Jeremías 11:9 - Bible in Tzeltal de Oxchuc y Tenejapa

⁹ Te Cajwaltic la yalbon xan sc'oplal: —Te ants-winiquetic ta Judá soc te mach'atic nainemic ta Jerusalén, ya xchap sc'opic ta scontroinbelon.

Bible in Tzeltal Bachajón

⁹ Hich la yalbon te Jehová: Muquen schapoj sc'opic te winiquetic yu'un Judá soc te mach'atic nahinemic ta Jerusalén.

Jeremías 11:9 Referans Kwoze

Oseas 6:9

Te sacerdoteetic jun yac'oj sbaic ta elec'. Yac'oj sbaic ta smujc'tayel te ants-winiquetique; ya yaiyic milaw soc yantic bitic swenta q'uexlal ta sbelal Siquem.

San Juan 11:53

Jich yu'un te mach'atic yich'oj yat'elic yu'un te judioetique, jich ora te jajch' xchajbanbeyic sc'oplal ta milel te Jesuse.

San Mateo 26:15

Jich c'o yal: —¿Bila ya awac'bonic a teme ya cac'beyex ta ac'abic te Jesuse? —xi'. Jich la snopic te ya yac'beyic lajuneb xcha'winic (30) ta jsejp plata-taq'uin.

Miqueas 3:11

Te juecetic ta lum ya xchajbanwanic soc taq'uin; te sacerdoteetic ja' nax ya xp'ijubteswanic yu'un taq'uin; soc te j'alwanejetic ya xchonic te bila ya yalbeyic sc'oplale. Yacal ta yalel te jich nix yo'tan te Cajwaltic, jich ya yalic: —Te Cajwaltic sjoinejotic; mero ma'yuc bila amen ya xtal ta jtojoltic —xiic ta yalel.

Jeremías 8:10

Jich yu'un, te yinamic ya me cac' ta sc'ab yan winiquetic, soc yan yajwalic ya xc'ot te sq'uinalique. Melel ta spisilic, muc'-biq'uit, ja' nax baem yo'tanic ganar ta lo'laywanej; jich nix te j'alwanejetic soc te sacerdoteetic, spisilic ya yaiyic lo'laywanej.

Jeremías 6:13

“Spisilic, muc'-biq'uitetic, ja' nax ya snop yo'tanic te staq'uinic ya xwejt' ta bic'tal-o'tanil; j'alwanejetic soc sacerdoteetic, spisilic jlo'laywanejetic.

Jeremías 5:31

Te bila ya yalbey sc'oplal te j'alwanejetic ta sc'opique, lotil; te sacerdoteetic ja' ya yaq'uic ta pasel te bila ya smulanique. ¡Te lum cu'une jich nix ya sc'anic! Ja'uc me to, “¿bi ya apasic ja'ex c'alal ya xc'ot te slajibal c'aale?” uta me —xi' te Cajwaltique.