Jeremías 11:5 - Bible in Tzeltal de Oxchuc y Tenejapa

⁵ Teme ya awich'onic ta muq'ue, ya jc'otes ta pasel te bi la calbey ta jamal te antiguo ame'-atatique, ya cac'beyex aq'uinalinic jsejp q'uinal, ja' me te awich'ojic ta ora to te ja'exe, te bay ya x'oquin te leche soc chab c'oem”, xoon ta stojolic —la yuton. La jac'bey te sc'ope: —Melel, Cajwal —la cut.

Bible in Tzeltal Bachajón

⁵ Hich ya jc'ohtes ta pasel te bin la jcalbe ta jamal te ame'atatic te ya ca'be te q'uinal te banti ya x'oquin leche soc chab, hich te bin ut'il ta ora ini, xchihon. La jac': Hichuc, Jehová, xchihon.

Jeremías 11:5 Referans Kwoze

Jeremías 28:6

—Ja' lec jichuc ya spas te Cajwaltique. Ayuc laj bit'il ya xc'ot ta pasel yu'un Cajwaltic te bila la awale, te ya sujt' tel sbiluquil te templo, soc te ya sujt' loq'uel ta Babilonia spisilic te mach'atic yantesbil slumalic tey a.

1 Corintios 14:16

Teme ya awalbey wocol Dios soc te ach'ulele, te mach'a jich to nax aye, ¿bit'il ya xju' ya yal “Jichuc”, teme ma sna' te bila ya awal wocol yu'une?

San Mateo 6:13

Ma me xawac' yalucotic yu'un te yiljibal co'tantique. Coltayawotic loq'uel ta bay te bila amene. [Melel te ja'ate muc' ajwalilat atuquel, soc ay awu'el, soc ay awutsilal sbajt'el q'uinal. Jichuc]”, xaex me ta sc'oponel te Diose.

Deuteronomio 6:3

Ja' yu'un, israeletic, pasaic me bael. Jich me lec ya x'ainex, soc jich me muc'ul lum ya xc'oex, ta lumq'uinal te banti ya x'oquin leche soc chab c'oem, jich nix te bit'il yaloj te Cajwaltic te Dios yu'un te antiguo jme'-jtatique, te ya x'ac'bot yu'uninique. Jich ay:

Levítico 20:24

Jo'on ya calbeyex ta jamal, te ja'ex awu'unic ya xc'ot te slum-sq'uinalique. Jo'on nix me ya cac'beyex awu'uninic te lumq'uinal te banti ya x'oquin leche soc chab c'oeme. “Jo'on Ajwalilon Dioson awu'unic, yan me awilelic cu'un te bit'il yantic lumetique.

Éxodo 13:5

Jich yu'un ja' ni me te u te ya apasic q'uin yu'un sna'jibal te la yiq'uex bael Cajwaltic ta q'uinal te bay ya ataic te ya x'oquin leche soc chab c'oeme, te bay sq'uinal te cananeoetic, hititaetic, amorreoetic, heveoetic soc te jebuseoetique. Ja' te albil yu'un Cajwaltic te antiguo jme'il-tatiletic te ja' ya xc'otix ta awentaic te ja'exe.

Jeremías 32:22

La awac'bey israeletic in lumq'uinal to, te bay ya x'oquin leche soc chab c'oeme, jich nix bit'il awalojbey sc'oplal te antiguo sme'-statique.

2 Crónicas 6:17

Jich yu'un, Cajwal, Dios yu'un Israel, c'otesa ta pasel te bila la achap soc te awabat David.

Salmos 105:8

Manchuc me ya xc'ax jmil ta caj ants-winiquetic, pero ma'yuc bi ora ya xch'ay stuquel te bila yaloj ta trato yu'une,

Jeremías 19:12

Jich me ya jpasbey in lum to soc te yajwale. Jich me ya jpasbey jilel te bit'il Tófet. Jo'on Ajwalilon, jich ya cal.