Jeremías 1:8 - Bible in Tzeltal de Oxchuc y Tenejapa

⁸ Ma me ayuc mach'a ya axi' jtuluc, joinejat me, ya me xc'opojon awu'un. Jo'on Ajwalilon te jich ya cale —xi'.

Bible in Tzeltal Bachajón

⁸ Ma me xiwat ta stojolic, como joquinejat yu'un ya jcoltayat, xchi te Jehová.

Jeremías 1:8 Referans Kwoze

Josué 1:5

Ma'yuc mach'a ya stsalat te jayeb c'aal cuxulate. Jich bit'il la join te Moisés, jich nix ya joinat te ja'ate, ma xquijq'uitayat soc ma ba ya jpijt'esat.

Josué 1:9

Jo'on me te ya calbat te ma xiwate, soc te ya apas tulane. Ma me xiwat, soc ma me xpejc'aj awo'tan, melel jo'on Ajwalilon te Dioson awu'une, ya me joinat bayuc ya xbaat —xi' te Diose.

Isaías 51:7

“Aiybon awaiyic stojol ja'ex, te ya ana'ic te bila toje, te ay sc'oplal ya xc'ot ta awo'tan te p'ijubtesel cu'une. Ma me x'axi'ic te bolc'optayel yu'un te ants-winiquetique; ma xawac' abaic ta pejc'anel yu'un te yixta-c'opique.

Deuteronomio 31:6

Ma me xiwex, soc ayuc me yip awo'tanic. Ma me xnijc' awo'tanic soc ma me xpejc'aj q'uinal awaiyic te c'alal ya atsac abaic soque, melel te Cajwaltic Dios sjoinejex me, ma ba ya yijq'uitayex soc ma ba spijt'esex —xi' te Moisese.

Hechos 4:13

Te jwolwanejetic la yilic te ma ba yacalic ta xiwel te Pedro te Juane, soc la sna'ic te ma'yuc banti p'ijubtesbilic ta yilel te june, soc te joch-winiquetic naxe. Jich bayal ayan yo'tanic yu'un, soc la sna'ic te ma'yuc banti p'ijubtesbilic ta leque soc te joch-winiquetic naxe.

Deuteronomio 31:8

Ja' nix me te Cajwaltic te ya xneelaj bael ta atojole, soc ya me sjoinat spisil ora. Ma ba ya yijq'uitayat soc ma ba ya spijt'esat. Ja' yu'un, ma me xiwat, ma me xyu'uninat xiwel —xi' te Moisese.

Éxodo 3:12

La sjac' te Diose: —Ya me joinat te bit'il jo'on ya jticunate. Jich me ya ana' stojol a, te c'alal loq'uix tel ta Egipto awu'un a te lum cu'une, apisilic li' me ya xtal aquejan abaic ta jtojol ta bay wits to —xi'.

Hechos 18:10

melel joinejat. Ma'yuc mach'a ya xyal sc'ab te ay bila amen ya spasbate, yu'un ay bayal ta jtul te mach'a cu'un li'to ta bay in lum to —utot yu'un.

Isaías 43:2

Teme ay ya xc'axat ta mar, tey me ayon ta atojol; teme ay ya at'un c'axel muc'ja', ma ba ya ajic'an. Teme ay ya xc'axat ta c'ajc', ma ba ya xc'ajc'at; ma ba ya xchic'at te c'ajq'ue.

Hechos 26:17

Ya me jcoltayat ta sc'ab te alumale soc ta stojol uuc te jyanlumetique, te ja' ya jticunat bael ta stojolique.

Hechos 4:29

Ta ora to, Cajwal, ya me awilbotic te bila yalojbotic ta tulan mandale, soc ya me awac'botic stulanil co'tantic, jo'otic te awabatotic, te manchuc ya xiwotic ta yalel te ac'ope.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

San Mateo 10:26

“Jich yu'un ma me x'axi'ic te j'uts'inwanejetique, melel ma'yuc bila nac'al te ma xyich' chicnantesele, soc ma'yuc bila muquen te ma x'ac'ot ta na'el stojole.

Jeremías 20:11

Yan te ja'at Cajwal, ajoinejon jich bit'il jtul guerra-winic te ma'yuc ta tsalele. Te mach'atic ya snutsonique, ya me xyalic, jich ma'yucon ta tsalel yu'unic. Ma'yuc bi ya xju' yu'un, ja' nax ya xjilic ta q'uexlal; peq'uel ya xjilic ta jyalel, ma xch'ay ta na'el sbajt'el q'uinal.

Jeremías 1:17

Te ja'ate, chajbana aba, ich'a smuc'ul awo'tan; baan soc albeya spisil te bila ya calbate. Ma me x'axi', melel teme jich ya apase, jo'on ya cac' te ya xnijc'at ta stojolic abi.

Isaías 51:12

Ya yal te Cajwaltic: —Jo'on nix me ya jmuc'tesbat awo'tan. ¿Mach'a ya awaiyic a te ya axi'e? ¿Ja' bal te winiquetique? ¿Ja' bal te winiquetic ya xlajic, te jich nax c'oemic te bit'il aque?

Efesios 6:20

Dios sticunejon ta c'op ta stojol te ants-winiquetique. Ja' swentail te ayon ta chuquel ta cadena ta ora to. C'oponbonic Dios te ma ba xiw co'tan ta xcholele.

Jeremías 1:19

Ja'ic ya yac'bat guerra, pero ma xju' yu'unic te ya stsalat, melel ya joinat soc ya jcanantayat. Jo'on Ajwalilon te ya cal te jc'ope —xi' te Cajwaltique.

Jeremías 30:11

Jo'on Ajwalilon, jich ya cal, joinejat swenta yu'un ya jcoltayat. Ya me jin spisil te nacionetique, ja' te bay la jpuquex baele. Yan te ja'ate ma ba ya jinat; ja' nax ya cac'bat castigo jich te bit'il ya sc'an te awat'ele; ma me jichuc nax ya quijq'uitayat jilel te ma xcac'bat castigo —xi' te Cajwaltique.

Jeremías 39:11

Te muc' ajwalil Nabucodonosor yu'un Babilonia la yalbey mandal te Nabuzaradán, comandante yu'un te jcanantaywanejetique ta swenta Jeremías:

Jeremías 42:11

Ma x'axi'ic te muc' ajwalil yu'un Babilonia, te bayal ay ta xi'el awu'unique. Ma me x'axi'ic, melel joinejex ta jcoltabelex, soc ya jloq'uesex ta sc'ab. Jo'on Ajwalilon, jich ya cal.

Daniel 3:17

Melel te jo'otique, ay Dios cu'untic te ch'uunbil cu'untique. Te Dios cu'untic ja' me ya scoltayotic ta c'ajc' ta horno, soc ta spisil te bitic amen ya ac'an ya apas ta jtojoltique. Ya me scoltayotic stuquel.

Daniel 3:25

—Pero yacon ta yilel chaneb winiquetic, colemiquix, yacalic ta beel ta yolil te c'ajq'ue, ni xujt'uc ya xchic'otic yu'un te c'ajq'ue. Te xchanebale, pajal soc ch'ul abat yilel —xi'.