Jeremías 10:7 - Bible in Tzeltal de Oxchuc y Tenejapa

⁷ ¿Ay bal mach'a ma xi'at atuquel, ja'at te muc' ajwalilat yu'un te nacionetique? Awu'un xi'el atuquel. Ta yolilic te mach'a p'ijic soc muc' ajwaliletic ta balumilal, ma'yuc bay jtuluc jich te bit'ilate.

Bible in Tzeltal Bachajón

⁷ ¿Ay bal mach'a ma ba ya xi'at, ha'at te Ajwalilat yu'un te nacionetique? Ha'at awu'un te xi'ele, como ta yohlil spisil mach'atic p'ijic ta nacionetic soc ta spisil slumalic, mayuc mach'a pajalat soc.

Jeremías 10:7 Referans Kwoze

Apocalipsis 15:4

¿Cajwal, ay bal mach'a te ma xi'ate? ¿Soc ay bal mach'a te ma xyalbat yutsil ac'oplale? Melel atuquel nax te ch'ul Diosate. Ya me xtalic ta atojol spisil ta jchajp te nacionetique soc ya me slajin sbaic ta atojol. Yu'un chican ta comonsitil te toj spisil te bila la apasixe”, xiic ta c'ayoj la caiy.

Salmos 22:28

Melel te Cajwaltic ja' muc' ajwalil stuquel, ja' ya xmandalaj ta stojol spisil te nacionetique.

Jeremías 10:6

Cajwal, ma'yuc mach'a yan jich smuc'ul te bit'ilate; muc' ac'oplal soc bayal te awu'ele.

Jeremías 5:22

Jo'on, Ajwalilon jich ya cal: ¿Yu'un bal ma x'axi'onic te ja'exe? ¿Yu'un bal ma xnijq'uex ta jtojol? Jo'on la jpas te bay ya xquejch'aj te sti'il mar, ja' te sti'il te bay ma xc'ax tel te ja'e. Tulan ya stij sbaic ta jyalel te sbule soc te yipe, soc ya x'awunic; ja'uc me to, ma xju' xc'ax tel.

Salmos 89:6

Cajwal, ma'yuc mach'a ay ta ch'ulchan te pajalat soque. Te mach'a ay yu'elique ma spajat te ja'ate.

San Lucas 12:5

Ya calbeyex te mach'a ya sc'an ya axi'ique: Ja' me x'axi'ic te mach'a ya xju' yu'un ya smilat soc te ay yat'el te ya xju' ya yaq'uex ta bay yawil c'ajc' te ma xtup' sbajt'el q'uinale. Ja' me x'axi'ic stuquel.

Zacarías 2:11

Te c'alal jich ya xc'ot ta pasele, bayal me nacionetic jun nax ya xc'otic soc te Cajwaltique. Jich me ya yal te Cajwaltic: —Te nacionetic ja' nix lum cu'un, jo'on me ya xnainon ta yolilic —xi' me. Jich me ya ana'ic a te ja' la sticunon tel te Cajwaltic te Spisil ya xju' yu'une.

Isaías 2:4

Te Cajwaltic ya xchajbanbey te c'op jajch'em yu'un te nacionetique, tsobol me lumetic ya yac'bey snop te ya xcom ta guerra. Ya me sc'atp'unic ta sjoc'jibal lum te spuñalique, te slanzaic ya me sc'atp'unic ta set'jibal trigo. Ni jpamuc lum ya stsac xan spuñal ta smilel yan, ni ma'yuquix mach'a ya yich' p'ijubtesel ta guerra.

Salmos 86:9

Cajwal, ja'at la apas spisil te nacionetic; ya me xtalic ta atojol swenta yu'un ya xch'uunat soc swenta yu'un ya yalbat yutsil ac'oplal.

Salmos 76:7

Mero xi'bilat atuquel. ¿Mach'a ya xju' yu'un ya stejc'an sba ta atojol te c'alal ya xtil jajch'el sc'ajc'al te awo'tane?

Salmos 72:11

Ac'a tal squejan sbaic ta stojol spisil te muc' ajwaliletic. Ac'a yac' sbaic ta abatinel yu'un spisil te nacionetic.

