Jeremías 12:10 - Bible in Tzeltal de Oxchuc y Tenejapa

¹⁰ Bayal jtsobwanej-controinwanejetic la sjinbonic te ts'usubile, la spech'bonic jilel ta teq'uel. La sc'atp'unbonic ta jochol taquin q'uinal, ja' te q'uinal te jmulanej ta leque.

Bible in Tzeltal Bachajón

¹⁰ Bayel jcanan-tuminchijetic la sjimbonic te ts'usubil cu'un, la sts'o'ic ta teq'uel te bin quich'oje; la sutp'inic ta jochol taquin q'uinal te jq'uinal te mero t'ujbil.

Jeremías 12:10 Referans Kwoze

Jeremías 23:1

Te Cajwaltic jich ya yal: —Obol sbaic te jcanan-chijetic te ya yijq'uitayic te chijetic cu'un, te ya xch'ayic soc te ya xpujq'uic baele —xi'.

Isaías 63:18

Te ch'ul lum awu'une ma ba jal c'aal la yu'unin te slumale. Te jcontrotic la spech'bat ta teq'uel te templo awu'une.

Jeremías 6:3

te bay ya x'ic'otic bael chijetic yu'un te jcanantaywanejetic yu'unique; ya stsob sbaic ta sjoyobal, juju-jtsojp tey ya sle swe'elic a ta bay ayique.

Jeremías 3:19

“Israel, la jnop quic'belat jich bit'il jnich'an soc te ya cac'bat aq'uinalin te ay ta mulanele, ja' te lumq'uinal te mero c'ax bayal yutsil yu'un a ta spisil ta spamal balumilal. La cal te “Jtat”, ya awutone, soc te mero ma'yuc bay ya aq'uej aba bael ta jtojole.

Apocalipsis 11:2

Ja'uc me to, ma me xap'is stuquel te yamac'ul te temploe, yu'un ac'botix ta swenta te jyanlumetique. Ya me xpajc'ub ta teq'uel yu'unic che'yoxwinic (42) u te muc'ul lume.

San Lucas 21:14

Ma me neeluc ya anopilayic te bila ya xc'o awal te ya acoltay abaic a.

Jeremías 39:3

Spisilic te mach'atic ay yat'elic yu'un te muc' ajwalil ta Babilonia ochic bael, soc tey la slaman sbaic a ta smuc'ul yochibal sts'ajc'ul te lume. Ja'ic te Nergal-Sarezer, Samgar-nebo, Sarsequim, ja' te tulan yat'el yich'oje, soc xan yan Nergal-Sarezer, te ja' nix jich tulan yat'el yich'oje.

Jeremías 25:9

ya quic' tel spisil te lumetic ta norte, soc te cabat Nabucodonosor te muc' ajwalil yu'un Babilonia, swenta yu'un ya me xtal yac'beyic guerra in lum to, soc ta spisil te yajwale, soc ta spisil te nacionetic te ayic ta sts'eele. Ya me jin ta jc'axel. Ya me jc'atp'un ta jinem ts'ajq'uetic te ya yac' xiwel soc nijq'uel.

Isaías 43:28

te ajwaliletic awu'unic la sboltesbonic te templo. Ja' swentail te la quijq'uitay jilel te lum Israel, ja' te lum yu'un Jacob, te la yich'ic jinel soc ixtac'optayel.

Jeremías 9:10

“Oc'anic soc ajc'anajanic ta witstiquil, c'ajintayaic mel-o'tan c'ayoj ta aquiltic, melel chic'biliquix, soc ma'yuc mach'a ya xc'axix tey a; ma'yuc bay ya xchicnajix sc'op te wacaxe, asta te mutetic soc te chambalametic te ya xti'awanique, bajt'iquix ta anel.

Ezequiel 34:2

—Ja'at winic, c'opona ta jwenta te jcanan-chijetic c'oem yu'un Israel, albeya te ma ba lec co'tan ta stojolique. Jich xawalbey: “Jich ya yal te Cajwaltique: ‘Ay me swocolic te jcanan-chijetic yu'un Israel, te ja' nix ya scanantay sbaic stuquelique. Te bila ya sc'an ya scanantay te jcanan-chijetic, ja' ta stsojbol te chijetique.

Daniel 8:13

Patil la caiy yac ta c'op jtul ch'ul abat, la sjojc'obey yan ch'ul abat, jich yac ta yalel: —¿Bi to ora ya xlaj te bila chican yac ta pasel ta scajtijib ta chiq'uel milbil smajt'an Dios swenta jujun c'aale? ¿Jayeb c'aal ya xjalaj te mulil ilaybil sbae, ja' te ay ta c'abal soc yac ta pech'el ta teq'uel te ch'ul awilal yu'un Cajwaltic soc te mach'atic ch'uunbil yu'une? —xi'.

Zacarías 7:14

Ja' yu'un jich te bit'il sutu-ic' la jpuc bael ta stojol te nacionetic te ma'yuc xyilique. Te c'alal jil yu'unic te slum-sq'uinalique, c'atp'uj ta jochol taquin q'uinal, ma'yuc mach'a ju' nainix tey a. La yaq'uic bolobuc te buen t'ujbil lumq'uinale —xi'.

Isaías 3:14

Te Cajwaltic ya yic' te mamaletic ich'bilic ta muc' soc te jtsobwanejetic yu'un te lum ta yalbeyel ta jamal te smulique: —Ja'ex te yacalex ta sjinel te ts'usubiltic cu'un; yacalex ta yelc'anel te me'baetique, te bi ya awelc'anic ya aq'uejic ta anaic.

Jeremías 25:37

Ilin te Cajwaltic, jich la sjinbey te t'ujbil aquiltic ta q'uinale.

Jeremías 25:38

Jich loc' tel te bit'il león-choj ta bay xch'en; te slumalic c'atp'uj jilel ta jinem ts'ajq'uetic. Yu'un til jichuc c'ajc' te yilimba Cajwaltic, jich la sticun tel guerra te xiweltic nax sbae.

Ezequiel 34:5

Te chijetic cu'une ma'yuc jcanan yu'unic, jich pujq'uic bael, lajic ta ti'el ta jti'awal chambalametic.