Jeremías 12:15 - Bible in Tzeltal de Oxchuc y Tenejapa

¹⁵ C'alal bulbiliquix loq'uel cu'un a, ya jcha'na'bey xan yo'bolil sbaic, soc ya jcha'sujt'es tel ta bay nix sq'uinalic, ja' te bay nix te slumalique.

Bible in Tzeltal Bachajón

¹⁵ C'alal bulbilix loq'uel cu'un a, ya jcha'na'be xan yo'bolil sbahic, soc ya cac' suhtuc tal jujutuhl ta sq'uinalic, jujutuhl ta slumalic.

Jeremías 12:15 Referans Kwoze

Jeremías 49:6

Ja'uc me to, ta patil ya me sta sc'aalelal te ya cac'bey xan yutsilal te amonetique. Jo'on Ajwalilon, jich ya cal —xi' te Cajwaltique.

Jeremías 48:47

Ja'uc me to, ta patil ya me sta sc'aalelal te ya cac'bey xan yutsilal te Moab; jo'on Ajwalilon, jich ya cal —xi' te Cajwaltique. Ja' jich sc'oplal ta chajbanel yu'un Cajwaltic te Moabe.

Jeremías 49:39

Ja'uc me to, ta patil ya me sta sc'aalelal te ya cac'bey xan yutsilal te Elam. Jo'on Ajwalilon, jich ya cal —xi'.

Amós 9:14

Jich yu'un ya me quic' sujt'el tel te lum Israel cu'un te ic'otic bael ta mosoil. Ya xcha'pasic xan te lumetic jinemique, tey me ya xnainic a; ya me sts'unic ts'usubiletic, soc ya me yuch'beyic te ya'lele; ya me sts'unic awalts'unubil, soc ya me slo'beyic sit.

Deuteronomio 30:3

jich me ya syantesbeyex a te bila wocolil ay ta atojolic te Cajwaltic Diose. Ya me sna'beyex xan yo'bolil abaic, ya me xcha'tsobex tel li' ta nacionetic ta banti la xch'ojex bael ta neelal toe.

Deuteronomio 3:20

Te Cajwaltic ya me yac'bey ta banti ya xcux yo'tanic ta nainel uuc te awermanotaque. Jich nix te bit'il te la yac'beyexix te ja'exe, jich ni me ya yac'bey yu'uninic te q'uinal, ya me yac'bey sq'uinalic ta jejch' ja' Jordán. Teme jich c'ote, ja' to me ya sujt'ex bael a ta aq'uinalic te la cac'beyexe, chican banti ayex ta juju-jtul”, la cutex.

Números 32:18

Ja' to me ya sujt'otic ta jnatic a, teme spisil israeletic la staic jilel te sq'uinalique.

Hechos 15:16

“La yal te Cajwaltique: ‘Ta patil ya xcha'talon xan soc ya me jcha'pas xan te sna David te jinem coele. Ya me jchajban xan ta yach'il te bit'il jineme, soc ya jcha'tejc'an moel,

Jeremías 3:12

Baan ala ta stojol Israel: “Te Cajwaltic jich ya yal: Sujt'anic tel ta jtojol, ja'at toyba Israel. Ma ba ilinemon ta atojol, ma sbajt'eluc q'uinal ya x'ilinon, melel jo'on ay yutsil co'tan. Jo'on, Ajwalilon te ya cal te jc'ope.

Jeremías 3:17

Te Jerusalén, “Yawil smuc'ul nactijib Cajwaltic”, xi' me te sbiile. Spisil nacionetic ya me stsob sbaic tey a ta swenta yich'belonic ta muc', soc ma ba ya xcha'pasic soc stoybailic te tey baem yo'tanic a te bila amene.

Jeremías 4:2

jich me ya xju' te ya atabon ta alel jbiil ta smelelil, ta stojil soc ta swenta bitic lequic ta pasele. Ta swenta jbiil ya me xc'ot bendición ta stojol te nacionetic, soc ya me yalbonic lec jc'oplal —xi' te Cajwaltique.

Jeremías 24:6

yacon ta scanantayel, soc ya me sujt'es tel li' ta q'uinal to. Li' ya cac' esmajuc, soc ma ba ya jcha'jin xan; ya jts'un, ma ba ya jcha'bul xan.

Jeremías 29:14

Ya me cac' jba ta tael awu'unic te ja'exe; ya me jel te bit'il ayexe. Ta spisil te nacionetic ta bay la jpuquex baele, ya jloq'uesex tel tey a; ya me jtsobex, ya me sujt'ex tel, ya xloq'uex tey a ta bay la jticunex bael ta mosoil. Jo'on Ajwalilon, jich ya cal’, xi'.

Daniel 11:4

Pero te c'alal chapalix yu'un a te bay c'alal yu'uninej, ya me yich' jinel, soc ya me yich' pasel ta chansejp. Te yip te muc' ajwalil ma xju' ya xc'ax ta stojol patil alnich'anetic yu'un, soc ma sta jich yip ya xc'ot te bit'il c'ot ta pasel ta neelal toe, melel ya me yich' xatel. Yantic meix mach'atic ya x'ochic ta ajwalil yu'un a te juju-jsejp q'uinale.

Jeremías 16:15

Ja'uc me to, jich me ya awaliquix: “Ta swenta bit'il cuxul te Cajwaltic, jich la sloq'ues tel israeletic ta yan lum ta norte soc ta spisil te lumetic te bay spucoj baele”, xaex meix ta yalel. Jo'on ya me cac' sujt'ex tel ta aq'uinalic, ja' te q'uinal la cac'bey te antiguo ame'-atatique.