Apocalipsis 11:15

Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

1 Corintios 8:6

ja'uc me to, te jo'otique, jun nax Dios ay cu'untic, ja' te Tatile. Ja' la spas spisil te bitic aye soc ja' yu'unotic uuc. Soc jun nax te mach'a cajwalinejtique, ja' te Jesucristoe. Ja' ta swenta te ay spisil te bitic aye; soc uuc te jo'otique, ja' cuxulotic ta swenta uuc.

Éxodo 8:10

—Pajel nax me —xi' te faraón. Te Moisés la sjac': —Lec ay, ya xc'ot ta pasel, swenta yu'un tey me ya ana' a te bit'il ma'yuc yan a te bit'il te Cajwaltic te Dios cu'untique.

Éxodo 9:14

Ya me jticun tel spisil castigo ta atojol soc ta stojol te ajo'tac ta ajwalile soc te alumale. Tey me ya ana' a te ma'yuc yan jich te bit'ilon jtuquel.

Josué 4:24

Jich yu'un ya me sna'ic spisil lumetic ta balumilal te bayal yu'el te Cajwaltique, soc te ja'exe ya me awich'ic ta muc' te Cajwaltic te Dios cu'untic sbajt'el q'uinal”, utaic me —xi' te Josué.

Ester 1:13

La sjojc'obey te mach'atic ay sp'ijil yo'tanic ta sna'el te leyetique, melel ja' scostumbreic te bila chajbanel ya sc'an yu'un te muc' ajwalil, ja' ya yich' nopel soc te mach'atic ya sna'ic te leyetic soc te mandaliletique.

Daniel 2:27

La sjac' te Daniel, jich la yal: —Ma'yuc ni jtuluc te mach'a ay bila sna'oj, soc ni ayuc mach'a ya sna' syoljoltayel soc j'ac'-chamel, ni ja'uc te mach'a ay bila ya sna' ta swenta te c'aal, u, eq'uetic te ya xju' yu'un sna'beyel swentail te bila wocol ta na'el te ya ac'an ya ana'bey swentaile, muc' ajwalil.

Daniel 2:28

Pero ay jun nax Dios ta ch'ulchan te ya sna' te bila wocol ta na'ele, ja' la yac'bat ana' te bila ya xc'ot ta pasel ta patil baele. Ya me calbat awaiy, muc' ajwalil cu'untic, te bila swentail te awaiche, soc te bitic la awil la awaiy te c'alal wayalate:

Habacuc 3:2

—Te bila caiyojbat stojol ac'oplal, Cajwal, soc spisil te bitic apasoje, ya snojesbon co'tan ta awich'el ta muc'. Pasbotic quiltic yo'tic te smuc'ul awat'el la apas ta namey tel te bit'il cuxulotic ta ora to, swenta yu'un ya me jna'tic te jo'otique. Jich me ya awac'botic quiltic te c'uxbajemotic ta awo'tan, manchuc me ilinemat.

Malaquías 1:11

Ta spisil nacionetic ta balumilal ay mach'atic te yich'ojonic ta muq'ue; ta bayuc ta spisil ya xchiq'uic pom ta swenta quich'jibal ta muc', soc ya yac'bonic majt'aniletic te lequique.

2 Reyes 17:39

Jo'on nax me ya ach'uunonic te Ajwalilon te Dioson awu'unique. Jich me jo'on ya jcoltayex ta sc'ab a te acontroique”, xi' sc'oplalic.

1 Crónicas 16:25

Melel te Cajwaltic muc' stuquel, soc mero ya sc'an albeyel yutsil sc'oplal, mero xiweltic nax me sba stuquel yu'un a te yantic diosetique.

Salmos 47:3

La slajin lumetic soc nacionetic, la yac' bic'tajuc ta jtojoltic.

Salmos 86:8

Cajwal, ma'yuc yan dios jich te bit'il ja'ate; ma'yuc bi yan ya spaj te awat'ele.

Salmos 147:5

Mero muc' te Dios cu'untic, soc muc' te yu'ele; te sp'ijil ma p'isbiluc soc ma'yuc slajibal.