Jeremías 10:8 - Bible in Tzeltal de Oxchuc y Tenejapa

⁸ Spisilic, bol yo'tanic, ma'yuc ni jtebuc sp'ijilic. Ma xju' ya sp'ijubtesex te smajc'alel te'e.

Bible in Tzeltal Bachajón

⁸ Spisilic sonsohetic soc ma sna'ic q'uinal; nohptesbilic yu'un loc'ombahetic pasbil ta te' te ma xtuhunique.

Jeremías 10:8 Referans Kwoze

Zacarías 10:2

Te c'opetic ta swenta lotil diosetic, ma meleluc stuquel; slotic te bila ya yalic te mach'atic ay bi ya sna'ic yalele. Te bi ya yalic te ya xc'ot ta pasele, ta patil jich nax c'oem te bit'il waichil te ma'yuc swentaile. Te sc'opic swenta smuc'tesel q'uinal yaiyic, tojol c'op;ma xmuc'ub yo'tanic yu'un te ants-winiquetique. Ja' yu'un te yajwal lume bayuc nax ya xbajt'ic ta beel jichuc jtsojp chijetic; c'ux obol sbaic ta scaj te ma'yuc jcanan yu'unique.

Jeremías 10:14

Bol yo'tanic, ma sna'ic q'uinal ta spisil te ants-winiquetique. Te mach'a ya spas te loc'ombaetic ya me sta q'uexlal yu'un; melel puro lo'laywanej te yat'ele, ma ba cuxul te loc'omba ya spase.

Habacuc 2:18

¿Bistuc te loc'omba te ju'em ta pasele? ¿Bistuc te bila pasbil, te ja' nax ya yac' ta nopel lot? Te loc'ombaetic ma xc'opojic; ¿bit'il c'an smuc'ulin yo'tan te winic la spase?

Isaías 44:19

Ma xju' yu'unic snopel, ay to sc'an na'el yu'unic te ya xc'ot ta yo'tanique, te yacuc yalic: “Olil te te' la cac' tiluc c'ajc' a, te ac'ale tac'aj tel jwe'el a, la jwo ti'bal a soc we'on; te smajc'alele la jpas a te bila ilaybile. Jun smajc'alel te' te bi yacon ta xch'uunele”, te xiuque.

Isaías 41:29

Ma'yuc bi ayic a, ni jtebuc. Ma'yuc bi ya xju' yu'unic spasel; jocholic, yolq'uinal loc'ombaetic.

Salmos 135:18

Ja' nix pajal c'oemic soc te loc'ombaetic te mach'atic la spasic, soc te mach'atic xch'uunejique.

Salmos 115:8

Ja' nix pajal c'oemic soc te loc'ombaetic te mach'atic la spasic, soc te mach'atic xch'uunejique.

Jeremías 4:22

Te Cajwaltic jich ya yal: —Te lum cu'une ma sna' q'uinal, ma sna'bon jba. Nich'aniletic te jich nax ayic ta q'uinal, ma xc'opoj yo'tanic jtebuc. Ja' nax ay sp'ijilic ta spasel te bila amene, ma ja'uc ya sna'ic spasel te bila leque —xi' te Cajwaltique.

Jeremías 2:27

Melel ya awalbey te te': “Ja'at jtatat”, ya awut, soc ya awalbey te tone: “Ja' jme'at”, ya awut. Yan te jo'one, ja' ya awac'bon quilbat te apate, ma ja'uc te awelawe. Ja'uc me to, te c'alal nax ya awilic ya xtal ta atojolic te bila chujc'ule, ya awalbonic: “¡La', coltayawotic!”, xaex ta ora.

Oseas 4:12

Te lum cu'un ay bila ya sjojc'obeyic te yajcananic te spasojic ta te'; ta swenta snabate'ic ya sta ta sc'opic te sujt'ibe. U'uninbilic yu'un mulwej te lum cu'une, jich yu'un st'unojic nix jowil beetic a. Te ya spasic mulweje, jich ya yijq'uitayonic te Dioson yu'unique.

Isaías 44:18

Te ants-winiquetic ma sna'ic q'uinal ta jyalel, ma xc'ot ta yo'tanic. Ma'situbenic ta jyalel te ma xju' yu'unic yilele; mero macal ta jyalel te yo'tanique, jich ma sna'ic stojol.

Jeremías 3:9

Ma'yuc swocolil ta pasel la yaiy te la sboltes a te lumq'uinale. Mero ma junuc yo'tan ta jyalel, ba xch'uun te tonetic soc te te'etique.

Jeremías 5:4

La cal ta co'tan: “Ja' nax te me'baetic te amen ta jyalel te yat'elique, melel ma sna'ic stuquelic te bila ya sc'an yo'tan te Cajwaltique, te bila mandal yu'un te Diose.

Jonás 2:8

Te mach'atic ya xch'uunic te loc'ombaetic, jich ya xchebaj yo'tanic ta atojol;