Jeremías 11:7 - Bible in Tzeltal de Oxchuc y Tenejapa

⁷ C'alal la jloq'ues tel ta Egipto te antiguo ame'-atatique, la jultesbey yo'tanic te ja' nax ac'a yich'bonic ta muc' te trato. Ja' to tel yo'tic abi, asta c'alal ora yacon ta sjultesbeyel yo'tanic.

Bible in Tzeltal Bachajón

⁷ C'alal bin ora la jloq'ues tal ta sq'uinal Egipto te ame'atatic c'alal ora ini ma ba quechajon ta stsitsel, hich la jcalbe: A'iybon awa'iyic te jc'ope, xchihon.

Jeremías 11:7 Referans Kwoze

2 Crónicas 36:15

Te Cajwaltic Dios yu'un te antiguo sme'-stat, la sticunbey sjultesibal yo'tanic ta swenta te j'alwanejetic yu'une, melel la sna'bey yo'bolil sba te lum yu'un soc te awilal ta bay naineme.

Efesios 4:17

Jich yu'un ya calbeyex mandal ta swenta sbiil te Cajwaltique: Ma me jichuc cuxulex ta q'uinal te bit'il te mach'atic ma ba xch'uunejic te Diose, te ja' nax cuxulic ta spasel te bila snopoj ta yo'tanic te xujt' ma'yuc swentaile.

1 Samuel 8:9

Ja' yu'un jiche, ich'beya ta wenta te sc'opique. Pero neel me xacholbey yaiyic soc ac'beya sna'ic ta lec te bit'il ya x'at'ej ta stojolic soc bit'il ya xwentainotic yu'un te muc' ajwalil ya sc'anique —xi'.

Éxodo 15:26

Jich la yal: —Teme jun awo'tanic ya awaiybonic stojol te bila ya cal te jo'on Ajwalilon te Dioson awu'unique, soc teme ya apasic te bila lec co'tan yu'une, teme ya ach'uunic te mandaliletic cu'une, soc teme ya ac'otes ta pasel te bila ya yal te mandaliletic cu'une, ma'yuc bi ora ya xtal tulan chamel ta atojolic te bit'il la cac'bey te egipcioetique, melel jo'on te Ajwalilon te ya jlamantesbeyex achamelique —xi' te Cajwaltique.

2 Tesalonicenses 3:12

Te mach'atic jich ya spasique, ya me jtac'uytic soc ya me calbeytic mandal ta swenta te Cajwaltic Jesucristoe: Ac'a at'ejuc ta spasemal yo'tan swenta yu'un jich me ya sta swe'el a.

Jeremías 35:15

Spisil ora la jticunbeyex ta atojolic spisil j'alwanejetic te abatetic cu'une, swenta yu'un ya yalbeyex te yacuc awijq'uitayic te amen awo'tanic soc te amen at'eliletique. Soc te manchuc ya xbaex ta stojol te lotil diosetique, te ma xaquejan abaic ta stojole, te jich ya xju' xcuxinex bael ta bay lumq'uinal te cac'ojbeyex soc te antiguo ame'-atatique. Ja'uc me to, te ja'exe ma la awich'ic ta muc', ni ma la ach'uunic.

Jeremías 25:4

Manchuc teme bayal buelta la sticun te yabat te j'alwanejetic yu'une, te ja'exe ma'yuc bay la awich'ic ta muc', ni ma la ac'an la awaiyic stojol, soc ni ma la ach'uunic.

Jeremías 11:4

Ja' te trato la jpas ta stojol te antiguo ame'-atatic c'alal la jloq'ues tel ta Egipto, ja' te nación te jich c'oem ta stojolic te bit'il horno yu'un te jten-taq'uine. La calbey: “Ch'uunbonic jc'op, pasaic spisil te bila mandal ya cal, ja'ex me lumex cu'un soc jo'on Dioson awu'unic.

Jeremías 7:13

Manchuc me ay la jultesbeyexix awo'tan asta cheb oxeb buelta te bit'il ay te awat'ele, te ja'ex ma x'ac'an ach'uunbonic jmandal, ma'yuc bay ajac'ojbonic jc'op. Jo'on Ajwalilon jich ya cal.

Deuteronomio 30:20

C'ux me x'awaiyic te Cajwaltic Dios, ch'uunbeyaic sc'op, soc junuc me awo'tanic ta stojol, melel tey ay a te acuxlejalique, soc te ya xcuxinex bayal ja'wil tey ta lumq'uinal, te Cajwaltic jc'axel la yalbey te antiguo jts'umbaltic Abraham, Isaac soc Jacob —xi' te Moisese.

Deuteronomio 12:32

“Pasaic me bael spisil ora ta spisil te bitic la calbeyex apasique. Ma me xawac'beyic xan sjoy, soc ma me xach'ayic ni junuc.

Deuteronomio 8:6

Ch'uunaic spasel te mandaliletic yu'un te Cajwaltic te Dios cu'untique. Ich'aic ta muc' te Cajwaltique. T'unaic me te nopjibal la yac'beyex stuquele.

