jmajt'ane, soc te ya scoltay sbaic ta sc'opic a?

Oseas 9:15

Ya yal te Cajwaltique: —Ta Gilgal la spasic spisil te bila amene, tey jajch' quilay ta co'tan a. Ta swenta te amen yat'elic ya jloq'ues bael ta jna; ma ba ya jc'uxtay bael, melel toybaic ta jyalel spisil te ajwaliletic yu'unique.

San Lucas 21:24

Ay me mach'atic ya xlajic ta milel ta puñal, soc ay me chucajtic ya x'ic'otic bael ta bay spisil ta jchajp te lumetique. Te lum Jerusalén ya me xlaj ta pech'anel ta teq'uel yu'un jyanlumetic, ja' to teme ts'acaj te jich yipal c'aal te albile.

Joel 3:2

Ya jtsob spisil te nacionetic, ya me quic' bael ta stenlej xatal q'uinal yu'un Josafat. Tey me ya xc'o cac'bey stojic a te bila la spasbeyic te lum Israel cu'une. Melel la spucbonic bael ta swolol balumilal te israeletic, soc la spucbey sbaic te jlum-jq'uinale.

Joel 2:15

Oq'uesinaic oq'ues ta wits Sión. Tsobaic te yajwal lum, coma awe'elic;

Ezequiel 24:21

“Albeya te lum Israel: ‘Jich ya yal te Cajwaltique: “Ya me jinbey sc'oplal te templo cu'une, te mero bayal ya amulanic soc c'ux ta awo'tanique, te ja' ya atoy q'uinal awaiyic a, soc te ja' yip awo'tanique. Te aquerem-nich'nabic soc te awantsil-nich'nabic, te jilem awu'unic ta Jerusalén, ya me xlajic ta milel”, xi' me’, uta me.

Jeremías 51:5

Te Israel soc Judá, manchuc me staoj smulic ta jtojol, soc teme nojel ta mulil yu'unic te slumale, ma ba pijt'esbilic cu'un, jo'on Ajwalilon, te Spisil ya xju' cu'une, te Ch'ul Dioson yu'un Israel.

Jeremías 7:29

Jerusalén, joxa loq'uel te stsotsil ajole, ch'oja bael. C'ajintaya mel-o'tan c'ayoj ta ch'in witsetic ta jochol taquin q'uinal. Melel te Cajwaltic ilinem ta stojol te awinictaque, la spijt'esix soc la xch'ojix bael ta yo'tan.

Jeremías 7:14

Jich yu'un, jich nix te bit'il la jpasbey te ch'ul templo ta Silo, jich nix ya jpasbey in templo to te ac'bilon ta jwentae, te la cac'beyex te ja'ex soc te antiguo ame'-atatique, te ja' smuc'ulinej awo'tanique.

Jeremías 14:19

Cajwal, ¿jc'axel bal la ach'oj bael ta spisil te Judá? ¿Lubat balix yu'un te lum Sión? ¿Bi yu'un la awejch'entesotic te ma'yuc ta poxtayele? La jmaliytic te ya x'esmajotique; ja'uc me to, ma'yuc bila lec la jtatic. La jmaliytic te ay yutsil q'uinal caiytic ta poxtayele; ja'uc me to, ja' nax ay xiwtesel.

Jeremías 17:4

Ya me awijq'uitay aq'uinal, te jich la cac'bat ta mero awu'une; soc ya cac' smozoinat acontrotac ta bay q'uinal te bay ma x'ana'bey sbae. Melel la atilesbonix c'oem te quilimba jich te bit'il c'ajc' te ya xchic'at ta jc'axele —xi' te Cajwaltique.

Jeremías 23:33

“Jeremías, teme ay jtul yajwal te lume, jtul j'alwanej, o jtul sacerdote te ya sjojc'obate: “¿Bila a te c'op mero al awentainej yu'un te Cajwaltique?” teme ya yutate, albeya: “Te Cajwaltic ya yal te alex jichuc ijc'atsil te ja'exe, te jich ya xch'ojex bael”, ya me awut.

Jeremías 23:39

ya me jachex jichuc ijc'atsil, te ja'exe soc te muc'ul lum la cac'beyex soc te antiguo ame'-atatique, c'ubul to me ya jch'ojex bael ta jtojol.

Oseas 11:1

“C'alal jich to nax bit'il alal a te lum Israel, jo'on la jc'uxtay; ja' stuquel te mero jnich'an la caiye, la quic' loq'uel tel ta Egipto.

Deuteronomio 33:12

Sc'oplal Benjamín, jich la yal: —Te mach'a c'ux ta yo'tan te Cajwaltique, bin nax me yo'tan ya x'ain. Te mach'a Mero Toyole, spisil me ora ya scanantay. Ay me ta sc'ab spisil ora —xi'.

2 Reyes 21:14

Te jayeb xan ya xjil te lum cu'une, ya me jpijt'es, ya me cac' ta sc'ab scontro. Ya me x'elc'anbot soc ya me xpojbot sbiluquic yu'un.

Salmos 78:62

Mero jajch'em sc'ajc'al yo'tan ta stojol te lum yu'un, ja' yu'un la yac' lajuc ta spuñal te scontroe.

Salmos 106:40

Te Cajwaltic jajch' sc'ajc'al yo'tan ta stojol te lum yu'un; la spijt'es jilel manchuc me mero yu'un.

Jeremías 22:5

Yan teme ma x'awich'ic ta muc' te sjultesjibal awo'tanic cu'une, ja' in palacio to ya xc'atp'uj ta jinem ts'ajq'uetic. Jo'on Ajwalilon, jich ya cal”, uta me —xi' te Cajwaltique.