Jeremías 11:16 - Bible in Tzeltal de Oxchuc y Tenejapa

¹⁶ Ta neelal jo'on Ajwalilon la cac'bey sbiilin: “Spimil yabenal olivo te t'ujbil scuchojic ta jyalel te sit te'”. Yan ta ora yo'tic, ya jchic'bey te yabenal ta swenta stulanil yip te chawuquetique, soc ya jecbey te sc'abc'abe.

Bible in Tzeltal Bachajón

¹⁶ Ha yaxal olivo soc buen t'ujbil sit, xchi abihil yu'un te Jehová. Pero ta scuenta tulan xju'et yic'al la ya'be sc'ahc'al, soc la swac'ticlambe te sc'abc'abe.

Jeremías 11:16 Referans Kwoze

Isaías 27:11

Te sc'ab te' ya yich' c'asel coel te c'alal ya xtaqueje; jich yu'un te antsetic ya stsobic, soc ya spas sc'ajq'uic a. Jich te lum te ma'yuc sp'ijile. Jich yu'un te Mach'a chicnantesot yu'une, ma sna'bey yo'bolil sba yu'un; te Mach'a pasot yu'une ma xc'uxtay.

Salmos 52:8

Pero te jo'one, jichon te bit'il yaxal olivo ta templo yu'un Dios, ja' me smuc'ul co'tan sbajt'el q'uinal te xc'uxul yo'tan te Diose.

Salmos 80:16

Lajina soc sc'ajc'al awo'tan te mach'atic ya set'ic soc ya xchiq'uique;

San Juan 15:6

Te mach'a ma x'ain ta jtojole ya me yich' ch'ojel loq'uel ta fuera; jich te bit'il sc'ab te ts'usube, teme taqueje, ya yich' tsobel soc ya yich' chiq'uel ta c'ajc'.

San Mateo 3:10

Pajal c'oemex soc te'etic te chapalix yechejul ta ts'etel c'alal ta yisim. Melel spisil ta pejt' te' te ma xyac' site, ya me yich' ts'etel soc ya me yich' ch'ojel ochel ta c'ajc'.

Jeremías 21:14

Jo'on ya cac'beyex castigo, jich nix te bit'il ya sc'an yu'un te awat'elique. Ya cac'bey sc'aal te ja'mal awu'unique, te c'ajq'ue ya xchic' spisil ta sjoyobal. Jo'on Ajwalilon, jich ya cal”, uta me —xi' te Cajwaltique.

Salmos 83:2

Ila awil te acontrotac, ja'ic te xut'et slab yo'tanic awu'une, ya sjachic c'op soc ya stoy sbaic ta atojol.

Apocalipsis 11:4

Te cheb testigoetique, ja' te cheb oliva-te' soc te cha'ch'ix yawil c'ajc' te tec'ajtic ta stojol te Cajwaltic te ja' Dios yu'un te balumilale.

Deuteronomio 28:40

Ay me olivoetic awu'un ta spisil te aq'uinale, pero ma ba ya amal ta ajol te aceite yu'une, melel te site ya me xlubaj ta stuquel.

Job 8:16

Te j'amen-o'tanetic jichic bit'il yaxal wamal ta stojol te c'aale, te ya spuc bael sba ta nichimaltique;

Jeremías 7:20

Jich yu'un te jo'on Ajwalilon ya me cal ta smelelil te ya jloq'ues tel spisil te quilimba ta stojol in templo to soc ta stojol te ants-winiquetic, soc ta stojol te chambalametic, te te'etic ta q'uinal, soc te trigo. Jich me yilel te bit'il tojc'al te ma xtup'e —xi' te Cajwaltique.

Oseas 14:6

Te sc'abc'abe ya me slim sba bael, t'ujbil yutsilic jich bit'il sc'ab olivo; soc jich me sbujts' yic' te bit'il cedroetic ta Líbano.

Salmos 80:17

pero coltaya te winic tsabil awu'une, te spul te winic te ja'at la awac' ipajuque.

Jeremías 2:21

Jo'on la jts'unat jichuc ts'usub te mero cajal yutsile, jich bit'il yawalil ts'usub te mero lec ta jyalele. ¿Bi yu'un te bayal bolobenate, te ma jna'batix aba ya quile?