Jeremías 12:5 - Bible in Tzeltal de Oxchuc y Tenejapa

⁵ Te Cajwaltic la yalbon: —Teme ya xlubat yu'un animal soc winiquetic te ya xbeenic ta yacane, ¿ya to bal xju' awu'un stsalel te mach'atic ya xbeenic ta caballo? Ta bay senel nax te q'uinale, jun nax awo'tan ya awaiy tey a; ¿ja'uc me to, bila ya apas yu'un te pimil ja'mal ta Jordán?

Bible in Tzeltal Bachajón

⁵ Teme ya x'ahnimajat soc te mach'atic ya x'ahnimajic, teme ya xluhbat yu'unic, ¿bin ut'il yac atsal aba ta ahnimal soc cawuhetic? Teme ma ba jun awo'tan ta banti lamal te q'uinale, ¿bin yac apas ta banti pimil ha'mal ta Jordán?

Jeremías 12:5 Referans Kwoze

1 Pedro 4:12

Quermanotac te c'uxex ta co'tane, ma me x'ayan awo'tanic teme ay awocolic yu'un te yiljibal awo'tanic te bayal xc'uxul jich bit'il c'ajc' te ya xc'ot ta awentaique. Ma me xacuyic te ma'yuc bay jich ya xc'ot ta stojol te yantique.

Proverbios 24:10

Teme ya xpejc'aj awo'tan te c'alal ay awocol a, yu'un ma'yuc bayal te yip awo'tan awich'oje.

Jeremías 50:44

“Talon meix a te ya awilique, jich bit'il león-choj ya xloc' tel ta pimil ja'mal ta ti'ti'ja' Jordán, te ya yantay bael ta bay unin aquiltic. Tey me ya cac' x'anic loq'uel a te yajwal Babilonia, soc ya me cac' xmandalaj ta ajwalil te mach'a ya sc'an co'tan ya jtsae. Melel ¿mach'a ya spajon te jo'one? ¿Mach'a ya xju' ya stsalon? ¿Mach'a jcanan-chij c'oem te ya xju' scontroinone?

Jeremías 49:19

Talon meix a te ya awile, jich bit'il león-choj ya xloc' tel ta pimil ja'mal ta ti'ti'ja' Jordán, te ya yantay bael ta bay unin aquiltic. Tey me ya cac' x'anic loq'uel a te mach'atic ay ta Edom, ya me cac' xmandalaj ta ajwalil tey a te mach'a ya sc'an co'tan ya jtsae. Melel ¿mach'a ya spajon te jo'one? ¿Mach'a ya xju' ya stsalon? ¿Mach'a jcanan-chij c'oem te ya xju' scontroinone?

Salmos 42:7

Ya sjac'bey sba ta aiyel sc'op ta sc'ubulil ch'entiquil soc te sc'op te bay ya xch'ay coel te ja'etique; soc te snojel ja'etic ticunbil awu'une, c'axix ta jba.

Proverbios 3:11

Jnich'an, ma me xach'ay te tojtesel yu'un te Cajwaltique, soc ma me x'ilinat yu'un te ya stac'uyate;

Jeremías 36:26

La yalbey mandal te Jerameel te snich'an muc' ajwalil, te Seraías te snich'an Azriel, soc Selemías snich'an Abdeel, te ya xba xchuquic tel te j'alwanej Jeremías, soc Baruc te secretario yu'une; ja'uc me to, te Cajwaltic la snac'.

Jeremías 26:8

C'alal laj yo'tan ta yalel te bila albil yu'un Cajwaltic, te sacerdoteetic, te j'alwanejetic soc te lum la stsaquic, jich la yalbeyic: —¡Ya me xlajat!

1 Crónicas 12:15

Ja'ic te c'axic bael ta muc'ja' Jordán ta yorail ja'lel q'uinal, te c'alal nojel ta sti'il te ja'e. Jich la yac' anuquic bael spisilic te mach'atic ayic ta stenlej xatal q'uinaletic, ta stojol sloq'uib c'aal soc ta stojol smalib c'aal.

Jeremías 11:21

Te winiquetic ta Anatot la slebonic te jlajele, soc te la yalic mandal te ma me xc'opojon ta swenta te Cajwaltic, teme ma sc'an co'tan ya smilonique.