Jeremías 11:19 - Bible in Tzeltal de Oxchuc y Tenejapa

¹⁹ Jun nax co'tan ayon, jich bit'il chij te ya yiq'uic bael ta miljibal, mero ma la jna' teme yacalic ta xchapel jc'oplal ta controinele. La yalic: —Ya jbojtic te te' c'oem, te yich'oj yip ta spisil ora; ya jbultic loq'uel ta balumilal ta bay mach'atic te cuxajtique, swenta yu'un ma me ayuc mach'a ya sna' xan —xiic.

Bible in Tzeltal Bachajón

¹⁹ Te ho'one hich c'ohemon te bin ut'il tuminchij te manso yo'tan te ya x'ic'ot bahel ta milel. Ma ba jna'oj bin a te snopojic ta jcontra, te hich la yalic: Ac'a jlajintic te te' soc te site, ac'a jset'tic loq'uel ta q'uinal ta yohlil te mach'atic cuxajtic, scuenta yu'un mayuc mach'a ya xna'bot sbihil a, xchihic.

Jeremías 11:19 Referans Kwoze

Jeremías 20:10

La caiy stojol te sajlajan ta c'op te ants-winiquetique: “Ay xiwel ta spisil ta bayuc”, xiic. Ya yalic: “La'ic, ya xba jlebetic smul”, xiic. Asta te jo'taque ya smaliy yilic te yacuc cal loq'uel jtebuc te lotil c'ope. Ya yalic: “Yacuc yac' sba ta lo'layel; jich me ya jtsaltic soc ya me jsutbeytic spacol”, xiic.

Jeremías 18:18

Te ants-winiquetic la yal: —Ya jchajbanbeytic sc'oplal ta ch'ayel ta jc'axel te Jeremías. Melel ay sacerdoteetic te ya sp'ijubtesotique, ni ma'yuc falta ta jtojoltic te mach'atic p'ijic te ya yac'botic jna'tic, ni ma spas falta j'alwanejetic te ya sc'asesbotic caiytic te bi ya yal te Diose. Ja' lec ya jlebetic smul, swenta yu'un ya me smilic te Jeremías. Ma me xquich'tic ta muc' te bila ya yale —xiic.

Salmos 83:4

Snopojiquix te ya xtal slajinotic, swenta yu'un jc'axel ya xch'ay ta q'uinal a te nacione, soc swenta yu'un ma'yuquix bi ora ya xchicnaj ta alel te sbiil Israel.

Salmos 31:13

Ya caiy stojol te yacalic ta le-c'op te ants-winiquetique; ya sjoytayon te xiwele. Jun nax yac'oj sbaic ta xchajbanel te jc'oplale; ja' ya xchajbanic te ya smilonique.

Job 28:13

Te winic ma sna' te jich yipal stojol stuquel te p'ijil-o'tanil, soc ma ba ya sta ta balumilal.

Salmos 27:13

Ja'uc me to, xch'uunej co'tan te ya sta yorail te ya quilbey yutsil yo'tan Cajwal te jayeb c'aal ayon ta balumilale.

Números 1:14

“Ta swenta sts'umbal Gad: ja' te Eliasaf snich'an Reuel.

Isaías 38:11

La jnopix ta co'tan: Ma ba ya quilbey xan sit Cajwal li' ta q'uinal to, ma'yuc mach'a ya quilbey xan sit te mach'atic cuxulic ta balumilale.

Isaías 32:7

Te mach'a p'ij ta lo'laywanej, ja' baem ta yo'tan spasel te pejts'e. Ja' nax ay ta uts'inwanej; ya spas ta lot te me'baetic soc te mach'a ya sc'an chajbanele.

Proverbios 10:7

Te mach'a toj yo'tan, ya yich' na'el ta puro bendición; yan te mach'a amen yo'tane, ora nax ya xch'ayot ta o'tanil stuquel.

Proverbios 7:22

Jich ma'yuquix bi yan la yal, la sts'aclin bael te antse. Ja' pajal soc te wacax ya xbajt' ta banti ya yich' milele, soc jich te bit'il chij te ma ba sna'oj te chapal te syaquile,

Salmos 116:9

Ya me jch'uunbey sc'op Cajwal ta yolil te mach'atic cuxajtic ta q'uinale.

Salmos 109:13

Ac'a lajuc spisil te sts'umbale; ac'a yich' ch'ayel ta jc'axel sbajt'el q'uinal te sbiile.

Daniel 9:26

C'alal ya xc'ax te cheb xchanwinic (62) semana, ya me smilic te ch'ul jwentainwaneje. Te Jerusalén ya me yich' lajinel soc ya me yich' lajinel uuc te templo, ja' me ya slajin te swinictac te muc' ajwalil ya xtale. Te slajibale ora me ya xc'ot ta pasel, jich me ya xtal te bit'il snojel ja'; ja' to me c'alal slajibal te guerra soc te jinele, ja' te chapal nix sc'oplal ae.

Salmos 142:5

Cajwal, ja'at me ya cawtayat, jich ya calbat: “Ja'at me anjibalat cu'un; ja'at xanix atuquel te cuxulon awu'un ta ora to”, xoon me ta atojol.

Salmos 112:6

Jich ma'yuc bay ya sta falta; te winic toj yo'tan, na'bil sbajt'el q'uinal stuquel.

Salmos 52:5

Pero Dios me ya slajinat, sbajt'el q'uinal ya awich' lajinel yu'un; ya me awich' tsaquel yu'un, ya me xch'ojat loq'uel ta ana; soc ya me slajinbat ta jc'axel te acuxlejale.

Salmos 35:15

Yan te c'alal tal wocol ta jtojole, spisilic la stsob sbaic tel ta stse'lubelonic; jich c'oon ta yo'tanic te bit'il jyanlum te ma sna'bonic jbae. Ma la scom sbaic, c'ax bayal la yuts'inonic.

Jeremías 26:8

C'alal laj yo'tan ta yalel te bila albil yu'un Cajwaltic, te sacerdoteetic, te j'alwanejetic soc te lum la stsaquic, jich la yalbeyic: —¡Ya me xlajat!

Lamentaciones 3:60

Ya awil te bila snopojic ta yac'belic spacol, spisil te bila chapal ta jtojol yu'unique.

Ezequiel 32:24

“Tey ay a te lum Elam, spisil te soldadoetic yu'une sjoyintayejic te smuquenale. Ta spisilic lajic ta guerra, xch'uunejic lotil diosetic te yalic ta ye'tal balumilal. La yaq'uic bayal xiwel ta stojolic te mach'atic cuxulique. Pero yo'tic ma'yuquix sc'oplal c'otic yu'unic te mach'atic sjoinejic ta muquenale.

Proverbios 24:15

Ma me xachajbanbey sc'oplal bila amen ta stojol te mach'a lec sc'oplale; ma me xajinbey sbiluc ta sna te banti naineme.

Jeremías 1:19

Ja'ic ya yac'bat guerra, pero ma xju' yu'unic te ya stsalat, melel ya joinat soc ya jcanantayat. Jo'on Ajwalilon te ya cal te jc'ope —xi' te Cajwaltique.

Oseas 9:8

Dios yac'oj j'alwanej yu'un ta swenta j'il-q'uinal yu'un Efraín; ja'uc me to, te ja'exe ya awac'bey pejts' ta sbe. Asta ta bay templo yu'un Dios, ya alab-o'tantayic te j'alwaneje.