Jeremías 10:22 - Bible in Tzeltal de Oxchuc y Tenejapa

²² “Aiya awaiyic, ay c'op jul tel, mero tulan nax ya xtal soc sc'opic te jpam lum ay ta norte. Ya sc'atp'unic ta jochol taquin q'uinal te sq'uinal Judá, ja' nax ya x'ainic tey a te ja'mal ts'i'etique.

Bible in Tzeltal Bachajón

²² ¡A'iya awa'iyic, ay bin hul ta halel! Bayel xjuyet yac ta talel ta q'uinal ta stojol norte, yu'un ya sutp'inic ta jochol q'uinal te pueblohetic yu'un Judá, ha sna ha'mal ts'i'etic ya xc'oht.

Jeremías 10:22 Referans Kwoze

Jeremías 9:11

“Te Jerusalén, ya jc'atp'un ta jbus nax tontiquil; xch'en ja'mal ts'i'etic ya xc'ot. Ya jc'atp'un ta jochol taquin q'uinal te lumetic ta sq'uinal Judá; soc ma me ayuc yajwal ya xjil ta jyalel —xi' te Cajwaltique.

Malaquías 1:3

yan te Esaú ma lecuc co'tan yu'un stuquel. Te slumal Esaú witstiquil te sq'uinale; ja'uc me to, la jc'atp'un ta jochol taquin q'uinal. Jich te sq'uinal sts'umbal Esaú ja' nax lec yu'un yawil te ja'mal ts'i'etic —xi' te Cajwaltique.

Jeremías 6:22

Te Cajwaltic jich ya yal: —C'alal to ta c'ubul q'uinal ta norte, ya xchajban sba tel te nación te bayal yipe.

Jeremías 6:1

Ants-winiquetic ta sq'uinal Benjamín, leaic anjibal, ananic loq'uel ta Jerusalén. Oq'uesinaic oq'ues ta Tecoa, tejc'anaic jun señail ta Bet-haquerem, melel ay bila ma lecuc ya xtal soc muc' bila amen te ayix tel ta stojol norte.

Jeremías 5:15

Te Cajwaltic ya yalbey xan sc'oplal: —Israel, ya me quic' tel yajwal lum te c'ubul ay, te ya scontroinat te ja'ate, ja' te jpam lum te tulan ta jyalel soc te mero namey q'uinale. Te ja'ate ma x'ana'bey te sc'ope, ma x'awaiy stojol te bila ya yalique.

Jeremías 4:6

Toyaic te bandera, tojlinaic bael a te lum Sión; leaic anjibal, ma me x'acom abaic. Melel ya xba quic' tel ta bay norte te mero muc' te bila amen ya xjinwane.

Jeremías 1:15

Jo'on Ajwalilon, smelelil ya calbeyex: Ya quic' tel spisil jmandalteswanejetic yu'unic te mach'atic ayic ta norte. Ya me xtalic te muc' ajwaliletic yu'unic, soc ya me yaq'uic smuc'ul nactijibic ta bay nix stojol yochibal Jerusalén, ta bay stojol sts'ajc'ul te ay ta sjoyobale, soc ta stojol spisil te lumetic yu'un Judá.

Isaías 34:13

Te palacioetic yu'unic ya xch'i tel ch'ixetic tey a; soc te tulanil ts'ajq'uetic yu'unic ya xch'i chic-ch'ixetic soc tsujc'um-ch'ixetic tey a. Ja' me yawilic ya xc'ot te ja'mal ts'i'e, soc ja' me ta bay ya xc'o ainuc te mutetic avestruz sbiilique.

Jeremías 1:14

Jich yu'un te Cajwaltic la yalbon: —C'alal ta stojol norte ya xmal tel te uts'inele, ya xmal tel ta stojol spisil yajwal te lume.

Jeremías 4:15

C'alal ta Dan soc ta ch'in witsetic yu'un Efraín ya xc'ot ta alel amen c'opetic tey a:

Jeremías 25:9

ya quic' tel spisil te lumetic ta norte, soc te cabat Nabucodonosor te muc' ajwalil yu'un Babilonia, swenta yu'un ya me xtal yac'beyic guerra in lum to, soc ta spisil te yajwale, soc ta spisil te nacionetic te ayic ta sts'eele. Ya me jin ta jc'axel. Ya me jc'atp'un ta jinem ts'ajq'uetic te ya yac' xiwel soc nijq'uel.

Jeremías 49:33

Te Hazor jochol ya xjil sbajt'el q'uinal, sna ja'mal ts'i'etic ya xc'ot. Ma'yuquix mach'a ya xbajt' ta nainel tey a, soc ma'yuc mach'a ya xc'ax —xi'.

Lamentaciones 1:4

Mel-o'tantic nax sba te beetic yu'un Sión, ma'yuc mach'a ya xtal ta q'uinetic. Te yochibal te lume jocholiquix; te sacerdoteetic ya x'oq'uic. Ma'yuc ta q'uinal ya yaiyic te ach'ixetique; te Jerusalén ch'auben yo'tanic.

Ezequiel 12:19

Albeya te yajwal te lumq'uinal, soc te yajwal Jerusalén, soc ta spisil te israeletique: “Jich ya yalbeyex te Cajwaltique: ‘Ay me awocolic ta xiwel a ya xwe'-uch'ex. Te lumq'uinal ya me yich' jinel, soc jochol me ya xjil ta swenta smuc'ul sc'ajc'al te yajwale.

Jeremías 2:15

¿Bi yu'un ya snutsic jichuc león-chojetic te tulan nax ya x'awunic ta jyalele? Ma'yuc yutsil la yijq'uitaybeyic jilel te slumale; te lumetic yu'unique la yich' chiq'uel, soc ma'yuquix mach'a jil tey a.