Jeremías 1:19 - Bible in Tzeltal de Oxchuc y Tenejapa

¹⁹ Ja'ic ya yac'bat guerra, pero ma xju' yu'unic te ya stsalat, melel ya joinat soc ya jcanantayat. Jo'on Ajwalilon te ya cal te jc'ope —xi' te Cajwaltique.

Bible in Tzeltal Bachajón

¹⁹ Ya me ya'bat guerra, pero ma ba ya stsalat, como ya joquinat yu'un ya cac'at ta libre, xchi te Jehová.

Jeremías 1:19 Referans Kwoze

Josué 1:9

Jo'on me te ya calbat te ma xiwate, soc te ya apas tulane. Ma me xiwat, soc ma me xpejc'aj awo'tan, melel jo'on Ajwalilon te Dioson awu'une, ya me joinat bayuc ya xbaat —xi' te Diose.

Jeremías 1:8

Ma me ayuc mach'a ya axi' jtuluc, joinejat me, ya me xc'opojon awu'un. Jo'on Ajwalilon te jich ya cale —xi'.

Jeremías 20:11

Yan te ja'at Cajwal, ajoinejon jich bit'il jtul guerra-winic te ma'yuc ta tsalele. Te mach'atic ya snutsonique, ya me xyalic, jich ma'yucon ta tsalel yu'unic. Ma'yuc bi ya xju' yu'un, ja' nax ya xjilic ta q'uexlal; peq'uel ya xjilic ta jyalel, ma xch'ay ta na'el sbajt'el q'uinal.

Salmos 129:2

bayal buelta ay mach'atic la yac'boniquix jwocol, pero ma ba ju'em yu'un stsalbelonic c'alal ora.

Jeremías 11:19

Jun nax co'tan ayon, jich bit'il chij te ya yiq'uic bael ta miljibal, mero ma la jna' teme yacalic ta xchapel jc'oplal ta controinele. La yalic: —Ya jbojtic te te' c'oem, te yich'oj yip ta spisil ora; ya jbultic loq'uel ta balumilal ta bay mach'atic te cuxajtique, swenta yu'un ma me ayuc mach'a ya sna' xan —xiic.

Hechos 26:17

Ya me jcoltayat ta sc'ab te alumale soc ta stojol uuc te jyanlumetique, te ja' ya jticunat bael ta stojolique.

Números 14:9

Ja'uc me to, ma me xatoy abaic ta stojol te Cajwaltic, soc ma me xiwex yu'un te yajwal q'uinale, melel te jo'otic ya me jlajintic jich bit'il ya jlajintic te jwe'eltique. Ma me ayuc mach'a ya xc'opoj yu'un stuquelic, yan te jo'otic ay ta coliltic te Cajwaltique. Ma me ayuc xiwel ta awo'tanic —xiic.

Jeremías 1:18

Jich me ya cac'at yo'tic te bit'il lum te ay tulan sts'ajc'ule, jich bit'il oy-taq'uin, jich bit'il ts'ajc' pasbil ta bronce. Jich tulan me ya awac' aba ta stojol spisil ta spamal sq'uinal Judá: ja' te muc' ajwaliletic yu'unic, te jtsobwanejetic soc te sacerdoteetic, soc spisil te yajwale.

Jeremías 2:1

Te Cajwaltic la sc'oponon, jich la yalbon:

Jeremías 30:11

Jo'on Ajwalilon, jich ya cal, joinejat swenta yu'un ya jcoltayat. Ya me jin spisil te nacionetique, ja' te bay la jpuquex baele. Yan te ja'ate ma ba ya jinat; ja' nax ya cac'bat castigo jich te bit'il ya sc'an te awat'ele; ma me jichuc nax ya quijq'uitayat jilel te ma xcac'bat castigo —xi' te Cajwaltique.

Jeremías 42:11

Ma x'axi'ic te muc' ajwalil yu'un Babilonia, te bayal ay ta xi'el awu'unique. Ma me x'axi'ic, melel joinejex ta jcoltabelex, soc ya jloq'uesex ta sc'ab. Jo'on Ajwalilon, jich ya cal.

Jeremías 46:28

Jo'on Ajwalilon, jich ya cal: Ma xiwat, lum Jacob, abat cu'un, melel joinejat. Ya jin spisil te nacionetique, ja'ic me te bay la jpuquex baele. Yan te ja'ate ma ba ya jinat; ja' nax ya awich' tojtesel cu'un jich bit'il ya sc'an te awat'ele. Ma me jichuc nax ya quijq'uitayat jilel, puersa ya cac'bat castigo —xi' te Cajwaltique.

Daniel 3:25

—Pero yacon ta yilel chaneb winiquetic, colemiquix, yacalic ta beel ta yolil te c'ajq'ue, ni xujt'uc ya xchic'otic yu'un te c'ajq'ue. Te xchanebale, pajal soc ch'ul abat yilel —xi'.

Jeremías 11:21

Te winiquetic ta Anatot la slebonic te jlajele, soc te la yalic mandal te ma me xc'opojon ta swenta te Cajwaltic, teme ma sc'an co'tan ya smilonique.

Jeremías 18:18

Te ants-winiquetic la yal: —Ya jchajbanbeytic sc'oplal ta ch'ayel ta jc'axel te Jeremías. Melel ay sacerdoteetic te ya sp'ijubtesotique, ni ma'yuc falta ta jtojoltic te mach'atic p'ijic te ya yac'botic jna'tic, ni ma spas falta j'alwanejetic te ya sc'asesbotic caiytic te bi ya yal te Diose. Ja' lec ya jlebetic smul, swenta yu'un ya me smilic te Jeremías. Ma me xquich'tic ta muc' te bila ya yale —xiic.

Jeremías 20:10

La caiy stojol te sajlajan ta c'op te ants-winiquetique: “Ay xiwel ta spisil ta bayuc”, xiic. Ya yalic: “La'ic, ya xba jlebetic smul”, xiic. Asta te jo'taque ya smaliy yilic te yacuc cal loq'uel jtebuc te lotil c'ope. Ya yalic: “Yacuc yac' sba ta lo'layel; jich me ya jtsaltic soc ya me jsutbeytic spacol”, xiic.

Jeremías 26:8

C'alal laj yo'tan ta yalel te bila albil yu'un Cajwaltic, te sacerdoteetic, te j'alwanejetic soc te lum la stsaquic, jich la yalbeyic: —¡Ya me xlajat!

Jeremías 39:17

Ja'uc me to, ya me xc'opojon awu'un, swenta yu'un ma x'ochat ta sc'abic te mach'atic ya axi'e. Jo'on Ajwalilon, jich ya cal.