Jeremías 11:15 - Bible in Tzeltal de Oxchuc y Tenejapa

¹⁵ “¿Bi ya sle ta templo cu'un te Israel, ja' te quinam c'oeme, melel bayal la spas te bitic ilaybile? ¿Yu'un bal scuyojic te ya xch'ay bael woclajel yu'un a, te ya yac'bon xepuil chambalam soc te sti'balul ta swenta milbil jmajt'ane, soc te ya scoltay sbaic ta sc'opic a?

Bible in Tzeltal Bachajón

¹⁵ ¿Bin ya spas ta templo cu'un te mach'a c'ux ta co'tan, te bin ut'il bayel la spas te bintic ihlaybile? ¿Ach'uhunej bal te ya xhu' ya sloq'uesbat te castigo awu'un te chic'bil mahtaniletic soc te ti'bal te ch'ultesbile, te hich yutsil q'uinal yac awa'iy a?

Jeremías 11:15 Referans Kwoze

Proverbios 2:14

te bin nax yo'tanic yu'un te ya xju' yu'unic uts'inwaneje, te q'uin c'oem yu'unic te bila amen ya spasique,

Tito 1:15

Te mach'atic utstesbil yo'tanique, yu'un nanix lec sc'oplal yu'unic spisil te bitic aye. Yan te mach'atic ma lecuc te yo'tanique, ma'yuc xch'uunjel yo'tanic, xujt' ma'yuc bi lec sc'oplal yu'unic, melel xujt' ma'yuc swentail te bila snopoj ta yo'tanique.

Santiago 4:16

Yan te ja'exe, ja' nax ya atoy abaic soc te ac'opique. Spisil te toybaile, xujt' ma lecuc.

1 Corintios 13:6

Ma smulan te bila ma stojiluc te bila ay ta pasele, ja' ay sbujts' yo'tan yu'un te bila melele.

Romanos 11:28

Te bit'il la sp'ajic te lec yach'il c'ope, jich yajcontro Dios c'otic te judioetique, swenta yu'un jich la awich'ic c'uxtayel te ja'exe. Ja'uc me to, te Diose ay to sc'uxul yo'tan ta stojolic, ta scaj te ja' la stsa stuquel te antiguo jme'-jtatique.

San Lucas 8:28

Te c'alal la yil te Jesuse, te winic la squejan sba ta stojol. Caj ta aw: —Jesús, ¿bistuc tal awochintayon ja'at te Snich'anat te Ch'ul Dios te ay ta ch'ulchane? Ya calbat wocol te ma me x'awuts'inone —xi' ta aw.

San Mateo 22:11

“C'alal och yil yula' te muc' ajwalile, la yil jtul winic tey a te ma ja'uc c'u'ul swenta il-nujbinel te slapoje.

Oseas 3:1

Te Cajwaltic la yalbon xan: —Baan, c'uxuc me ta awo'tan jtul ants te mulanbil yu'un yan winic, te mero mulawil ants stuquele. Jich me c'ux ta co'tan te israeletic jo'on te Yajwalone, manchuc me ya xbajt'ic ta stojol te lotil diosetic, soc te ya swe'beyic pejch'anbil taquin ts'usub te ya yac'beyic smajt'anine —xi'.

Jeremías 15:1

Te Cajwaltic la yalbon: —Manchuc me ya xtal stejc'an sbaic ta jtojol li'to te Moisés soc Samuel, te jo'one ma ja'uc ya jna'bey yo'bolil sba yu'un a te lume. Albeya, ac'a loc'uc bael ta jtojol, ac'a bajt'uquic.

Jeremías 12:7

“Jpijt'esejix jilel te lum cu'une, la jq'uejix bael ta co'tan te bila cu'unineje. La cac'beyix ta sc'ab scontrotac te lum te bayal c'uxbaj ta co'tane.

Jeremías 3:14

Te Cajwaltic jich ya yal: —Sujt'anic tel, ja'ex toyba alnich'anex, melel jo'on cu'unex. Ya me quic' juju-jtul ta jpam lum, soc che'cheb ta juju-jchajp te ats'umbale, ya me quic' sujt'uc tel ta Sión.

Jeremías 3:8

Soc la yil te la quijq'uitay jba jilel soc te toyba Israel, och ta jun te la quijq'uitay jba soque, ja' yu'un te mulwej la spase. Ja'uc me to, te Judá te yijts'in Israel, ma junuc yo'tan, ma ba xiw yo'tan yu'un. Ja' nix jich bajt', ba yat'elin spasel te mulweje.

Jeremías 2:2

—Baan, albeya te lum Jerusalén, awtaya, swenta yu'un ya me yaiyic stojol ta lec: “¡Jich ya yal sc'op te Cajwaltique! Ya jna' te c'alal ach'ixat to a, jun awo'tan ta jtojol, te c'alal la quic' quinaminate, c'ux la awaiyon ta awo'tan. La ats'aclinon ta jochol taquin q'uinal, ja' te lumq'uinal te mero ma'yuc bila ya xju' ta ts'unel tey a.

Isaías 50:1

Te Cajwaltic ya yal: —Ma me xacuyic te jo'on la jticun sujt'el te Israele, te jich c'oem te bit'il ame' te ja'exe, jich bit'il jtul winic ya sticun sujt'el te yiname; o la jchonex bael ta mosoil scaj te ay mach'a ay jbet yu'une. Baex ta chonel ta scaj te la ale amulique; Israel te ame'ic te ja'exe, ijq'uitayot jilel ta scaj te toyol la awac' abaique.

Proverbios 28:9

Te mach'a ma sc'an xch'uunbey smandal te Diose, ma stsacbot sc'op te c'alal ya sc'opone.

Proverbios 26:18

Jich te bit'il mach'a jowil nax ya swiles bael yat'ejibal t'im te yich'oj c'ajq'ue,

Proverbios 21:27

Te Cajwaltic ya yilay te smajt'an ya x'ac'bot yu'un te mach'atic amen yo'tanique, melel ma lecuc te yo'tanique.

Proverbios 15:8

Te majt'aniletic ya yaq'uic te mach'atic amen yo'tanic, ya yilay te Cajwaltique; yan te mach'atic toj yo'tanique, bin nax yo'tan ya stsacbey sc'op stuquelic.

Proverbios 10:23

Te mach'a ma sna' q'uinal, bin nax yo'tan ta spasel te bila amene; yan te mach'a ay sp'ijile, ya yaiybey yutsil te p'ijil c'ope.

Salmos 50:16

Yan te mach'a amen yo'tanic, jich me ya x'albotic yu'un Dios: “¿Bi awenta a te ya atabon ta alel te mandaliletic cu'un, bi awenta te ya atabon ta alel te c'op chapal cu'une,

Salmos 60:5

Jac'a jc'optic, coltayawotic ta awu'el; ac'a ta libre te mach'atic c'uxic ta awo'tane.

Jeremías 13:27

Quiloj te toyol awo'tan yu'un te mulweje, q'uexlaltic sba te awat'el yu'un te chijil jolobele, ma lecuc awat'el ta witstiquil soc ta aquiltic. Obol aba, Jerusalén. ¿Jayeb to c'aal ya xbolob bael te ac'oplale? ¿Jayeb to c'aal ya apasulay bael te bila ilaybile? —xi' te Cajwaltique.

Jeremías 23:11

Te Cajwaltic jich ya yal: —Te j'alwanejetic soc te sacerdoteetic ma tojuc yo'tanic, ta templo cu'un yacalic ta spasel te bila amen la jta tey a.