Jeremías 10:24 - Bible in Tzeltal de Oxchuc y Tenejapa

²⁴ Tojtesawotic ta swenta stojil awo'tan, ma me socuc awilimba. Teme jich ya apase, jc'axel ya ajinotic abi.

Bible in Tzeltal Bachajón

²⁴ ¡Tojobtesawon, Jehová, pero soc stojil chahpanel, ma socuc awilimba, yu'un ma ba yac alajinon!

Jeremías 10:24 Referans Kwoze

Salmos 38:1

Cajwal, ma me socuc awilimba ya acomon, ma me xawac'bon castigo soc sc'ajc'al awo'tan.

Salmos 6:1

Cajwal, ma me socuc awilimba ya acomon, ma me xawac'bon castigo soc awilimba.

Jeremías 30:11

Jo'on Ajwalilon, jich ya cal, joinejat swenta yu'un ya jcoltayat. Ya me jin spisil te nacionetique, ja' te bay la jpuquex baele. Yan te ja'ate ma ba ya jinat; ja' nax ya cac'bat castigo jich te bit'il ya sc'an te awat'ele; ma me jichuc nax ya quijq'uitayat jilel te ma xcac'bat castigo —xi' te Cajwaltique.

Isaías 40:23

Ma'yuc ya xbajt' ta yo'tan te mach'atic muc'ul winiquetic ta balumilal, soc ya yac' xch'ayic ta jc'axel te jtsobwanejetic ta q'uinale.

Job 6:18

Ma ba ya xtojobix ta sbe te jbeel-chonbajeletic, c'unc'un ya xjowejic bael, jich ya xc'ubic bael ta taquin q'uinal. Tey ya xlajic a.

Habacuc 3:2

—Te bila caiyojbat stojol ac'oplal, Cajwal, soc spisil te bitic apasoje, ya snojesbon co'tan ta awich'el ta muc'. Pasbotic quiltic yo'tic te smuc'ul awat'el la apas ta namey tel te bit'il cuxulotic ta ora to, swenta yu'un ya me jna'tic te jo'otique. Jich me ya awac'botic quiltic te c'uxbajemotic ta awo'tan, manchuc me ilinemat.

Jeremías 46:28

Jo'on Ajwalilon, jich ya cal: Ma xiwat, lum Jacob, abat cu'un, melel joinejat. Ya jin spisil te nacionetique, ja'ic me te bay la jpuquex baele. Yan te ja'ate ma ba ya jinat; ja' nax ya awich' tojtesel cu'un jich bit'il ya sc'an te awat'ele. Ma me jichuc nax ya quijq'uitayat jilel, puersa ya cac'bat castigo —xi' te Cajwaltique.

Salmos 6:2

Cajwal, na'bon me yo'bolil jba, yu'un ya caiy ta co'tan te ma'yuquix te quipe. Cajwal, ac'bon xan yip te jbaq'uetale, yu'un scojt'ol yac ta nijq'uel.

Isaías 28:28

Te trigo ya yich' teq'uel ta chambalam, pero ma yu'unuc ma xcom ta pasel; ya yich' tselel c'axel carreta ta sba, jich ya xwuy loq'uel spat, ma'yuc ba ya stsacot ta juch'el te site.