Jeremías 11:6 - Bible in Tzeltal de Oxchuc y Tenejapa

⁶ Te Cajwaltic la yalbon xan: —Puca in c'op to ta lumetic ta sq'uinal Judá, soc ta bay calleetic yu'un te lum Jerusalén. Jich me xawalbey te ants-winiquetique: “Aiybeya awaiyic sc'oplal te bila ya yal te trato, soc ch'uunaic spasel.

Bible in Tzeltal Bachajón

⁶ Hich la yalbon te Jehová: Puca ta halel spisil te c'opetic ini ta pueblohetic yu'un Judá soc ta callehetic yu'un Jerusalén, hich me xawal: A'iybeya awa'iyic sc'oblal bin ya yal te chapbil-c'op ini soc ch'uhunahic spasel.

Jeremías 11:6 Referans Kwoze

Santiago 1:22

Ja'uc me to, pasaic me te bila ya yal te sc'op Diose. Ma me ja'uc nax te ya awaiyic stojole. Ma me xalo'lay abaic atuquelic a.

Romanos 2:13

Melel ma ja'uc toj ya x'ilotic yu'un Dios te mach'atic ja' nax ya yaiyic stojol te mandalile, ja' toj ya x'ilotic yu'un Dios te mach'atic ya spasic te bila ya yal te mandalile.

San Juan 13:17

Teme c'ot ta awo'tanique, bin nax me awutsil teme jich ya apasique.

Jeremías 19:2

Loc'an ta ora ta Xatal q'uinal yu'un Ben-hinom te ay ta stojol te yochibal lum te Xejt'ecal Oxom sbiile. Tulan xawal tey a te c'op ya calbate.

Jeremías 7:2

—Ac'a aba ta yochibal templo cu'un, jo'on te Awajwalone, ac'a ta na'el stojol tey a in c'op to: “Spisil ants-winiquetic ta Judá te ya x'ochex ta yochibal templo te ya aquejan abaic ta jtojol te Awajwalonique, aiya awaiyic stojol te jc'ope.

Jeremías 3:12

Baan ala ta stojol Israel: “Te Cajwaltic jich ya yal: Sujt'anic tel ta jtojol, ja'at toyba Israel. Ma ba ilinemon ta atojol, ma sbajt'eluc q'uinal ya x'ilinon, melel jo'on ay yutsil co'tan. Jo'on, Ajwalilon te ya cal te jc'ope.

Zacarías 7:7

¿Ma bal ja'uc nix jiche te c'opetic te la yal te Cajwaltic ta swenta te antiguo j'alwanejetic, te c'alal lamal q'uinal ta Jerusalén a, soc te nojel ta ants-winiquetic, soc ja' nix nojel a te yantic lumetic te ayic ta sjoyobal, soc jich nix te sq'uinal Néguev soc te peq'uel witstiquile?

Isaías 58:1

Te Cajwaltic la yalbon: —Ma xiwat ta aw, tulan me x'awunat, jich xatoyes ac'op te bit'il sc'op oq'ues. Coma te lum cu'un te ya spasic te mulile; coma te lum yu'un Jacob te jelawiquix bayal ta jtojole.

Salmos 15:5

ja' te mach'a ya yac' ta majanel staq'uin te ma sc'anbey sjole; ja' te mach'a ma stsac smajt'an-taq'uin yu'un te mach'a tojol nax ay ta uts'inele. Te mach'a jich ya spase, ma me ayuc bi ora ya sta swocol yu'un.

Jeremías 2:2

—Baan, albeya te lum Jerusalén, awtaya, swenta yu'un ya me yaiyic stojol ta lec: “¡Jich ya yal sc'op te Cajwaltique! Ya jna' te c'alal ach'ixat to a, jun awo'tan ta jtojol, te c'alal la quic' quinaminate, c'ux la awaiyon ta awo'tan. La ats'aclinon ta jochol taquin q'uinal, ja' te lumq'uinal te mero ma'yuc bila ya xju' ta ts'unel tey a.

Deuteronomio 4:1

“Yo'tic, israeletic, aiya me awaiyic te mandaliletic soc te bitic chapal te la cac'beyex anopique, ja' me xapasic bael spisil ora, swenta yu'un jich me ya xnainex soc ya awich'ic a te lumq'uinal te ya yac'beyex te Cajwaltic te Dios yu'un te antiguo jme'-jtatique.

Deuteronomio 4:5

Te jo'one la cac'beyexix anopic te mandaliletic soc te bitic chapal, te la yalbon cac'beyex anopic te Cajwal te Dios cu'une, yu'un me ya apasic bael tey ta lumq'uinal te banti ya xc'o awu'uninique.