Jeremías 10:12 - Bible in Tzeltal de Oxchuc y Tenejapa

¹² Te Cajwaltic, ta yu'el la spas te lumq'uinale; ta swenta sp'ijil, tulanajem yu'un te balumilale; ta swenta sp'ijil yo'tan, la slim bael te ch'ulchane.

Bible in Tzeltal Bachajón

¹² Dios la spas ta yu'el te lumq'uinal, ta scuenta sbihil la ya'be yich' yip te bahlumilal soc ta scuenta sp'ijil yo'tan la slim bahel te ch'ulchane.

Jeremías 10:12 Referans Kwoze

Job 9:8

Stuquel la slim bael te ch'ulchane, ma'yuc mach'a coltayot yu'un; stuquel ju' yu'un stec'beyel yip te muc'ul chambalam ta mare.

Génesis 1:1

12Ta xjajch'ibal Dios la spas spisil te bitic aye, ch'ulchan balumilal.

Proverbios 3:19

Te Cajwaltic ta swenta sp'ijil yo'tan la yac'bey yiptajib te balumilale; soc ta swenta sp'ijil sjol la yac' chicnajuc te ch'ulchan.

Isaías 40:22

Te Diose ay smuc'ul nactijib ta sba sjamalul te ch'ulchane; jich ta ilel yu'un ants-winiquetic te bit'il ch'in yaxal c'ulubetic. Jich ya slim bael ch'ulchan te bit'il paq'ue, jich ya sjam bael te bit'il nailpac'.

Colosenses 1:16

Ja' ta swenta Cristo te la xchicnantes spisil a te Diose, te bitic ay ta ch'ulchane soc te bitic ay ta balumilale, te bila chican ta ilele soc te bila ma chicanuc ta ilele, jich bit'il te jmandalteswanejetic, soc ajwaliletic, soc te mach'atic tulan yat'el yich'ojique, soc spisil te mach'atic ay yu'elique. Spisil la yich' chicnantesel ta swenta te Cristoe, soc spisil ay ta swenta stuquel.

San Juan 1:3

Ja' ta swenta stuquel te bit'il chicnaj spisil te bitic aye; xujt' ma'yuc te ma ja'uc pasbil ta swentae.

Salmos 24:2

Melel te Cajwaltic, ja' la yac'bey yiptajib te balumilale, la yac' ta sba te maretic soc ta sba ja'etic.

Zacarías 12:1

Ja' in to, ja' sc'op Cajwaltic te la yalbey sc'oplal Israel. Ja' te Cajwaltic te la slim bael ta pasel te ch'ulchan, soc te la yac'bey yiptajib te lumq'uinale, soc te la yac'bey xcuxlejal te ants-winiquetique, tulan ya yal:

Jeremías 32:17

—Ja'at Cajwal, ta smuc'ul awu'el la achicnantes ta pasel ch'ulchan balumilal. Ma'yuc bila ma xju' awu'un atuquel.

Jeremías 10:13

Ta swenta sc'op chawuc ya xc'opoj te ja' ay ta ch'ulchane, ya yac' xmo bael tocal c'alal ta sti'il balumilal, ya yac' xlem te tsantsewaletic ta yolil te ja'ale, ya sloq'ues tel ic' te bay q'uejbil yu'une.

Isaías 49:8

Te Cajwaltic ya yal: —Ja' yorail a te ya caiybat stojol te ac'ope; soc ja' yorail colel a te ya jcoltayate. Jo'on ya jcanantayat. Ja' ya cac'bat ta awenta te trato cu'un soc te lume, ta swenta spasel xan te lumq'uinale, swenta yu'un ya yu'uninic xan te lumq'uinal te jineme.

Isaías 48:13

Ta jc'ab la cac'bey sta yip te balumilale, ta jc'ab la jlim bael te ch'ulchane; te c'alal la calbey sbiil, jich jajch'ic ta chicnajel.

Isaías 45:18

Te jchicnanteswanej yu'un te ch'ulchane, ja' te Dios te Ajwalil stuquele, ja' te la spas te lumq'uinal soc te la xchajban, ja' te tulan la snajc'ane, te mach'a la xchicnantese, ma yu'unuc la sc'an te jochol ya xjile, ay me yajwal ya xc'ot, jich ya yal: —Jo'on Ajwalilon, ma'yuc yan.

Isaías 45:12

Jo'on la jchicnantes te balumilal soc te yajwale, la jlim bael ta jc'ab te ch'ulchane, soc la cal mandal te ya xchicnaj spisil te bitic xlemlajanic ta ch'ulchane.

