Jeremías 12:1 - Bible in Tzeltal de Oxchuc y Tenejapa

¹ Cajwal, teme ay bila ya xjajch' calbate, ja' smelelil ya awalbon atuquel. Ja'uc me to, ay nix bila ya jc'an jojc'obat a ta swenta in bitic to: ¿Bi yu'un lec ayic te mach'atic amenique? ¿Bi yu'un jun nax yo'tanic ta cuxinel te ay bila muquen ya xchapique?

Bible in Tzeltal Bachajón

¹ Toj te bin yac apas, Jehová, te c'alal ya calbat te bin ut'il ayon. Pero ay bin ya joc'obat: ¿Bin yu'un te lec ya xc'oht ta loq'uel te mach'atic chopolic, soc te lec ayic te j'ac'awetic ta c'abal?

Jeremías 12:1 Referans Kwoze

Malaquías 3:15

Jo'otic quilojtic te ja' bin nax yo'tanic ta beel te toybaetique; soc te mach'atic amen yat'elic lec ya xloq'uic stuquelic te ya yilbeyic yo'tan Dios, ni jtebuc castigo ya yich' stuquelic”, xaex ta yalel —xi' te Diose.

Salmos 92:7

Te mach'atic amen soc yat'elic ya xch'iic ta ora jich bit'il wamal, pero ja' nax me ya xch'iic yu'un te ya yich'ic jinel sbajt'el q'uinale.

Salmos 37:1

Ma me x'ilin awo'tan yu'un te mach'atic amen yo'tanic; ma me xti'tonuc awo'tan yu'un te mach'atic amen yat'elique.

Daniel 9:7

Te ja'at Cajwal, toj awo'tan atuquel. Pero te judiootique yo'tic ya xtal q'uexlal ta co'tantic, jichic te mach'atic ayic ta Jerusalén soc ja' nix jichic te yantic israeletic, te c'ubul ayique soc te nopol ayique, te la ach'oj c'axel ta scaj te la stoy sbaic ta atojole.

Job 12:6

Te j'eleq'uetic lamal q'uinal ya yaiyic ta snaic; te mach'atic ya scontroinic te Diose, ma'yuc falta ya yaiyic stuquelic, ya scuy te ayic ta sc'ab te Diose.

Habacuc 1:4

Ma ja'uc ay ta tuuntesel te mandaliletique; ja' nax ay ta pech'el ta teq'uel te bitic sc'oplal ya xc'ot ta jwentatique. Te bila amen ja' yac ta stenel te bila leque; jich yac ta jinel te chajbanele —xi'.

Salmos 51:4

Ja'at nax te jtaoj jmul ta atojole, ja'at nax atuquel, melel jo'on la jpas te bila amen, te ya awac' castigo yu'une. Ja' yu'un te castigo ya awac'bone, stojil ay stuquel, ma'yuc ta ch'ayel te bila chapal awu'un atuquele.

Salmos 37:35

Ay quiloj te mach'a amen yo'tane, mero bayal stoyoj sba, jich scuyoj sba te bit'il muc'ul te' te bayal sc'ab soc te bayal yabenale;

Sofonías 3:5

Ja'uc me to, te Cajwaltic ay ta alumalic; ja' ya spas stuquel te bila leque, ma ja'uc te bila amene. Ta jujun sab ma xch'ay ta yo'tan ya yac' chicnajuc te stojil yat'ele. Yan te mach'a amene, ma sna'bey sba te q'uexlale.

Jeremías 11:20

Ja'uc me to, te ja'at Cajwal te Spisil ya xju' awu'une, ja'at tojat ta juecil atuquel; ja'at ya ana' c'alal to ta mero yutil co'tantic. Ac'bon quil te bit'il ya awac'bey castigo te winiquetique, melel cac'ojbatix ta ac'ab te c'op cu'une.

Jeremías 12:6

Asta te mero awermanotaque, te jun ana soque, ya yac'at ta c'abal, soc ya yawtayat ta ixta c'op ta apat. Ma xawac' smuc'ul awo'tan yu'unic, manchuc teme lec nax sc'op te ya sc'oponate.

Jeremías 5:11

Israel soc Judá muquen la stoy sbaic ta jtojol. Jo'on Ajwalilon te jich ya cale —xi' te Cajwaltique.

Job 13:3

Pero ja' ya jc'an ya xc'opojon soc te Diose, ja' ya jc'an ya jnujp'in jba ta c'op soc te Mach'a Spisil ya xju' yu'une.

Esdras 9:15

“Cajwal Dios yu'un Israel, mero toj awo'tan ta jtojoltic. Ja'at jich la sc'an awo'tan te jtsojp te jayeb xan jilemotic, jich bit'il chican ta ilel ta ora in to. Ta mero melel jo'otic te ay jmultic ta atojole. Ja' yu'un, ma snup'in te ya xtalotic ta atojole —xi' ta sc'oponel Dios te Esdrase.

Oseas 6:7

“Ja'uc me to, te lum cu'un pajal soc Adán, la xc'axintayic te trato cu'un soc ma junuc yo'tanic ta jtojol.

Isaías 48:8

Te ja'exe ma'yuc bay awaiyojbeyic sc'oplal ta alel, ni ma ba ana'ojbeyic sba, melel macal te achiquinique. Jo'on jna'oj te ma tojuc awo'tanic ta jtojol, soc te atalel jc'axin-c'opex te c'alal ma to x'ayinex ae.

