Jeremías 10:21 - Bible in Tzeltal de Oxchuc y Tenejapa

²¹ Te j'alwanej ya yal: —Te jcanan-chijetic yu'un te lum, ma sna'ic q'uinal; ma sleic te Cajwaltique. Ja' swentail te la staiquix falta, melel pujq'uemiquix bael ta spisil te chijetic yu'unique.

Bible in Tzeltal Bachajón

²¹ Te jcanan-tuminchijetic ma sna'ic q'uinal, ma ba ya slehic te Jehová; ha yu'un ma ba ya stahic yutsil slequilic soc puhquemiquix bahel spisil te tuminchijetic yu'unique.

Jeremías 10:21 Referans Kwoze

Jeremías 12:10

Bayal jtsobwanej-controinwanejetic la sjinbonic te ts'usubile, la spech'bonic jilel ta teq'uel. La sc'atp'unbonic ta jochol taquin q'uinal, ja' te q'uinal te jmulanej ta leque.

Zacarías 13:7

Te Cajwaltic te Spisil ya xju' yu'un jich ya yal: —Puñal, jajch'an ta swenta scontroinel te jcanan cu'une, swenta scontroinel te abat cu'une. Mila te jcanane, te chijetic ya me xpujq'uic bael, te jo'one ya me x'ochon ta scontroinel te alal chijetique.

Zacarías 10:3

Ja' yu'un jich ya yal te Cajwaltique: —Til jajch'el sc'ajc'al co'tan ta stojolic te jcananetique; ya me cac'bey castigo te j'ic'awetic yu'un te lum cu'une —xi'. Te Cajwaltic te Spisil ya xju' yu'un, ya me scanantay te chijetic yu'un, ja' te patil alnich'anetic yu'un Judá. Ja' me mero tulan caballoetic yu'un ya xc'otic swenta guerra.

Ezequiel 34:12

Te jcanan-chij bayal sc'oplal ta yo'tan stsobel tel te chijetic yu'un teme pujq'ueme. Jich me bayal sc'oplal ta co'tan te chijetic cu'une. Ya me jcoltay loq'uel te banti pujq'uemic bael te jun c'aal ijc'uben q'uinal yu'un te bayal tocale.

Jeremías 10:8

Spisilic, bol yo'tanic, ma'yuc ni jtebuc sp'ijilic. Ma xju' ya sp'ijubtesex te smajc'alel te'e.

Jeremías 8:9

Ja'uc me to, te p'ijic ta sc'opique, peq'uel me ya xjilic. Ya me xnijc' yo'tanic, jichuc chambalametic te ya x'ochic ta pejts'e. ¿Banti ay te sp'ijilic, te bit'il ma la sc'anbonic te jc'ope?

Jeremías 2:8

Te sacerdoteetic ma la sleonic, te jp'ijubteswanejetic yu'un te lum cu'une, ma la yich'onic ta muc', te jtsobwanejetic la stoy sbaic ta jtojol, te j'alwanejetic ja' c'opojic ta swenta Baal soc bajt'ic ta stojol te loc'ombaetic te ma xtuunic ta jyalele.

Jeremías 50:17

“Te Israel jich c'oem te bit'il chij te ch'ayeme, te nutsbil ta jyalel yu'un te león-chojetique. Ta sbabial ja' la sti'bey sbaq'uetal c'oem te muc' ajwalil yu'un Asiria; ta patil te muc' ajwalil yu'un Babilonia, ja' la snulbeyix ta c'uxel c'oem te sbaquele.

Jeremías 49:32

Elc'anbeyaic te scamelloic soc spisil te xchamsbalamique. Ya me jpuc bael ta bayuc ta juju-jejch' q'uinal te winiquetic te ya xjox xujc' xchiquinic; spisil ta juju-jejch' ya me cac'bey tel jinel ta stojolic. Jo'on Ajwalilon, jich ya cal.

Jeremías 10:14

Bol yo'tanic, ma sna'ic q'uinal ta spisil te ants-winiquetique. Te mach'a ya spas te loc'ombaetic ya me sta q'uexlal yu'un; melel puro lo'laywanej te yat'ele, ma ba cuxul te loc'omba ya spase.

Jeremías 5:31

Te bila ya yalbey sc'oplal te j'alwanejetic ta sc'opique, lotil; te sacerdoteetic ja' ya yaq'uic ta pasel te bila ya smulanique. ¡Te lum cu'une jich nix ya sc'anic! Ja'uc me to, “¿bi ya apasic ja'ex c'alal ya xc'ot te slajibal c'aale?” uta me —xi' te Cajwaltique.

Jeremías 22:30

Te Cajwaltic jich ya yal: —Ts'ibubeya sbiil ta lista in winic to ta bay ya x'ich'ot ta wenta te ants-winiquetic, albeya sc'oplal te ma'yuc snich'ane, jich bit'il winic te la sta falta. Melel ni jtuluc sts'umbal te ya xc'o najc'ajuc ta smuc'ul nactijib David, yu'un ya x'och xan ta ajwalil ta Judá —xi' te Cajwaltique.