Deuteronomio 6:2

Jich me ich'bil ta muc' awu'unic a te Cajwaltic te Dios cu'untique, soc jich me ya xc'ot ta pasel awu'unic a te jayeb c'aal cuxulex, spisil ta jchajp te mandaliletic yu'un te la yalbeyex apasic, ja'ex soc te awal-anich'nab soc te amamataquique. Teme jich ya apasique, ya me xcuxinex bayal ja'wil.

Deuteronomio 5:29

¡Bayal me yutsil teme spisil ora jich ay te yo'tanique, te yacuc yich'onic ta muc' soc te yacuc spasic spisil ora te bila ya yal te mandaliletic cu'une, swenta yu'un bin nax me yo'tanic ya x'ainic soc yal-snich'nab ta spisil ora!

Deuteronomio 4:6

Ac'a me c'otuc ta pasel awu'unic, soc jich me xapasic bael spisil ora, melel jich me ya sna'ic a te yantic lumetic te ay sp'ijil awo'tanic soc te spisil ya ana'beyic swentaile. Te c'alal ya sna'ic te bit'il ay te mandaliletic, jich me ya yalic: “Mero bayal sp'ijil yo'tan, soc sna'ojbey swentail spisil, ja' muc'ul nación in to”, xiic me.

Jeremías 25:3

—C'alal to ta yoxlajunebal ja'wil yat'el ta ajwalil a te Josías te snich'an Amón ta Judá asta ora yo'tic, ja' te ayix oxeb xcha'winic ja'wil, te Cajwaltic la sc'oponon. Ta jujun buelta la calbeyex awaiyic te ja'ex ta jujun buelta; ja'uc me to, ma la awich'bonic ta muc'.

Jeremías 31:32

Te trato ya jpase, ma jichuc te bit'il la jpas soc te antiguo sme'-static, c'alal la jtsacbey tel sc'abic te la jloq'ues tel ta Egipto. Melel ma la sc'otesic ta ch'uunel te trato cu'une, manchuc teme jo'on yajwalonique. Jo'on Ajwalilon, jich ya cal.

Jeremías 35:14

Te sts'umbal Jonadab snich'an Recab, c'oem ta pasel ta ch'uunel yu'unic te smandal la yac'bey te ma xyuch' vino, soc asta c'alal ora yo'tic ma ba ya yuch'ic, melel xch'uunejbeyic smandal te antiguo sme'-statique. Jo'on uuc cac'ojbeyex mandalil bayal buelta; ja'uc me to, ma ba ach'uunejic.

Zacarías 1:4

Ma me jichuc xapasic te bit'il te antiguo ame'-atatic te albotic yu'un te antiguo j'alwanejetic cu'un, te yacuc yijq'uitayic jilel te amen yo'tanic soc te amen yat'elique. Pero ma ba la sc'an la yaiybonic te jc'ope, soc ma ba la yich'bonic ta wenta. Jo'on Ajwalilon, ya cal ta jamal.

2 Reyes 17:13

Ta swenta spisil ta jchajp j'alwanejetic, albotiquix yu'un Cajwaltic a te israeletic te yacuc sujt'es yo'tanic yu'un te amen be st'unojique, te ja'uc ya yaq'uic c'otuc ta pasel te mandaliletic, soc te bi chapal yu'un, soc spisil te p'ijtesel te la yac'bey te antiguo sme'-static ta swenta te abatetic yu'une.

Jeremías 32:23

Ja'uc me to, c'alal ochic bael ta lumq'uinal te la yu'uninic, ma la xch'uunbat te ac'ope, ni ma la spasic te p'ijubtesel la awac'beye, ni ma la spasic jtebuc te amandal la awalbeye. Jich yu'un la aticunbey tel ta stojolic te bila amene.

Jeremías 34:14

Ta sjuquebal ja'wil ya yaq'uic ta libre te mach'auc hebreoil te xchonoj sba ta stojolique, teme la yac' sbaiquix ta abatinel c'alal ta waqueb ja'wile. Ja'uc me to, te antiguo ame'-atatic ma la yich'bonic ta muc', ni ma la sc'an xch'uunbonic.

Oseas 4:1

Israeletic, aiya awaiyic te bila ya yal te Cajwaltique. Yalojix c'op ta stojol juez, melel ay c'op yu'un soc te mach'atic nainemic ta lumq'uinale. Yu'un te ants-winiquetic ma ba jun yo'tanic, ma ba c'ux ya yaiy sbaic, soc ma sna'beyic sba te Diose.

Oseas 5:1

“Sacerdoteetic, aiya awaiyic stojol, ac'a tel achiquinic, lum Israel, aiya awaiyic, ja'ex te sts'umbalex te muc' ajwalile: Ja' ay ta awentaic te ya x'ac'botex castigo. Melel jich c'oemex te bit'il pejts' te la awich'ic aq'uel ta Mizpa; jich c'oemex te bit'il chojac' lijch'anbil yu'un stsaquel chambalam ta wits Tabor;