Jeremías 12:12 - Bible in Tzeltal de Oxchuc y Tenejapa

¹² Spisilic te ch'in witsetic te jocholixe, talic j'ixta-winiquetic tey a. Melel jo'on Ajwalilon, ay puñal cu'un te ya jin a te lum ta xcha'jejch'el, soc ma me ayuc lamal q'uinal yaiy ni jtuluc.

Bible in Tzeltal Bachajón

¹² Ta spisil te toyol jochol q'uinal talic jinawetic, como te espada yu'un Jehová ya me slajin ta jehch ta jehch te q'uinale, mayuc mach'a lamal q'uinal ya ya'iy.

Jeremías 12:12 Referans Kwoze

Amós 9:4

Teme ya xtsacot loq'uel ta slumal yu'un te scontrotaque, ya jticun bael puñal, ya xba smil. Ya cac'bey spisil ora te bila ma lecuc, ma ja'uc te bila leque —xi' te Cajwaltique.

Jeremías 47:6

¡Ja'at spuñal Cajwal! ¿bi ora ya acom aba? Cha'ochan ta ana, ch'aban, ma xatijix aba.

Ezequiel 14:17

“Teme ya cac' taluc guerra ta stojol te lumq'uinale, teme ya cal mandal te ya xlajic ants-winiquetic soc te chambalametique,

Isaías 34:6

Te spuñal te Cajwaltic ya me xmul ta ch'ich' soc xepuil, jich bit'il ya yich' milel chijetic soc tentsunetic ta smajt'an Dios. Te Cajwaltic ya spas milbil majt'anil ta lum Bosra, mero muc'ul miltomba ta sq'uinal Edom.

Apocalipsis 6:4

Loc' tel yan tsajal caballo. Te mach'a cajal ta spate ac'bot yat'el ta xch'ayel te lamal q'uinal ta balumilale, swenta yu'un jich me talel c'axel ya smil sbaic. Soc ac'bot smuc'ul puñal.

Sofonías 2:12

Ja' nix jichex mach'a ayex ta Etiopía, ya me x'ejch'enajex jilel yu'un spuñal te Cajwaltique.

Ezequiel 5:2

Te bi ora ya xlaj te guerra ta stojol te lume, chic'a jtomuc te stsotsil ajol ta yolil te lume. Patil ya me atsac jun cuchillo, set'a xan jtomuc te stsotsil ajol ta sjoyobal sti'il te lume. Te jtom xan ya xjile, puca bael ta ic'. Te jo'one ya me xboon ta spat ta smilel ta puñal te winiquetic ta lume.

Jeremías 48:2

Te yutsilal Moab laj sc'oplal. Ta lum Hesbón te mach'atic scontrotac te nación Moab ya xchajbanbeyic sc'oplal te ya xch'ay ta jc'axel. Ja'at uuc, lum Madmén, ya awich' jinel, te guerra ma ba ya yijq'uitayat.

Jeremías 34:17

Ja' yu'un yo'tic, jo'on Ajwalilon ya cal: Ja'ex ma la ach'uunbonic jc'op, ma la awaq'uic ta libre te alumalic te ayic ta mosoile. Ta ora yo'tic, ja' ya caq'uex ta libre te ja' ya x'at'ej ta atojolic te guerra, chamel soc wi'nal, swenta yu'un ya me spas ta atojolic bila te ya xjajch' ta nijq'uel yo'tanic yu'un spisilic te mach'atic ya xmandalajic ta balumilal. Jo'on Ajwalilon, jich ya cal.

Jeremías 15:2

Teme ya sjojc'obat te banti ya xbajt'ique, albeya te bila ya cale: “Te mach'atic chapal sc'oplal te chamel ya yaiy xlaje, jich nix me ya xlaj abi; te mach'atic chapal sc'oplal ya xlaj ta guerra, jich nix me ya xlaj abi; te mach'atic chapal sc'oplal te wi'nal ya yaiy xlaje, jich nix me ya xlaj abi; te mach'atic chapal sc'oplal ya x'ic'otic bael ta mosoinel, ya nix me xbajt'ic abi”, uta me.

Jeremías 3:2

“Ilawil ta lec ta bay t'axalix te witsetique: ¿Ay bal junuc te banti ma ba la awac' aba ta c'oponel tey a? La anajc'an aba ta maliywanej jichuc árabe ta jochol taquin q'uinal, la anajc'an aba ta bay ti'be ta smaliyel mach'atic ya smulanat. La aboltesbon te lumq'uinal yu'un amulwej soc te bila amen la apase.

