Jeremías 1:15 - Bible in Tzeltal de Oxchuc y Tenejapa

¹⁵ Jo'on Ajwalilon, smelelil ya calbeyex: Ya quic' tel spisil jmandalteswanejetic yu'unic te mach'atic ayic ta norte. Ya me xtalic te muc' ajwaliletic yu'unic, soc ya me yaq'uic smuc'ul nactijibic ta bay nix stojol yochibal Jerusalén, ta bay stojol sts'ajc'ul te ay ta sjoyobale, soc ta stojol spisil te lumetic yu'un Judá.

Bible in Tzeltal Bachajón

¹⁵ Yac quic'bel tal spisil ta chahp ants-winiquetic te ban c'alal ya xcuentahinwan ajwaliletic ta stojol norte, xchi te Jehová. Ya me xtalic te ajwaliletic yu'unic, ya me schahpan shuctajibic ta yochibal te Jerusalén ta stojol spisil sts'ahcul te ay ta sjoyobal soc ta scontrahinel spisil te pueblohetic yu'un Judá.

Jeremías 1:15 Referans Kwoze

Jeremías 43:10

Albeya: “Te Cajwaltic te Spisil ya xju' yu'une, te Dios yu'un Israel, ya yal: ‘Ya me cac' xtal te cabat Nabucodonosor muc' ajwalil yu'un Babilonia. Jo'on ya cac' li'to te smuc'ul nactijib soc axinal pac' ta swenta ajwalil, ta sba te tonetic la yich'ic muquele.

Jeremías 25:9

ya quic' tel spisil te lumetic ta norte, soc te cabat Nabucodonosor te muc' ajwalil yu'un Babilonia, swenta yu'un ya me xtal yac'beyic guerra in lum to, soc ta spisil te yajwale, soc ta spisil te nacionetic te ayic ta sts'eele. Ya me jin ta jc'axel. Ya me jc'atp'un ta jinem ts'ajq'uetic te ya yac' xiwel soc nijq'uel.

Jeremías 9:11

“Te Jerusalén, ya jc'atp'un ta jbus nax tontiquil; xch'en ja'mal ts'i'etic ya xc'ot. Ya jc'atp'un ta jochol taquin q'uinal te lumetic ta sq'uinal Judá; soc ma me ayuc yajwal ya xjil ta jyalel —xi' te Cajwaltique.

Jeremías 4:16

“Jultesbeya yo'tanic te nacionetic soc Jerusalén te ay lum, c'ubul ay, te banti ya xtal te controetique; ya stoyesic yawic yu'un guerra ta yilbeyel yo'tanic te lumetic yu'un Judá.

Jeremías 39:3

Spisilic te mach'atic ay yat'elic yu'un te muc' ajwalil ta Babilonia ochic bael, soc tey la slaman sbaic a ta smuc'ul yochibal sts'ajc'ul te lume. Ja'ic te Nergal-Sarezer, Samgar-nebo, Sarsequim, ja' te tulan yat'el yich'oje, soc xan yan Nergal-Sarezer, te ja' nix jich tulan yat'el yich'oje.

Jeremías 10:25

Ac'a bael awilimba ta stojol te nacionetic te ma sna'bat abae, ta stojol te lumetic te ma ba ya sc'oponate. Melel la sbic' c'oem te lum yu'un Jacob, jc'axel la sjinic ta jyalel; mero ma'yuc yutsil la yijq'uitayic te lume —xi' te j'alwaneje.

Isaías 22:7

Te t'ujbil stenlej xatal q'uinaletic awu'un nojel ta carretaetic; te mach'atic moemic ta caballo ya yac'bey guerra te yochibal sts'ajc'ul te lume.

Lamentaciones 5:11

Ta Sión soc lumetic ta Judá, lajic ta uts'inel te antsetic soc ach'ixetic.

Jeremías 44:6

Jich yu'un, te quilimba til jajch'el jichuc c'ajc' ta lumetic ta Judá soc ta calleetic ta Jerusalén. Jinic jilel, jojch'ajic ta jc'axel asta c'alal ora yo'tic.

Jeremías 34:22

Ya me calbey mandal te ya xcha'sujt'ic tel ta stojol te lum ta yaq'uel guerra. Ya me stsaquic, soc ya me yac'beyic sc'aal. Ta bay yantic lumetic ta sq'uinal Judá, ya me jpas te ya xjojch'aj ta jyalel, ma'yuc yajwal ya xjil. Jo'on Ajwalilon, jich ya cal —xi' te Cajwaltique.

