Jeremías 11:21 - Bible in Tzeltal de Oxchuc y Tenejapa

²¹ Te winiquetic ta Anatot la slebonic te jlajele, soc te la yalic mandal te ma me xc'opojon ta swenta te Cajwaltic, teme ma sc'an co'tan ya smilonique.

Bible in Tzeltal Bachajón

²¹ Ha yu'un hich yaloj te Jehová sc'oblal te winiquetic yu'un Anatot te ya slehbat acuxlejal, te hich ya yalic: Ma me xawal sc'op-jalwanej ta scuenta sbihil Jehová, scuenta yu'un ma ba ya xchamat ta jc'abcotic, te xchihique.

Jeremías 11:21 Referans Kwoze

Amós 2:12

“Ja'uc me to, te ja'ex la asujic ta yuch'el vino te nazareo, soc la acomic te j'alwanejetic te c'opojic ta jwenta.

Jeremías 20:10

La caiy stojol te sajlajan ta c'op te ants-winiquetique: “Ay xiwel ta spisil ta bayuc”, xiic. Ya yalic: “La'ic, ya xba jlebetic smul”, xiic. Asta te jo'taque ya smaliy yilic te yacuc cal loq'uel jtebuc te lotil c'ope. Ya yalic: “Yacuc yac' sba ta lo'layel; jich me ya jtsaltic soc ya me jsutbeytic spacol”, xiic.

Isaías 30:10

Ya yalbeyic ta stojol te mach'atic ay bila ya yilique: —Ma me ayuc bila ya awilic-ya yutic. Soc ya yalbeyic ta stojol j'alwanejetic: —Ma me ayuc ya awalbotic te bila smelelil te ac'bilex ana'ic stojole. C'oponawotic ta lequil c'op, ma me x'apojbotic te bila ay ta co'tantic.

San Lucas 4:24

Soc la yalbey yaiyic: —Jamal ya calbeyex, ma x'ich'ot ta muc' ta bay slumal te mach'a j'alwanej yu'un te Diose.

San Mateo 22:6

In te yantique la stsaquic te abatetic yu'un te muc' ajwalile. La yuts'inic soc la smilic.

San Mateo 21:35

In te j'at'eletique la stsaquic te abatetique. Jtul la smajic, jtul la smilic, soc jtul la xch'ojic ta ton.

San Mateo 10:21

“Ay me yermano sbaic te ya yac' sbaic ta milele. Soc ay me tatil te ya yac' ta milel te yal-snich'ane. Soc ay me alnich'anetic ya xjajch' scontroinic te sme'-statique, soc ya me yaq'uic ta milel.

Miqueas 7:6

Melel te nich'aniletic ma lecuc yo'tanic yu'un te sme'-statique. Te ach'ixetic ya stoy sbaic ta stojol te sme'ique. Te alibaletic ya stoy sbaic ta stojol te yalib-me'elique. Te scontro juju-jtul, ja' nix te mach'a ay ta yutil snae.

Jeremías 26:8

C'alal laj yo'tan ta yalel te bila albil yu'un Cajwaltic, te sacerdoteetic, te j'alwanejetic soc te lum la stsaquic, jich la yalbeyic: —¡Ya me xlajat!

Jeremías 1:1

Ja' te sc'op soc yat'el Jeremías, te snich'an Hilcías. Te Jeremías ja' sts'umbal te sacerdoteetic te nainic ta lum Anatot te ay ta sq'uinal sts'umbal Benjamín.

Jeremías 32:7

“Aiya awaiy, te Hanameel te snich'an atajun Salum, ya xtal yalbat te yacuc amanbey sq'uinal te ay ta Anatot. Jich yu'un, ay me ta awenta smanel, melel ma yanuc, pajal abiil soc”, la yuton.

Jeremías 34:20

Jich yu'un, ya me cac' x'och ta sc'abic te scontroic te ya yac' lajel. Te sbaq'uetalic te lajem ya me swe'elinic te jti'awal mutetic soc te yantic jti'awal chambalametique.

Jeremías 1:19

Ja'ic ya yac'bat guerra, pero ma xju' yu'unic te ya stsalat, melel ya joinat soc ya jcanantayat. Jo'on Ajwalilon te ya cal te jc'ope —xi' te Cajwaltique.