Jeremías 10:14 - Bible in Tzeltal de Oxchuc y Tenejapa

¹⁴ Bol yo'tanic, ma sna'ic q'uinal ta spisil te ants-winiquetique. Te mach'a ya spas te loc'ombaetic ya me sta q'uexlal yu'un; melel puro lo'laywanej te yat'ele, ma ba cuxul te loc'omba ya spase.

Bible in Tzeltal Bachajón

¹⁴ Spisil ants-winiquetic sonsohic, ma sna'ic q'uinal; spisil te j'ultesej-taq'uin ya xq'uexawanic yu'un te loc'omba yu'une; como lotil te bin spasoje, ma ba cuxul.

Jeremías 10:14 Referans Kwoze

Jeremías 10:8

Spisilic, bol yo'tanic, ma'yuc ni jtebuc sp'ijilic. Ma xju' ya sp'ijubtesex te smajc'alel te'e.

Isaías 42:17

Te mach'atic ja' smuc'ul yo'tanic te loc'ombaetique, soc teme ay yajcananic ya yalbeyic: “Ja'ex me te diosex cu'untique”, teme xiic ta stojolique, ya me sq'uej sbaic bael yu'un q'uexlal abi.

Isaías 45:16

Spisilic te mach'atic ya spasic loc'ombaetic ya me xq'uexawic yu'un; peq'uel me ya xjilic soc ma'yuc sc'oplalic ya xc'otic.

Salmos 97:7

Ma'yuquic ta q'uinal ya yaiyic te mach'atic xch'uunejic te loc'ombaetic, ja' te mach'atic stoyoj sbaic yu'une. Spisil te bitic cuybil ta Dios ya stinan sbaic ta stojol.

Isaías 44:11

Spisil te mach'atic ya xch'uunique, ya xq'uexawic yu'un. Te mach'atic yat'elinejic spasel te loc'ombaetique, winiquetic nax. Teme spisilic ya x'ochic ta tejc'anel ta ich'el ta c'op, peq'uel me ya xjilic, soc ya me xq'uexawic yu'un ta c'axem to xan.

Salmos 14:2

Te Cajwaltic c'alal to ta ch'ulchan ya yil te ants-winiquetique; ja' yac ta yilel te ayuc mach'a ya xc'ot ta yo'tan, te ayuc mach'a ya sle te Diose.

Salmos 92:6

Ja' nax te mach'atic ma sna'ic q'uinal, ma xc'ot ta yo'tan stuquelic.

Salmos 94:8

C'otuc ta awo'tanic, ja'ex ants-winiquetic te jich nax ayex ta q'uinal, te ma'yuc bi ya xc'ot ta awo'tanique. ¿Bi ora ya ana'ic stojol?

Proverbios 30:2

Jo'on te mero bolon yu'un spisil a te winiquetique; ma'yuc p'ijilil jtaoj ta q'uinal.

Romanos 1:25

La sc'atp'unic te smelelil c'op yu'un te Diose; ja' la xch'uunic te lotil c'ope. Jich la yich'ic ta muc' soc la slajin sbaic ta stojol te bila pasbil yu'un te Diose. Ma ja'uc la slajin sbaic ta stojol te mach'a Jpaswaneje, te ja' ay ta ich'el ta muc' sbajt'el q'uinale. Jichuc.

Jeremías 10:5

Te yajcananic pajal soc xutax yilel te ay ta bay ts'unajtic te melonetique; ma xju' xc'opojic, soc ya sq'uechic ta beel, melel ma xbeenic. Ma me xiwex yu'un, ni ma'yuc bila amen soc ni ma'yuc bila lec ya spas —xi' te Cajwaltique.

1 Samuel 5:4

Pero ta xchebal c'aal c'otic yan buelta te yajwal Asdod. Ja' nix jich ch'ayem coel ta lum yan buelta a c'o staic, ta elawal yu'un te scajonil trato yu'un te Cajwaltique. Te sjole soc ta xchebal te sc'abe c'asemix, ayic ta sba te sts'ajc'ul scajtijib sti' te templo yu'une. Ja' xanix wolol jilel te smuc'ule.

Isaías 57:12

Ja'uc me to, ya jpucbat te ac'oplale, te acuyoj aba te mero tojate.