Jeremías 11:22 - Bible in Tzeltal de Oxchuc y Tenejapa

²² Te Cajwaltic te Spisil ya xju' yu'une jich la yalbey: —Ya me quich'beyex ta wenta te yat'elique: te jch'iel queremetique ya me xlajic ta guerra, te alalqueremetic ach'ixetic yu'unique, ya me xlajic ta wi'nal.

Bible in Tzeltal Bachajón

²² Ha yu'un hich ya yal te Jehová te scuentahinej spisil: Ya me ca'be castigo: ya xlajic ta espada te jcolel winiquetic, ya xlajic ta wi'nal te squerem-nich'nabic soc yantsil-nich'nabic.

Jeremías 11:22 Referans Kwoze

Jeremías 18:21

Ja'uc me to, pasa yo'tic, ac'a lajuc te snich'nabic yu'un wi'nal o ta puñal; ac'a jiluc ta me'ba antsetic te yinamique, soc ni ma me ayuc yalatac ya xjilic. Ac'a milotuc yu'un milawal chamel te smamlalique; te queremetic, ac'a lajuquic ta guerra.

2 Crónicas 36:17

Jich yu'un te Cajwaltic la yac' taluc soc soldadoetic te Nabucodonosor, te ajwalil yu'un caldeoetic, tal smilbey ta puñal te yal-snich'anic ta mero templo, ni ma'yuc c'uxtayel yu'un te queremetic, te ach'ixetic, te mamaletic, ni ja'uc te mach'atic ma'yuc bila ya xju' spasique. Spisilic la yac'bey ta sc'abic te Cajwaltique.

Lamentaciones 2:21

Limilic ta calleetic ya quil, muc'-biq'uitetic; lajic ta milel ta puñal, queremetic soc ach'ixetic cu'un. Ta sc'aalelal awilimba la awejch'entes yu'un lajel; ma la ana'bey yo'bolil sba ta milel.

Jeremías 9:21

“Te lajele och tel ta yutil jnatic, jul ta palacioetic cu'untic; ya smil alaletic ta calleetic soc te queremetic ach'ixetic ta parqueetic.

Jeremías 21:14

Jo'on ya cac'beyex castigo, jich nix te bit'il ya sc'an yu'un te awat'elique. Ya cac'bey sc'aal te ja'mal awu'unique, te c'ajq'ue ya xchic' spisil ta sjoyobal. Jo'on Ajwalilon, jich ya cal”, uta me —xi' te Cajwaltique.

Jeremías 44:13

Ya me cac'bey castigo mach'atic ayic ta Egipto, jich bit'il la cac'bey castigo ta Jerusalén: ta guerra, ta wi'nal soc milawal chamel.

Jeremías 49:26

Te bi c'aalile, limil me ya xjil ta calleetic sbaq'uetalic te queremetic, soc spisil te soldadoetic ya me xlajic. Jo'on Ajwalilon, te Spisil ya xju' cu'une, jich ya cal.

Amós 4:10

—La jticunbeyex tel te bila la yac'beyex awocolic, jich bit'il la jticunbey tel ta stojol te egipcioetic. La cac' te ya xlajic ta guerra te queremetic awu'unic; soc la cac'bey yu'uninbeyex acaballoic te acontroique. La cac'beyex awaiybeyic stuil te mach'atic lajem awu'unique. Ja'uc me to, ma ba la asujt'es awo'tanic ta jtojol yu'un —xi' ta tulan te Cajwaltique.