Jeremías 10:23 - Bible in Tzeltal de Oxchuc y Tenejapa

²³ “Cajwal, ya jna' te ants-winiquetic te ma yu'unuc te xcuxlejalique, ma ja'uc ya spas mandal te bit'il ya xbajt' ta loq'uel te xcuxlejale.

Bible in Tzeltal Bachajón

²³ Jna'oj, Jehová, te ants-winic ma ha'uc scuentahinej te be yu'une, ma ha'uc yu'un te ya yal banti ya xbehen.

Jeremías 10:23 Referans Kwoze

Proverbios 20:24

Te Cajwaltic ja' ya stojtes ta beel te ants-winiquetic; ma'yuc mach'a ya sna' stojol te bi yilel ya xc'ote.

Proverbios 16:1

Ay bila ay ta swentaic xchapel te ants-winiquetique; pero Cajwaltic, ay ta swenta yalel ta slajibal teme ya xc'ot ta pasele.

Salmos 37:23

Te Cajwaltic ja' me ya stojtesbey yacan ta beel te ants-winique, ya yac'bey st'un bael te be te ya smulan stuquele.

Salmos 17:5

Jun co'tan jt'unojbat ya caiy te abe; ma'yuc bay quijq'uitayejbat ta ch'uunel te amandale.

Proverbios 3:6

Ta spisil te bitic ya apase, ja'uc me ay ta awo'tan te Cajwaltique, ja' me ya yic'at bael ta tojil be stuquel.

Proverbios 16:9

Te ants-winiquetic ay ta swentaic te bila ya xchapique; ja'uc me to, ja' me ya xtojtesotic ta spasel yu'un te Cajwaltique.

Isaías 26:7

Te be yu'un te mach'atic toj yo'tanique toj nax ay; ja'at, Cajwal, ya apamanbey te sbe.

Daniel 5:23

Pero ma jichuc la apas. Ja'at te muc' ajwalilate, la alaban te Cajwaltic te ay ta ch'ulchane, melel la aticun ta ich'el tel ta amesa te vasoetic soc te muc'ul tazaetic yu'un templo ta Jerusalén. Ja'at soc te mach'atic ic'bil awu'une la awuch'ic vino a, soc la awalbey yutsil sc'oplal diosetic a te pasbil ta oro, ta plata, ta bronce, ta hierro, ta te' soc ta ton, ja'ic te ma xyilic q'uinal, te ma xyaiyic c'op, soc te ma'yuc bi ya sna'ique. Yan te Dios yich'ojbat ta sc'ab acuxlejal te ja'at te muc' ajwalilate, soc te ja' nax ta swenta stuquel te ay bila ya xju' awu'un spasele, ma ba ya awalbey yutsil sc'oplal stuquel.