Jeremías 11:11 - Bible in Tzeltal de Oxchuc y Tenejapa

¹¹ Jich yu'un yo'tic, ya jticun tel te bila amen, te ma'yuc mach'a ya xju' scoltay sba jtuluc yu'une. Manchuc me ya yawtayonic ta sc'anbelonic scoltayel, ma me xcaiybey stojol. Jo'on Ajwalilon, jich ya cal.

Bible in Tzeltal Bachajón

¹¹ Ha yu'un hich yaloj te Jehová: Ya cac' wocol ta stojolic te ma xhu' ya xloq'uic ta ahnel ta stojole. Aunque ya yawtayonic, ma ba ya ca'iybeyic.

Jeremías 11:11 Referans Kwoze

Ezequiel 8:18

Pero ya me x'at'ejon soc te quilimbae, ma me ba ya jna'bey yo'bolil sbaic ta jc'axel. Manchuc me ya sc'opononic ta aw, pero ma ba ya jac'bey te sc'opique —xi' te Cajwaltique.

Isaías 1:15

Te c'alal ya atoy ac'abic ta ac'oponbelone, ya jq'uej bael jsit ta atojolic; manchuc me bayal ya xc'opojex, ma ba ya caiybeyex stojol. Ts'ilajem ac'abic yu'un ch'ich'.

Proverbios 1:28

“Te c'alal ya xc'ot sc'aalelal, ya me awic'onic, pero ma ba ya jac'beyex; ya aleonic, pero ma ba ya ataonic;

Zacarías 7:13

Jich la yal: —Jich te bit'il ma ba la sc'an la yaiybonic te jc'op te c'alal la quiq'ue, ja' nix jichon uuc, te c'alal ya sc'opononique ma ba ya jac'beyic.

Miqueas 3:4

Ya me sta sc'aalelal te ya awawtayic te Cajwaltique; ja'uc me to, ma ba ya sjac'beyex ac'opic. Te bi ora jich ya apasique, ya me snac' sba ta atojolic ta scaj te muliletic apasojique.

Jeremías 14:12

Manchuc teme bayal ya spas ayuno yu'un, ma ba ya quich'bey ta wenta te ya sc'anbonic coltayele. Manchuc me bayal chic'bil majt'anil ta scojt'ol soc te ya yac'bonic majt'anil harina ya yich'bonic tel, ma ba ya jtsacbey sc'op yu'un. Ya me jin ta guerra, ta wi'nal soc te chamel ya xmilawane —xi' te Cajwaltique.

2 Reyes 22:16

te jo'one Ajwalilon jich ya cal: ‘Ya me cac' taluc tulan wocol ta stojol in q'uinal to, soc ta stojol te mach'atic nainemic tey a, jich te bit'il ya yal te libro la sc'oponix te muc' ajwalil ta Judá.

Jeremías 11:17

“Jo'on te Ajwalilon te Spisil ya xju' cu'une, te la jts'un te Israel soc Judae, la calix mandal te ya xc'ot ta stojolic te bila amene ta scaj te smulique. Melel la sta smulic ta jtojol te la yac'beyic smajt'an pom te Baal —xi'.

Jeremías 6:19

Aiya awaiy stojol, balumilal: Ay bi tulan swocolil ya cac'bey tel ta stojol te lume, ja'ix sit swocolil te bila amen la xchajbane; melel ma la spasic te la yich'bonic ta muc' te jc'ope, la yilaybonic te p'ijubtesel cu'une.

Isaías 24:17

Te yajwalic te balumilale jich ya xc'otic te bit'il chambalametic te nutsbilic yu'un te jnutsojeletic. Jich nax ya xch'ayic coel ta joc'bil ch'en, o teme ya x'ochic bael ta pejts'.

Salmos 18:41

La sc'anic coltayel, pero ma'yuc mach'a coltayotic yu'un; c'opojic ta stojol te Cajwaltique, pero ma ba tsacbot sc'opic yu'un.

Hebreos 1:3

Ja' chican a te yutsil xojobil te Diose, soc ja' chican a te bi yilel ay soc yo'tan te Diose. Spisil te bitic aye ja' ipajemic a te yu'el sc'ope. Te c'alal ju'ix yu'un spoquel loq'uel a te jmultique, la snajc'an sba ta ch'ulchan ta swa'el sc'ab te Muc' Diose.

1 Tesalonicenses 5:3

Yu'un te c'alal ay jich ya yalic te ants-winiquetique: “Lamal q'uinal, ma'yuc bi chican”, te xiic ta yalele, ja'uc me to, ajc' nax ora ya xtal lajel ta stojolic, jich te bit'il ajc' nax ora ya xjajch' swocol jtul ants yu'un te ya x'ayinix te yale. Jich ma xju' ya scoltay sbaic loq'uel tey a.

Amós 5:19

Jich me ya xc'ot te bit'il mach'a ya x'an bael yu'un te león-choje; ja'uc me to, ora ya sta sba soc oso. O jich bit'il te mach'a ya x'och bael ta sna te ya xijc'an sba ta pajc', te tey ya sta ti'el ta chan a.

Ezequiel 7:5

“Jo'on Ajwalilon te jich ya cale: Aiya awaiy, nopolix te slajibale. Ya me xtal wocol, soc ya me xtal te bila amen ta atojol. Nopolix ya xtal ta atojol te slajibale.