Isaías 41:21

Te Cajwaltic, te Dios yu'un Jacob, jich ya yal: —La'ic, loc'ombaetic, la', coltaya abaic; la'ic me, c'opojanic yu'un te ac'oplalique.

Proverbios 1:32

Te mach'atic ma'yuc bila sna'ojique, ja' nix ya xmilotic yu'un te ma'yuc bila sna'oje; ja' te mach'atic ma sna'ic q'uinale, ja' nix ya xlajinotic yu'un te bila ma ba la yich'ic ta wenta.

Salmos 145:17

Te Cajwaltic stalel toj yo'tan stuquel, yat'elinej c'uxtaywanej.

Salmos 119:137

Cajwal, tojat atuquel, soc toj ayic te bila chapal awu'une.

Salmos 119:75

Cajwal, ya jna' te mandaliletic awu'un te toj aye, soc te ay swentail c'alal ya awac' xwoclajone.

Deuteronomio 32:4

Ja' Jcanantaywanej cu'untic, mero lec yat'el stuquel, mero toj spisil te bitic ya spase. Ja' Dios te jun yo'tan ta jtojoltic, ma'yuc lo'laywanej ta yo'tan; ¡mero stojil ya x'at'ej, mero lec stuquel!

Génesis 18:25

Ma niwan jichuc ya apas te pajal ya amil te mach'atic ma'yuc smulic soc te mach'atic ay smulique, ma niwan jichuc awo'tan te pajal c'oem sc'oplalic awu'un. ¿Ma bal lecuc ya yaiy chajbanwanej te Mach'a swentainej chajbanwanej ta spamal te balumilale? —xi'.

Nehemías 9:33

Pero te ja'ate, mero ma'yuc amul ta spisil te bitic la awac' c'otuc ta jtojoltique. Melel te ja'ate, jun awo'tan ta jtojoltic, yan te jo'otique yacalotic ta spasel te bitic amene.

Salmos 116:5

Te Cajwaltic toj yo'tan stuquel, ya sna'botic yo'bolil jbatic; te Dios cu'untic mero c'ax t'ujbil xc'uxul yo'tan.

Eclesiastés 8:14

Jich ya xchicnaj ta balumilal te bila ma'yuc swentail: Ay swocolic te mach'atic lequique, jich bit'il ay swocolic te mach'atic amene. Jich nix te winiquetic te mero amenique: Ja' bin nax yo'tanic, pajal soc te mach'atic lequique. ¡Jo'on ya cal, te ma'yuc swentail c'oeme!

Jeremías 3:7

La cal ta co'tan, manchuc me la spas ta spisil, te sujt'uc tel ta jtojole; ja'uc me to, ma ba sujt' tel. Te yijts'ine, ja' te Judá te ma junuc yo'tan ta jtojole, la yil.

Jeremías 3:20

Ja'uc me to, jich bit'il ma junuc yo'tan ta stojol smamlal te antse, jich nix ma junuc awo'tanic ta jtojol te ja'exe. Jo'on Ajwalilon te jich ya cale.

Jeremías 9:2

Tey ayucon laj ta jochol taquin q'uinal, te nainemucon tey a, c'ubul ayon yu'un a te jlumal te jichuque. Melel spisilic ma junuc yo'tanic; jchajp yac'oj sbaic ta spasel ixtajel.

Jeremías 32:16

C'alal laj co'tan yac'bel ta sc'ab contrato te Baruc snich'an Nerías, ta swenta te q'uinal la jmane, jich ochon ta sc'oponel te Cajwaltique:

Lamentaciones 1:18

Te Cajwaltic stojil la spas, melel la jtoy jba ta stojol te mandaliletic yu'une. Aiya awaiy ta apisilic, lumetic; ila awilic te jwocole. Te queremetic ach'ixetic cu'une, ic'otic bael ta mosoil.

Ezequiel 18:25

Te ja'exe ya wan awalic te ma stojiluc yacon ta at'ele. Pero ya me awaiyic, lum Israel, ¿ya bal xtal ta awo'tanic te ma stojiluc yacon ta at'ele? Ma jichuc, ja'ex te ma stojiluc yacalex ta at'ele.

Job 8:17

ya sjal sba yisimic ta ton soc ya slim bael sba ta tontiquil,

Job 24:12

C'ubul to ay te lume te mach'atic ya x'oq'uic, ya x'ajc'anajic soc yacaliquix ta lajel ya yaiy, pero ma x'aiybotic yu'un Dios te ya yalbeyic wocole.

Job 24:23

Dios ya yac' cuxinuc, pero yacalic ta ilel yu'un te bit'il ya xbeenique.

Salmos 51:6

Ta mero melel ja' c'ux ta awo'tan te mach'a smelelil ya xc'opoje; ta mero yutil co'tan la awac'bon te p'ijil c'ope.

Daniel 9:14

Ja' yu'un Cajwal, la achajban te bila amene, la awac' tel ta jtojoltic. Melel te ja'at Cajwal, Dios cu'untic, stojil ay stuquel spisil te bitic ya apase, pero jo'otic ma ba la jc'an caiytic te amandale.

Malaquías 2:17

Te Cajwaltic lubenix yu'un yaiyel stojol ac'opic; ja'uc me to, ya ajojc'oyic: —¿Bila calojtic te lubenix yu'un yaiyel stojole? —xaex. Melel awalojic te ya smulan Cajwaltic te mach'atic ya spasic te bila amene, te bin nax yo'tan yu'un ta ac'opique. Yu'un nix ma xch'uun awo'tanic a te toj yo'tan te Diose.