Jeremías 10:15 - Bible in Tzeltal de Oxchuc y Tenejapa

¹⁵ Ma'yuc sc'oplal stuquel, swenta tse'luyel ayic; ta yorail chajbanel yu'un Cajwaltic ya me sjin.

Bible in Tzeltal Bachajón

¹⁵ Ma xtuhun, tojol a'tel; ta yorahil yich'el castigo, ya xlaj.

Jeremías 10:15 Referans Kwoze

Jeremías 14:22

¿Ay laj bal ta yolilic te lotil diosetic te ay jtuluc te ya xju' yu'un yaq'uel tel te ja'ale? ¿Stuquel nax laj bal ya sticun tel chawuquil ja'al te ch'ulchane? Ma jichuc, Cajwal, Dios cu'untic. Ja'at nax atuquel te ya aticun tele, ja'at nax atuquel te ya apas ta spisile; jich yu'un ya jmaliytic te bi ora ya awac'botique.

Isaías 41:24

Ja'uc me to, te ja'exe ma'yuc atuulic ta jyalel, ma'yuc bi ya xju' awu'unic. Ch'ayemic te mach'atic la stsaex sdiosinexe.

Jeremías 51:18

Ma'yuc sc'oplal stuquel, swenta tse'luyel ayic; ta yorail chajbanel yu'un Cajwaltic ya me sjin.

Zacarías 13:2

Ta spisil te lumq'uinale jc'axel me ya jinbey sbiil te loc'ombaetic, swenta yu'un ma ba ya yich'iquix c'oponel a. Soc ya me jloq'ues ta lumq'uinal te j'alwanejetic yu'unic, soc spisil te amen nopjibaletique. Jo'on Ajwalilon te jich caloje.

Jonás 2:8

Te mach'atic ya xch'uunic te loc'ombaetic, jich ya xchebaj yo'tanic ta atojol;

Jeremías 8:19

Te yawic ta woclajel te jlumale, ya xchicnaj ta bayuc ta spamal te q'uinale: —¿Ma bal tey ayuquix a te Cajwaltic ta Sión? ¿Ma bal tey ayuquix a te muc' ajwalil yu'une? —xi'. Te Cajwaltic la sjojc'o: —¿Bi yu'un la awac'onic ta q'uexlal te bit'il la ach'uunic te loc'ombaetique, te yantic diosetic te ma'yuc yutsilic ta jyalele? —xi'.

Jeremías 8:12

Ya me sc'an ya xq'uexawex yu'un te yacalex ta spasel te bila ma sts'ijq'uix cu'une; ja'uc me to, ma'yuc q'uexlal ta yo'tanic, maniwan ya sna'ic te bila a te q'uexlale. Jich yu'un te c'alal ya cac'bey castigo, ya me sc'ojch'in yacan, ya me xyalic jich bit'il te yantique. Jo'on Ajwalilon te ya cale”, uta me —xi' te Cajwaltique.

Hechos 14:15

—Winiquetic, ¿bistuc te jich ya apasique? Melel te jo'otique winicotic uuc jich te bit'ilexe. Ja' tal calbeyex te ya awijq'uitayic ta pasel te bila xujt' ma'yuc stuule soc te ya asujt'es awo'tanic ta stojol te cuxul Dios te ja' la spas te ch'ulchane te balumilale te mare soc spisil te bitic ay tey a.

Jeremías 10:11

(Ja'ex, israeletic, albeyaic te mach'atic ma'yuquic ta stojol te Diose: —Te diosetic, te ma ja'uc la spasic te ch'ulchan balumilal, ya me xch'ayic ta jc'axel ta balumilal; ni jtuluc ma xjilic ta yet'al ch'ulchan —xaex me.)

Jeremías 10:8

Spisilic, bol yo'tanic, ma'yuc ni jtebuc sp'ijilic. Ma xju' ya sp'ijubtesex te smajc'alel te'e.

Isaías 41:29

Ma'yuc bi ayic a, ni jtebuc. Ma'yuc bi ya xju' yu'unic spasel; jocholic, yolq'uinal loc'ombaetic.

1 Samuel 12:21

Ma xach'uunic lotil diosetic te melel ma'yuc bi ya yac'beyex soc ma xcoltaywan, melel ma Diosuc stuquelic.

Deuteronomio 32:21

La yac'bonic bolobuc co'tan ta stojolic, ta scaj te la sdiosinic te bila ma diosuque, la yaq'uic ilinucon ta stojolic yu'un te loc'ombaetic yu'unique. Ja' yu'un ya me jachbey yo'tanic ta swenta jyanlumetic, ja' te mach'atic ma lumuque, ya me cac' ilinuc yo'tanic ta swenta jpam lum te ma'yuc bila ya xc'ot ta yo'tanique.

Jeremías 18:15

Ja'uc me to, te lum cu'une ch'ayon ta yo'tanic, soc ya yac'bey pom te lotil diosetique. Jowejemic ta be, ja' te antiguo be, soc ja' st'unojic chujc'ul be te ma sna'beyic sbae.

Oseas 9:7

C'otix yorail te castigoe; c'otix yorail te ya x'ac'bot stoj te smulique. Israel ya me sna' te c'otix yorail castigo. Ya awalic ja'ex: —Te j'alwanej ma sna' q'uinal. Te winic te c'opoj ta yo'tan te Diose, soquem sjol —xaex me. Jich ya awalic, yu'un te nojel mulil ta awo'tanique, melel te slab awo'tanique c'ax muc' ta jyalel.

1 Samuel 5:4

Pero ta xchebal c'aal c'otic yan buelta te yajwal Asdod. Ja' nix jich ch'ayem coel ta lum yan buelta a c'o staic, ta elawal yu'un te scajonil trato yu'un te Cajwaltique. Te sjole soc ta xchebal te sc'abe c'asemix, ayic ta sba te sts'ajc'ul scajtijib sti' te templo yu'une. Ja' xanix wolol jilel te smuc'ule.

Salmos 115:9

Lum Israel, ja' ac'a smuc'ulin awo'tanic te Cajwaltique; ja' ya scoltayotic soc ja' jmajq'uiltic.

Isaías 57:12

Ja'uc me to, ya jpucbat te ac'oplale, te acuyoj aba te mero tojate.

Jeremías 43:12

Ya me xchic'bey jilel te temploetic yu'un te lotil diosetic ta Egipto, soc ya yich' chiq'uel jilel te lotil diosetique, o ya x'ich'ot bael jichuc jchuqueletic. Ya me sloq'uesbey sbiluc te sq'uinal Egipto, jich bit'il jtul jcanan-chij ya sloq'uesbey sac-uch'il te sc'u'e, soc jich me ya xbajt' ta ora, ma me ayuc mach'a ya xcomot yu'un.

Jeremías 50:2

—Alaic ta bayuc te c'ope, ac'beyaic sna' stojol te nacionetique. Tejc'anbeyaic señail te c'ope; ma me xanaq'uic. Alaic jich bit'il to: “¡Te Babilonia ochix ta c'abal! Te lotil dios Bel la yich'ix tse'luyel; te lotil dios Merodac nojel nax q'uexlal ta stojol. Te loc'ombaetic yu'unic, ja' te diosetic yu'unique, la yich'ic jilel tse'luyel soc nojel q'uexlal ta stojolic”, xaex me.