Jeremías 36:31

Ja'at soc te ats'umbale, ja' nix jich te mach'atic toyol yat'elic awu'une, ya cac'bey castigo yu'un te smulique. Ya me cac' te ya xjul ta atojolic ja'ex, soc ta stojol mach'atic yajwal Jerusalén soc Judá, ta spisil te woclajel te la calbeyex sc'oplale, ja' te ma la awich'ic ta muc' te ja'exe’, xi' ac'oplal yu'un te Cajwaltique”, uta me —xi' te Diose.

Jeremías 35:17

Jich yu'un te jo'on Ajwalilon te Spisil ya xju' cu'une, te Dioson yu'un Israel, ya cal: Ya me cac' te ya xjul ta stojolic Judá soc te mach'atic yajwal Jerusalén, ta spisil te woclajel te calojbey sc'oplale. Melel calojbeyex, ja'uc me to, te ja'exe ma'yuc bay awich'ojbonic ta muc'; la jc'oponexix, ja'uc me to, ma'yuc bay la ajac'bonic jc'op”, uta me —xi' me te Cajwaltique.

Jeremías 23:12

Jich yu'un, te sbe ijc'uben me, soc biluben me; ya me cac' te ya scotp'inic, jich me ya xyalic. C'alal ya quich'bey ta wenta yat'elic, ya me cac' tel tulan woclajel ta stojolic. Jo'on Ajwalilon, jich ya cal.

Jeremías 19:15

—Te Cajwaltic te Spisil ya xju' yu'une, te Dios yu'un Israel, ya yalbeyex: “Ya jticunbey tel spisil castigo ta stojol te alumal soc spisil te lumetic nopol ayic te la calbeyix sc'oplale. Melel tulan yac'oj te yo'tanique yu'un ma la yich'bonic ta muc' te jc'ope”, xi' me te Cajwaltic —xi' te Jeremiase.

Jeremías 19:3

Albeya: “Muc' Ajwaliletic yu'un Judá soc yajwal Jerusalén, aiya awaiyic stojol sc'op Cajwaltic te Spisil ya xju' yu'une, te Dios yu'un Israel: Ya jticun tel muc' te bila amen ta stojol in lum to, ta spisil mach'a ya yaiybey stojol sc'oplal xch'inet nax me xchiquin ya xjil yu'un.

Jeremías 15:2

Teme ya sjojc'obat te banti ya xbajt'ique, albeya te bila ya cale: “Te mach'atic chapal sc'oplal te chamel ya yaiy xlaje, jich nix me ya xlaj abi; te mach'atic chapal sc'oplal ya xlaj ta guerra, jich nix me ya xlaj abi; te mach'atic chapal sc'oplal te wi'nal ya yaiy xlaje, jich nix me ya xlaj abi; te mach'atic chapal sc'oplal ya x'ic'otic bael ta mosoinel, ya nix me xbajt'ic abi”, uta me.

Jeremías 11:14

Ja' yu'un te ja'at Jeremías, ma me xc'opojat ta ac'anbelon xc'uxtayel te lume; ma me xc'opojat yu'un ta awalbelon wocol ta swentaic. Melel ma me ba ya caiy stojol c'alal ya ac'anbon coltayel loq'uel ta yolil te woclajele.

Proverbios 29:1

Te mach'a tulan ya yac' sba te c'alal ya yich' comel, ora nax me ya yich' jinel, soc ma me ayuc xpoxil yu'un.

Salmos 66:18

Te ayuc bila amen jnopoj ta co'tane, te Cajwaltic ma ba la yaiybon jc'op te jichuque;

2 Crónicas 34:24

te jich ya cale: Jo'on Awajwalon, ya me cac' tel tulan woclajel ta stojol te lum soc ta stojol te mach'atic nainemic tey a, jich bit'il te sc'oplal castigo te ts'ibubil jilel ta libro, te la yich' ilel ta stojol te muc' ajwalil yu'un Judá.

Job 35:13

Te Dios te Spisil ya xju' yu'une, ma'yuc swentail ya xc'ot yu'un te lotil c'opetique.

Jeremías 14:2

—Te Judá ya x'oc' yu'un mel-o'tan, te lumetic yu'une ay swocolic, te ants-winiquetic limilic ta lum. Te Jerusalén ya xtoyix yawic yu'un te xc'uxule.

Jeremías 18:11

“Albeya te ants-winiquetic ta Judá soc te yajwal Jerusalén: “Jich ya yal te Cajwaltique: ‘Yacon ta xchajbanel ac'oplalic ta jcontroinbelex; yacon ta snopel te ya cac'beyex castigo. Ijq'uitayaic jilel te be te amene; tojtesaic te awo'tanic soc te awat'elique’, xi' me”, ya me awut.

Jeremías 25:35

Te jcanan-chijetic ma xju' yu'unic te ya x'anique; te j'ic'awanejetic yu'un te jtsojp chijetique ma xju' ya scoltay sbaic.

Lamentaciones 2:22

La awac' tel bitic chujc'ul ta bayuc, yacalic ta talel ta il-q'uin yilel. Cajwal, ta sc'aalelal awilimba ma'yuc mach'a col jtuluc. Te mach'atic muc'ub cu'un soc te la jp'ijubtese, laj ta milel yu'un jcontro.

Ezequiel 14:3

—Ja'at winic, ya calbat, te winiquetic in to, jc'axel yac'oj yo'tanic ta xch'uunel te loc'ombaetic yu'unique, ja' yac'oj sitic ta stojol te bitic ya x'ac'bot sta smulic yu'une. ¿Snujp' laj bal teme ay bila ya xtal sjojc'obonique?