Jeremías 12:6 - Bible in Tzeltal de Oxchuc y Tenejapa

⁶ Asta te mero awermanotaque, te jun ana soque, ya yac'at ta c'abal, soc ya yawtayat ta ixta c'op ta apat. Ma xawac' smuc'ul awo'tan yu'unic, manchuc teme lec nax sc'op te ya sc'oponate.

Bible in Tzeltal Bachajón

⁶ Te awermanotac soc te mach'atic ay yu'un atat ha'ic nix la yac'at ta c'abal, awonic scontrahimbelat. Ma me xawac' ya smuc'ulinic awo'tan aunque lec bin ya yalbat.

Jeremías 12:6 Referans Kwoze

Proverbios 26:25

Ma me xach'uun teme t'ujbil nax ya sc'oponat yilele, melel ay bila amen nojel ta yo'tan.

Jeremías 9:4

Asta jo'tac ma spas te ya quich'beytic ta muc' te sc'opique; manchuc teme quermano jbatic soc, ma xju' ya quich'tiquix ta muc'. Melel te mach'atic quermano jbatic soque, ja' nax ya xlo'laywanic; te mach'a jo'tac jbatic soque, ja' nax ya jle jbatic ta c'op juju-jtul.

Salmos 12:2

Ya spas sbaic ta lot; lec sc'opic yaiyel, ja'uc me to, ma jichuc te yo'tanique.

San Mateo 10:21

“Ay me yermano sbaic te ya yac' sbaic ta milele. Soc ay me tatil te ya yac' ta milel te yal-snich'ane. Soc ay me alnich'anetic ya xjajch' scontroinic te sme'-statique, soc ya me yaq'uic ta milel.

Jeremías 11:21

Te winiquetic ta Anatot la slebonic te jlajele, soc te la yalic mandal te ma me xc'opojon ta swenta te Cajwaltic, teme ma sc'an co'tan ya smilonique.

Jeremías 11:19

Jun nax co'tan ayon, jich bit'il chij te ya yiq'uic bael ta miljibal, mero ma la jna' teme yacalic ta xchapel jc'oplal ta controinele. La yalic: —Ya jbojtic te te' c'oem, te yich'oj yip ta spisil ora; ya jbultic loq'uel ta balumilal ta bay mach'atic te cuxajtique, swenta yu'un ma me ayuc mach'a ya sna' xan —xiic.

Hechos 18:12

Ja'uc me to, te c'alal och ta ajwalil te Galión ta sq'uinal Acaya, te judioetic la stsob sbaic ta scontroinel te Pabloe. Jich la yiq'uic bael ta bay te chajbajibal yu'un te Galione.

Jeremías 20:10

La caiy stojol te sajlajan ta c'op te ants-winiquetique: “Ay xiwel ta spisil ta bayuc”, xiic. Ya yalic: “La'ic, ya xba jlebetic smul”, xiic. Asta te jo'taque ya smaliy yilic te yacuc cal loq'uel jtebuc te lotil c'ope. Ya yalic: “Yacuc yac' sba ta lo'layel; jich me ya jtsaltic soc ya me jsutbeytic spacol”, xiic.

Salmos 69:8

Jchajp quilel ya yilonic, ma sna'boniquix jba te mero quermanotaque.

Job 6:15

Pero te ja'ex amigotac, ma jichuc la apasbonic, jichex te bit'il taquin beja'etique.

San Juan 7:5

Yu'un ma ba xch'uunejic Jesús uuc te yijts'inabe.

San Marcos 12:12

Jich c'an stsaquic, yu'un c'ot ta yo'tanic te ja' sc'oplalic te seña-c'op la yale. Ja'uc me to, la xi'ic te ants-winiquetique. Jich la yijq'uitayic jilel, bajt'ic.

Isaías 31:4

Te Cajwaltic la yalbon: —Jich me c'oem te bit'il león-choj te smilojix jcojt' chij, te xujt' ma xiw yu'un te jcananetic yu'une, manchuc me ya stsob sbaic tel spisilic te yo'tanuc ya xiwtesic bael ta awe. Jich me ya xtal te Cajwaltic te Spisil ya xju' yu'une, ya xtal scoltay te lum yu'un ta wits Sión.

Hechos 16:22

Jich te lume jajch' scontroinic uuc. Te jchajbanwanejetique sc'ajc'al nax la xch'i'beyic loq'uel sc'u' te Pablo te Silase, soc la yalic mandal ta majel ta bara-te'.

Jeremías 9:2

Tey ayucon laj ta jochol taquin q'uinal, te nainemucon tey a, c'ubul ayon yu'un a te jlumal te jichuque. Melel spisilic ma junuc yo'tanic; jchajp yac'oj sbaic ta spasel ixtajel.

Jeremías 9:5

Juju-jtul ya jlaban jbatic soc yan, soc ma'yuc mach'a ya yal te bila smelelile. C'aemotiquix ta yalel lot; c'ax amenotic, ma xju' cu'untic sjelel co'tantic, xoon yu'un.

Salmos 12:3

Cajwal, bula loq'uel soc yisim te mach'atic cheb yo'tanic soc te ya stoy sbaique.

Proverbios 23:8

Patil ya me axejtay te bila la awe'e; jich ma'yuc bila tuun awu'un a te jun awo'tan c'opojat soque.

Jeremías 9:3

Ja' mero chapalic yu'un yalel te lotetique, jich c'oem te bit'il ya st'imuyiquix bael t'im. Ta bay lum tey yac ta at'el a te lote, ma ja'uc te smelelile; yan yan ta bats'ejel bael te bila amene. Ja' nix tulan la yalix stuquel te Cajwaltique: —Ma ba ya ac'anic te ya ana'bonic jbae —xi'.