Jeremías 11:23 - Bible in Tzeltal de Oxchuc y Tenejapa

²³ Ma'yuc mach'a ya xcol jilel jtuluc, melel ya me sta sc'aalelal te ya quich'bey ta wenta yat'elic te yajwal Anatot, ya me cac' tel woclajel ta stojolic —xi' te Cajwaltique.

Bible in Tzeltal Bachajón

²³ Mayuc mach'a cuxul ya xhil yu'unic, como ho'on ya cac' te bin chopol ta stojol te swinquilel Anatot ta ha'bil yu'un te castigo yu'unique, xchi.

Jeremías 11:23 Referans Kwoze

Jeremías 23:12

Jich yu'un, te sbe ijc'uben me, soc biluben me; ya me cac' te ya scotp'inic, jich me ya xyalic. C'alal ya quich'bey ta wenta yat'elic, ya me cac' tel tulan woclajel ta stojolic. Jo'on Ajwalilon, jich ya cal.

San Lucas 19:44

Ya me yich' wuyel c'alal ta lum spisil te naetique. Ya me yich' milel spisil yajwal te alumale. Ni jp'ijuc ton te cajal ya xjil ta sba yan ton. Spisil me jich ya xc'ot ta pasel scaj te ma c'ot ta awo'tan te bi ora tal yilat te Diose —xi' ta yalel te Jesuse.

Miqueas 7:4

Te mach'atic lec yilel jich c'oemic te bit'il ch'ix; te mach'a ich'bil ta muq'ue, jich nix c'oemic. Ja'uc me to, ya sta sc'aalelal te ya yich' ilel te at'elile, ja' te bi c'aalil la yalbat te j'il-q'uinale. Ja' yu'un jich ya xcajic ta soquetel.

Oseas 9:7

C'otix yorail te castigoe; c'otix yorail te ya x'ac'bot stoj te smulique. Israel ya me sna' te c'otix yorail castigo. Ya awalic ja'ex: —Te j'alwanej ma sna' q'uinal. Te winic te c'opoj ta yo'tan te Diose, soquem sjol —xaex me. Jich ya awalic, yu'un te nojel mulil ta awo'tanique, melel te slab awo'tanique c'ax muc' ta jyalel.

Jeremías 50:27

Milbeyaic spisilic te soldadoetic yu'une, ticunaic bael ta miljibal. ¡Ya me yil swocolic! ¡C'otix sc'aalelal, yorailix te castigo ta stojolique!

Jeremías 48:44

Te mach'a ya xcol bael yu'un te jts'iwiletique, ya xch'ay coel ta xaab, soc teme ya xloc' tel ta xaabe, ya x'och ta pejts'. Melel ya sta sc'aalelal ya quich' tel castigo ta stojol Moab. Jo'on Ajwalilon, jich ya cal.

Jeremías 46:21

Te soldado tojbil sc'aalic yu'une, jichic yilel te bit'il jujp'en wacaxetic; ja'uc me to, jich nix ya xloq'uic ta animal ta anel. Ma xcujch' yu'unic, melel ya xc'otix sc'aalelal te swocolic, te yorail castigo yu'une.

Jeremías 44:27

Melel ayon me ta yilel ta sticunel tel woclajel ta atojolic, te ma swentauc awutsilalique. Spisilic te judioetic te nainemic ta Egipto, ya me xlajic ta jc'axel ta guerra o ta wi'nal.

Jeremías 11:19

Jun nax co'tan ayon, jich bit'il chij te ya yiq'uic bael ta miljibal, mero ma la jna' teme yacalic ta xchapel jc'oplal ta controinele. La yalic: —Ya jbojtic te te' c'oem, te yich'oj yip ta spisil ora; ya jbultic loq'uel ta balumilal ta bay mach'atic te cuxajtique, swenta yu'un ma me ayuc mach'a ya sna' xan —xiic.

Jeremías 8:12

Ya me sc'an ya xq'uexawex yu'un te yacalex ta spasel te bila ma sts'ijq'uix cu'une; ja'uc me to, ma'yuc q'uexlal ta yo'tanic, maniwan ya sna'ic te bila a te q'uexlale. Jich yu'un te c'alal ya cac'bey castigo, ya me sc'ojch'in yacan, ya me xyalic jich bit'il te yantique. Jo'on Ajwalilon te ya cale”, uta me —xi' te Cajwaltique.

Jeremías 6:9

Te Cajwaltic te Spisil ya xju' yu'une ya yal: —Te israeletic te ya xjilic xan tey a, ya yich' leel, soc ya me yich' leel xan yan buelta; jich bit'il ay ta leel ta bay yabenal ts'usub, te ja' to chican ma'yuc ya xjil p'ijuc ts'usub —xi' te Cajwaltique.

Jeremías 5:29

¿Ma bal yacuc cac'bey castigo yu'un? ¿Ma bal jichuc ya sc'an ac'beyel castigo te ants-winiquetic te jich ya spasique? Jo'on Ajwalilon te jich ya cale.

Jeremías 5:9

¿Ma bal yacuc cac'bey castigo yu'un? ¿Ma bal yacuc cac'bey stoj te lum te jich ya spase?

Abdías 1:18

Te mach'atic sts'umbalic Jacob soc José, ja'ic me c'ajc' c'oemic; yan te sts'umbal Esaú ja' me taquin aquetic, jc'axel ya xtil ta c'ajc' ta spisil. Ma me ayuc jtuluc sts'umbal Esaú te ya xcole. Jo'on Ajwalilon te jich caloje —xi'.