Jeremías 10:5 - Bible in Tzeltal de Oxchuc y Tenejapa

⁵ Te yajcananic pajal soc xutax yilel te ay ta bay ts'unajtic te melonetique; ma xju' xc'opojic, soc ya sq'uechic ta beel, melel ma xbeenic. Ma me xiwex yu'un, ni ma'yuc bila amen soc ni ma'yuc bila lec ya spas —xi' te Cajwaltique.

Bible in Tzeltal Bachajón

⁵ Te loc'ombahetic yu'unic ma xc'opojic hich te bin ut'il xutax ta banti ts'umbil melón; ya x'ich'otic bahel yu'un ma xhu' ya xbehenic. Ma me xaxi'ic, mayuc bin chopol soc mayuc bin lec ya xhu' ya spasic, xchi te Jehová.

Jeremías 10:5 Referans Kwoze

Isaías 46:7

Ya scajan bael ta snejq'uelic, ya xbajt'ic soc; ya xc'o snajc'anic ta scajtijib, tey ya x'ain a, ni ma stij sba ta yawil. Manchuc me ya yawtayic bayal ta sc'anbeyel coltayele, jc'axel ma sjac', soc ma xju' yu'un ya scoltay ta xc'uxulil te swocolique.

1 Corintios 12:2

Te ja'exe, ya ana'ic stojol te bit'il ayex a te c'alal ma to ach'uunejic a te Diose. Jun nax awo'tanic la awac' abaic ta jowil alajinbel abaic ta stojol te loc'ombaetic te ma xc'opojique.

1 Corintios 8:4

Jich yu'un te bit'il ay sc'oplal te we'elil yu'un te milbil majt'anil yu'un te loc'ombaetique, jna'ojtic stojol te tojol ay ta balumilal te loc'ombaetique, te melel jun nax te Diose, ma'yuc yan.

Habacuc 2:19

¡Ya me awil awocol ja'at te ya awalbey swic' sit te jun loc'omba-te'e, soc te ya awalbey stejc'an sbae te jp'ij ton uma'e! ¿Ya bal xju' yu'un te ay bila ya yalbotic jtebuque? Ma'yuc, melel ma ba cuxulic, manchuc me potsbilic ta oro soc ta plata.

Isaías 46:1

Te loc'omba Bel ya spajc'an sba, soc te loc'omba Nebo ya xyal ta lum. Te loc'ombaetic cuchbilic bael ta burroetic soc ta yantic chambalametic; bayal yalal te ijc'atsil ya scuchic bael te chambalametic te lubenique.

Isaías 45:20

Te Cajwaltic ya yal: —Tsoba abaic, la'ic, noptsajanic tel ta apisilic te jaychajp mach'atic cuxulex to ta lumetique. Mero ma'yuc bi ya sna' te mach'atic ya sbeentesic yajcananic te pasbil ta te', te ya xjajch' sc'oponic te sdiose, te ma xju' ya xcoltayotic yu'une.

1 Reyes 18:26

Jich la yiq'uic te toro ac'bot ta swentaic, la spasic. Ta sab c'alal ta olil c'aal yacal sc'oponbelic te Baal. Jich yacalic ta yalel: “¡Baal, jac'a jc'optic!” xiic. Xwilawetic ta sjoyobal ta scajtijib ta chiq'uel majt'anil yu'unic te la spasique, pero ma'yuc ya xchicnaj sc'op ta sjaq'uel te Baal.

Jeremías 10:14

Bol yo'tanic, ma sna'ic q'uinal ta spisil te ants-winiquetique. Te mach'a ya spas te loc'ombaetic ya me sta q'uexlal yu'un; melel puro lo'laywanej te yat'ele, ma ba cuxul te loc'omba ya spase.

Deuteronomio 4:28

Tey me ya yabatinex diosetic te pasbilic yu'un te winiquetique, loc'omba te pasbil ta tonetic soc te'etic, te ma xyilic q'uinal, ma xyaiyic c'op, ma xwe'ic soc te ma xyich'ic iq'ue.

2 Crónicas 25:15

Te Cajwaltic ilin ta stojol Amasías, soc la sticunbey j'alwanej ta alel yu'un: —¿Bi yu'un ja' la ale te diosetic yu'un te yan nacione, te ma ju' yu'unic scoltayel te lum yu'un ta ac'abe? —xi' sc'oplal yu'un.

Isaías 16:12

Manchuc me ya xbajt' Moab ta bay toyol ch'uunjibal ta yalel wocol tey a, ja' to c'alal ya xlub, manchuc me ya xbajt' ta templo ta sc'oponel te dios yu'unic, ma'yuc bi ya staic a.