Isaías 57:21

Ta mach'atic amenique ma'yuc lequilal ta stojolic —xi'. Jich la yal te Diose.

Levítico 26:33

Yan te ja'exe, ya me jpuquex bael ta yantic nacionetic, jloq'uesej me jpuñal a ya jnutsex bael. Te alum-aq'uinalic ya xc'atp'uj ta jochol q'uinal, jich nix te lumetic awu'unic ya xc'atp'ujic ta jinem ts'ajq'uetic.

Deuteronomio 32:42

Ya me cajts'es ta ch'ich' te yat'ejibal jt'imalte', ja' me ya xlajinotic yu'un te jpuñale; ¡Xch'ich'el j'ejch'enetic, xch'ich'el jchuqueletic! ¡Xch'ich'el jwentainwanejetic yu'un te jcontrotac te najt'uben sjolic!’, xi' me te Cajwaltique.

Jeremías 3:21

“Ay c'opetic chican ta witstiquil ta jochol taquin q'uinal: Ja'ic te israeletic, te ya x'oq'uic ta sc'anel te yacuc xna'bot yo'bolil sbaique. Jowejic bael a ta bay toj be, soc la xch'ayon ta yo'tanic, jo'on te Ajwalilon te Dioson yu'unique.

Jeremías 4:27

Te Cajwaltic jich ya yal: —Te lumq'uinale jochol ya xc'ot; ja'uc me to, ma ba ya jin ta jc'axel.

Jeremías 16:5

Te Cajwaltic la yalbon xan: —Ma x'ochat ta na ta bay ayic ta mel-o'tan yu'un te mach'a lajem tey a. Ma me x'oc'at, ni ma me xawac' ta ilel xc'uxulil ta swenta. Melel te lume la jch'aybeyix te lamal q'uinal ta stojolic, soc te xc'uxul co'tan soc te yutsil co'tane. Jo'on Ajwalilon, jich ya cal.

Jeremías 25:11

Spisil te lum ya xjin jilel, ya xc'atp'uj ta jinem ts'ajq'uetic. Lajuneb me xchanwinic (70) ja'wil ja' in nacionetic to ya me yac' sbaic ta xch'uunel smandal te muc' ajwalil yu'un Babilonia.

Jeremías 30:5

Te Cajwaltic la yal: —Chican awetic yu'un xiwel, nijq'uel soc ma'yuc bay lamal q'uinal.

Jeremías 46:10

Yo'tic sc'aalelalix te Cajwaltic te Spisil ya xju' yu'une, ja' sc'aalelal yu'un te ya yac'bey spacol te scontrotaque. Te spuñale ya me yejch'entes ja' to c'alal bay ya sc'an, ja' to c'alal ya xyacub c'oem yu'un te ch'ich'e. Melel te Cajwaltic te Spisil ya xju' yu'une, ya me yaiy milaw ta c'axem to xan ta bay norte, ta sts'eel muc'ja' Éufrates.

Lamentaciones 3:17

C'ubul bajt' ta jtojol te lamal q'uinale, soc ch'ayix bael ta co'tan te sbujts' q'uinale.

Ezequiel 21:4

Jc'axel me ya jloq'ues jpuñal, pajal me ya jlajin ta spisilic; manchuc me ma'yuc smulic, pajal me ya xlaj soc te mach'atic ay smulique. Ya xjajch' tel ta norte c'alal ta sur.

Ezequiel 21:28

“Ja'at winic, c'opojan ta jwenta, albeya te bila ya cal ta stojol amonetic, te ja'ic te ya yuts'inic ta c'op te Israel soc te loq'uemix ta sna te puñale. Chapalix yu'un te milawe, juxbilix ta lec swenta yu'un xlemet ya yac' xojobil a te ya xlajinwane.

Jeremías 8:15

Yacotic ta smaliyel te ya x'esmajotique; ja'uc me to, ma'yuc bila lec a jul ta jtojoltic. Yacotic smaliyel yutsil q'uinal caiytic ta jc'optic; ja'uc me to, ja' nax ay xiwel.

Ezequiel 21:8

Te Cajwaltic la sc'oponon, jich la yalbon:

Ezequiel 21:9

—Ja'at winic, c'opojan ta jwenta, ala te jo'on te Ajwalilon te ya calbat mandal te ya awale: “¡Te puñal, te puñal! La yich'ix juxel ta lec, la yich'ix juxel ye.