Jeremías 33:10

Te Cajwaltic ya yal: —Te ja'ex ya awalic te jocholix jilel ta jyalel in q'uinal to, te ma'yuc ants-winiquetic ni chambalametic ta ac'opique; te calleetic ta Jerusalén soc te lumetic yu'un Judá te jojch'ajiquix ta jyalele, te ni ma'yuc bi ya x'ain tey a, ni ants-winiquetic, ni chambalametic cuxulic tey ae, te xaexe. Lec ay, ya me awaiy xan stojol

Jeremías 25:28

Teme ma sc'an ya stsacbat yuch' te copa, albeya: “Te Cajwaltic te Spisil ya xju' yu'une ya yal: ‘Ya me yuch'ic ta puersa.

Jeremías 10:22

“Aiya awaiyic, ay c'op jul tel, mero tulan nax ya xtal soc sc'opic te jpam lum ay ta norte. Ya sc'atp'unic ta jochol taquin q'uinal te sq'uinal Judá, ja' nax ya x'ainic tey a te ja'mal ts'i'etique.

Jeremías 6:22

Te Cajwaltic jich ya yal: —C'alal to ta c'ubul q'uinal ta norte, ya xchajban sba tel te nación te bayal yipe.

Jeremías 5:15

Te Cajwaltic ya yalbey xan sc'oplal: —Israel, ya me quic' tel yajwal lum te c'ubul ay, te ya scontroinat te ja'ate, ja' te jpam lum te tulan ta jyalel soc te mero namey q'uinale. Te ja'ate ma x'ana'bey te sc'ope, ma x'awaiy stojol te bila ya yalique.

Jeremías 4:6

Toyaic te bandera, tojlinaic bael a te lum Sión; leaic anjibal, ma me x'acom abaic. Melel ya xba quic' tel ta bay norte te mero muc' te bila amen ya xjinwane.

Jeremías 13:20

Toya asitic soc ilawilic ya xtal ta bay norte te acontro. ¿Banti ay te jtsojp chij la cac'bat awentainbone, ja' te jtsojp chijetic te toyem nax q'uinal la awaiy yu'une?

Jeremías 34:1

Te Nabucodonosor, muc' ajwalil yu'un Babilonia soc spisil te soldadoetic yu'une, ja'ic te mach'atic loq'uemic tel ta yantic nacionetic te ayic ta sc'abe, yacalic ta stenel ta guerra te Jerusalén soc spisil te lumetic te nopol ayic soque. Te Cajwaltic la sc'opon te Jeremías, jich la yalbey:

Jeremías 46:24

Te Egipto ya me yich' pejc'anel, ya me x'och ta sc'ab te lum ta norte —xi' te Cajwaltique.

Ezequiel 32:30

“Tey ayic spisilic a te ajwaliletic ta norte, ja' nix jich ta spisilic te mach'atic talemic ta Sidón. Mero bayal yipic, soc la yaq'uic tulan xiwel, pero yo'tic coiquix bael soc te mach'atic lajemic ta guerra, ma'yuquix sc'oplalic c'oemic. Xch'uunejic lotil diosetic, yich'ojiquix muquel, ma'yuquix sc'oplalic ta yolil te mach'atic coiquix bael ta muquenale.

Joel 2:20

Ya me jloq'uesbeyex ta atojolic te c'ulubetic ya xtalic ta norte, ya me cac' bael ta jochol taquin q'uinal. Ya me cac'bey sjic' ja' ta Mar Muerto te j'il-q'uinal yu'un ta naile, ya me cac'bey sjic' ja' ta Mar Mediterráneo te j'il-q'uinal yu'un ta spate. Tey me ya xc'a' sbaq'uetalic, tey me ya xtuub a. Muc' me te bitic ya jpase —xi'.

Zacarías 6:6

Te carreta nitbil yu'un ijc'al caballoetique ya xbajt' ta lumq'uinal ta stojol norte. Te nitbil ta saquil caballoetique, ya xbajt' ta lumq'uinal ta stojol smalib c'aal. Te nitbil yu'un caballoetic te sacsactic stsotsilique, ya xbajt' ta lumq'uinal ta stojol sur —xi'.