Jeremías 1:17 - Bible in Tzeltal de Oxchuc y Tenejapa

¹⁷ Te ja'ate, chajbana aba, ich'a smuc'ul awo'tan; baan soc albeya spisil te bila ya calbate. Ma me x'axi', melel teme jich ya apase, jo'on ya cac' te ya xnijc'at ta stojolic abi.

Bible in Tzeltal Bachajón

¹⁷ Te ha'ate, chahpana aba, tehc'ana aba soc halbeya spisil te bintic ya calbat ta mandar. Ma me xiwat ta stojolic, yu'un teme yac axi'e, ya jxiwtesat ta stojolic.

Jeremías 1:17 Referans Kwoze

1 Reyes 18:46

Te Elías ac'bot yip yu'un te Cajwaltic, jich la stoyes xan moel ta chuquel te snajt'il c'u', jich bajt' ta animal c'alal ta Jezreel. Ja' neel c'ot, ja' patilix c'ot te Acab.

1 Pedro 1:13

Jich yu'un, chajbana me abaic soc ayuc me sp'ijil awo'tanic. Junuc me awo'tanic ya amaliyic spisil ora te bila ya yac'beyex Dios ta swenta yutsil yo'tan te c'alal ya xchicnaj tel te Cristo Jesuse.

San Lucas 12:35

“Chapaluquex me, chuculuc me ach'ujt'ic, soc yacuc me ta tilel ac'ajq'uic.

Jeremías 23:28

Teme ay jtul j'alwanej ay swaich, ac'a yal te ay swaiche; teme yu'unix yaiyojbon te jc'ope, jich toj ta alel yu'un. Ma pajaluc soc taquin ac te trigoe. Te jc'ope jich bit'il c'ajc', soc jich bit'il martillo te ya swuy te tone. Jo'on Ajwalilon, jich ya cal.

Éxodo 7:2

Spisil te bila mandal ya calbat ja' me ya awalbey te Aarón. Jich me ya xba yalbey te faraón te ac'a yac' loq'uel ta Egipto te israeletique.

Job 38:3

Yo'tic ya me awac'bon quil te yip awo'tane, ya me ajac'bon te bitic ya jojc'obate:

Hechos 20:27

melel spisil la calbeyex ta jamal te bila chapal yu'un te Diose. Ma'yuc bila la jmuc ta co'tan xujt'uc.

Hechos 20:20

Xujt' ma la jcom jba ta yalel ta atojolic te bila ya xlecubex yu'une. La jp'ijubtesex ta comon ta bay atsoboj abaic soc uuc ta bay anaic juju-jtul.

Éxodo 3:12

La sjac' te Diose: —Ya me joinat te bit'il jo'on ya jticunate. Jich me ya ana' stojol a, te c'alal loq'uix tel ta Egipto awu'un a te lum cu'une, apisilic li' me ya xtal aquejan abaic ta jtojol ta bay wits to —xi'.

1 Corintios 9:16

Te bit'il ya cat'elin xcholel te lec yach'il c'ope, ma spas te ya jtoy jba yu'une, te melel ja' mandal te alboton te ya jpase. ¡Obol me jba teme ma ba ya jchol te lec yach'il c'ope!

Jonás 3:2

—Jajch'an ta beel, baan ta muc'ul lum Nínive. Albeya yaiy te bila ya calbate —xi'.

Jeremías 17:18

Ja'uc me q'uexawuc jilel te mach'atic ya yuts'inone, ma me jo'ucon; ja'uc me ya xch'ayic ta q'uinal yu'un xiwel, ma me jo'ucon. Ac'a taluc ta ora mel-o'tan ta stojolic; ac'beya swocolic ta spisil ora.

2 Reyes 4:29

Te Eliseo jich la yalbey te Giezi: —Chajbana aba, ich'a te jbastone, baan tey a. Teme ay mach'a ya ata aba soque, ma me xapatbey yo'tan; teme ay mach'a ya spatbat awo'tan, ma me xajac'bey, jich ma xjalajat a. Cajanbeya ta yelaw te alalquerem te jbastone —la yut.

1 Tesalonicenses 2:2

Jich bit'il awaiyojic stojol te ach' to nax c'ax jwocol ta jowil uts'inel ta bay lum Filipos, ja'uc me to, te Diose la yac'bon yip co'tan ta xcholel ta atojolic te lec yach'il c'op ta bay yolilal te controinele.

2 Reyes 9:1

Te j'alwanej yu'un Dios Eliseo la yic' tel jtul te jchajp j'alwanejetique, jich la yalbey: —Chajbana aba, yu'un ya me xbaat. Ila, ich'a bael jun frasco aceite, baan ta lum Ramot-yu'un-Galaad.

2 Reyes 1:15

Te ch'ul abat yu'un te Cajwaltic la yalbey mandal te Eliase: —Baan soc, ma x'axi' —xi' sc'oplal. Jich te Elías co bael, bajt' soc te capitán ta yilel te muc' ajwalile.

Jeremías 1:18

Jich me ya cac'at yo'tic te bit'il lum te ay tulan sts'ajc'ule, jich bit'il oy-taq'uin, jich bit'il ts'ajc' pasbil ta bronce. Jich tulan me ya awac' aba ta stojol spisil ta spamal sq'uinal Judá: ja' te muc' ajwaliletic yu'unic, te jtsobwanejetic soc te sacerdoteetic, soc spisil te yajwale.

Jeremías 26:2

jich la yal: —Tec'lan ta bay yutil yamac'ul templo, albeya spisil te bitic la calbat te ya awalbey te ants-winiquetic te ya xtalic ta bay lumetic yu'un Judá, te ya xtal squejan sbaic ta templo. Ma me ayuc bila ya xjil ta alel awu'un.

Jeremías 26:12

Te Jeremías c'opoj ta stojol te jtsobwanejetic soc te lume, jich la yal: —Ja' me te Cajwaltic te la sticunon ta c'op, soc ta yalel sc'oplal te templo soc te lume, ja' spisil te la awaiyic stojole.

Jeremías 36:8

Te Baruc jich la spas spisil te bit'il la yal mandal te j'alwanej Jeremías. Bajt' ta templo, la yalbey yaiyic te bila ay ta balbil jun te bay ts'ibubil sc'op te Cajwaltique.

Lamentaciones 3:57

Te bi c'aalil ya quic'ate, ya xtalat ta jtojol, soc ya awalbon: “Ma xiwat”, xaat me.