Jeremías 10:9 - Bible in Tzeltal de Oxchuc y Tenejapa

⁹ Te awajcananic, plata nax ich'bil tel ta Tarsis soc oro te ich'bil tel ta Ufaz; ja' te pasbilic yu'un te mach'atic ya sna'ic spasele, ja' te jpas-plata-taq'uinetique. Te sc'u'ic, te morada sbonilic soc te tsaje, ta spisilic chajbanbilic ta swenta te mach'atic c'aemic ta spasele.

Bible in Tzeltal Bachajón

⁹ Ya yich' tal tembil plata ta Tarsis soc oro ta Ufaz; ha ya'tel te jten-taq'uin soc j'ultesej-taq'uin; ya ya'beyic slap yax soc chi'in-yaxal c'u'ul, ta spisilic chahpambilic yu'un te mach'atic ya sna'ic spasele.

Jeremías 10:9 Referans Kwoze

Salmos 115:4

Te loc'ombaetic te scuyojic ta Dios pasbilic ta oro soc ta plata, ja' te bitic spasoj ta sc'ab te winiquetique:

Daniel 10:5

Ora nax la quil chicnaj jtul winic. Te winique sc'u'inej lino-pac', te cinturón pasbil ta puro oro.

Isaías 40:19

Te mach'a ya spas loc'omba, neel ya yultes ta c'ajc' te taq'uine, yan mach'a ya spots ta oro soc ya spasbey cadenaetic ta plata.

1 Reyes 10:22

scaj te barcoetic yu'un Tarsis te yich'oj te muc' ajwalil. Ya xc'otic jujun buelta ta ox'oxeb ja'wil, ja' nix jun ya xc'ot soc te barcoetic yu'un Hiram. Ya yich'ic tel oro, plata, marfil, maxetic soc pavoreal-mutetic.

Ezequiel 27:12

Mero bayal te ac'ulejale, te ja' tal yaiy manbajel chonbajel ta atojol te Tarsis. Te bitic la achonbeye la ajelic ta plata, hierro, estaño soc plomo.

Salmos 72:10

Ac'a yich'ic tel majt'aniletic te muc' ajwaliletic yu'un Tarsis, soc yu'un te q'uinaletic joytaybilic ta ja', soc nix te muc' ajwaliletic yu'un Sabá soc Seba, soc ac'a stoj spatanic ta stojol te muc' ajwalile.

Isaías 23:6

Baanic ta Tarsis, ajc'anajuc awo'tanic te yajwalex ti'mar.

Ezequiel 27:7

Te apac'ale yich'oj pasel ta ch'albil lino talem ta Egipto, ja' nix ya xtuun awu'un ta bandera. Te awaxib paq'ue, morada soc tsajal pac', talem ta ti'ti'mar yu'un Elisa.

Jonás 1:3

Pero te Jonás ma jichuc la spas. Loc' ta anel ta stojol Cajwaltic, c'an bajt'uc ta Tarsis. Jich bajt' ta banti ya xloc' barcoetic ta Jope. Tey c'o sta jun barco a te baelix ta Tarsis. Jich la stoj spasaje ta ora. Och ta barco, bajt' te Jonase. Jich c'an loc'uc ta anel ta stojol te Cajwaltique.

Habacuc 2:19

¡Ya me awil awocol ja'at te ya awalbey swic' sit te jun loc'omba-te'e, soc te ya awalbey stejc'an sbae te jp'ij ton uma'e! ¿Ya bal xju' yu'un te ay bila ya yalbotic jtebuque? Ma'yuc, melel ma ba cuxulic, manchuc me potsbilic ta oro soc ta plata.

2 Crónicas 9:21

Melel te barcoetic yu'un te muc' ajwalil te xtal xbajt' ta Tarsis soc te winiquetic te ayic ta abatinel yu'un Hiram, jun nax buelta ya sujt'ic ta swenta ox'oxeb ja'wil. La yich'ic tel oro, plata, marfil, maxetic soc pavoreal-mutetic.

Oseas 8:6

Te sloc'omba alal wacax yu'un Samaria, ma Diosuc, pastaj ta sc'ab jtul winic te ya sna' spasele. Wuyultic nax me ya xc'ot ta loq'uel.