Isaías 44:24

Te Cajwaltic jich ya yalbat, ja' te J'ac'wanej ta libre awu'une, te la xchicnantesat te c'alal ma to x'ayinat a: —Jo'on Ajwalilon, te la jchicnantes spisil te bitic aye; jo'on la jlim bael te ch'ulchane, soc la jtulantes te balumilale, ma'yuc mach'a la scoltayon.

Isaías 42:5

Te Cajwaltic Dios, ja' la xchicnantes te ch'ulchane, la slim bael jichuc pac'. La xchajban te balumilal soc te bitic ya xch'i tey a; ja' ya yac'bey xcuxlejal soc ja' la yac'bey yich' ic' te ants-winiquetic te nainemic tey a. Jich ya yalbey te yabate:

Salmos 104:24

Cajwal, ma p'isbiluc nax te bitic apasoje. Ta spisilic la apas soc sp'ijil awo'tan; nojelic ta balumilal spisil te bitic la achicnantese.

Salmos 33:6

Te ch'ulchan soc spisil te bitic ay yu'une, ja' la spas te Cajwaltic ta swenta sc'op soc ta swenta ic' te loc' ta yee.

Proverbios 30:4

¿Mach'a moem soc coem tel ta ch'ulchan? ¿Mach'a ya xju' yu'un scomel te ic' ya stsac ta sc'abe? ¿Mach'a ya spots ta snajt'il c'u' te mare? ¿Mach'a la xchajban ta bay c'oem sti'il te balumilale? Ma me xawalbon te ya ana'bey sbiil soc sbiil te snich'ane.

Salmos 119:90

Jun awo'tan ta jtojoltic sbajt'el q'uinal; ja'at la atulantes te lumq'uinal, jich tulanaj jilel.

Salmos 78:69

La spas jajch'el buen toyol templo, jich te bit'il ch'ulchan; stalel la yac' tey a, jich te bit'il lumq'uinal stalel aye.

Job 26:7

Dios la slim bael te ch'ulchan, soc la sjijp'an ta yol q'uinal te balumilale.

Salmos 104:2

potsolat ta axojobil, jich c'oem te bit'il ac'u'e. Ja'at la alich' bael jichuc pac' te ch'ulchane;

Salmos 93:1

Te Cajwaltic ja' muc' ajwalil. Te Cajwaltic sc'u'inej yutsilal soc joytaybil ta yu'el. Ja' la yac'bey yiptajib te balumilal swenta yu'un ma stij sba.

Génesis 2:5

ma to ayuc ta lumq'uinal spisil ta jchajp te te'etic wamaletic, melel te Cajwaltic Diose ma to bay ya yac' tel ja'al ta balumilal a, soc ma to ayuc winic te ya x'at'ej ta lumq'uinale.

Job 37:18

¿Ya bal xju' awu'un ya acoltay ta slimel bael ch'ulchan te Diose? ¿Jich bal tulan ya xjil awu'un te bit'il lejch'el taq'uine?

Isaías 37:16

—Cajwal te Spisil ya xju' awu'une, Diosat yu'un Israel te tey ay amuc'ul nactijib ta sba te querubinetic, ja'at nax Diosat atuquel, yu'un ay ta awenta spisil te mach'atic ya xmandalaj ta balumilal; ja'at la achicnantes ch'ulchan balumilal.

Jeremías 10:16

Mero yan yilel stuquel a te Dios yu'un Jacob, jchicnanteswanej yu'un spisil te bitic aye. La stsa Israel te mero yu'un stuquele. “Ajwalil te Spisil ya xju' yu'un”, xi' te sbiile.

Jeremías 27:5

Ta smuc'ul cu'el la jpas te balumilale, soc te ants-winiquetic soc te chambalametic te ayic tey a, soc ya xju' ya cac'bey te mach'a ya sc'an co'tane.

1 Crónicas 16:26

Te diosetic yu'unic te jyanlumetique ma'yuc sc'oplal stuquelic; ja'uc me to, te Cajwaltic la spas te ch'ulchane.

Salmos 65:7

Ja'at ya acom te c'alal ya xjajch' niletel yip te ja'e, soc te c'alal ya xjajch' ch'inlajanel yajwal te lumetique.

Jeremías 14:22

¿Ay laj bal ta yolilic te lotil diosetic te ay jtuluc te ya xju' yu'un yaq'uel tel te ja'ale? ¿Stuquel nax laj bal ya sticun tel chawuquil ja'al te ch'ulchane? Ma jichuc, Cajwal, Dios cu'untic. Ja'at nax atuquel te ya aticun tele, ja'at nax atuquel te ya apas ta spisile; jich yu'un ya jmaliytic te bi ora ya awac'botique.