Jeremías 1:14 - Bible in Tzeltal de Oxchuc y Tenejapa

¹⁴ Jich yu'un te Cajwaltic la yalbon: —C'alal ta stojol norte ya xmal tel te uts'inele, ya xmal tel ta stojol spisil yajwal te lume.

Bible in Tzeltal Bachajón

¹⁴ La yalbon te Jehová: C'alal ta stojol norte ya xmal tal te bin chopol ta stojol spisil mach'atic nahinemic ta q'uinal ini.

Jeremías 1:14 Referans Kwoze

Jeremías 10:22

“Aiya awaiyic, ay c'op jul tel, mero tulan nax ya xtal soc sc'opic te jpam lum ay ta norte. Ya sc'atp'unic ta jochol taquin q'uinal te sq'uinal Judá, ja' nax ya x'ainic tey a te ja'mal ts'i'etique.

Jeremías 6:1

Ants-winiquetic ta sq'uinal Benjamín, leaic anjibal, ananic loq'uel ta Jerusalén. Oq'uesinaic oq'ues ta Tecoa, tejc'anaic jun señail ta Bet-haquerem, melel ay bila ma lecuc ya xtal soc muc' bila amen te ayix tel ta stojol norte.

Jeremías 4:6

Toyaic te bandera, tojlinaic bael a te lum Sión; leaic anjibal, ma me x'acom abaic. Melel ya xba quic' tel ta bay norte te mero muc' te bila amen ya xjinwane.

Isaías 41:25

“La cac' chicnajuc jtul winic ta stojol sloq'uib c'aal; la calbey sbiil, jich tal, ya xjul tel ta bay norte. Ya me spech' ta teq'uel te ajwaliletic, jich bit'il ya yich' teq'uel ajch'al, jich bit'il jpac'jom te ya swots' ta teq'uel te ajch'ale.

Ezequiel 1:4

Jich ora la quil yac ta talel buen tulan sutu-ic' ta norte. La quil yac ta loq'uel tel c'ajc' ta jun muc'ul tocal yilel, pajal soc tsantsewal, ta sjoyobal ay buen tulan xojobil. Ta yolil te c'ajq'ue ay bila tey a, pajal soc bronce te buen xch'ulete.

Jeremías 50:41

“C'alal to ta c'ubul q'uinal ta norte, ya xchajban sba tel jun nación te ay yipe, soc bayal muc' ajwaliletic yu'un.

Jeremías 50:9

Melel ya me cac'bey spas te jtsojp tulanil lumetic ta norte te ya yac'bey guerra Babilonia, te c'alal ya sta yoraile. Ya me xchol sbaic ta guerra soc ya me stsalic. Mero p'ijic ta guerra, te ya st'imuy te st'imique, toj ya xc'ot tey a.

Jeremías 46:20

Te Egipto jich yutsil yilel te bit'il yantsilel wacax; ja'uc me to, ya xtal xcach ta norte ta ti'el yu'un.

Jeremías 31:8

Ya cac' sujt'uc tel ta lum te ay ta norte, soc ya jtsob tel ta bay c'alal sti'il te balumilale. Ya me xtalic ta stojol te ma'sitetic soc te coxoetique, soc nix te antsetic te yic'oj alal ta xch'ujt'ic soc te antsetic te ayinemix yalique. ¡C'ax muc' me yajtalul ya sujt'ic tel!

Jeremías 6:22

Te Cajwaltic jich ya yal: —C'alal to ta c'ubul q'uinal ta norte, ya xchajban sba tel te nación te bayal yipe.

Isaías 14:31

Mela awo'tanic, lumetic yu'un filisteoetic, awunanic yu'un xc'uxul, nijc'anic me yu'un te xiwele. Melel ta norte ya me xtal bayal soldadoetic jichuc xch'ailel c'ajc', ma me ayuc jtuluc ya xloc' tey a te bay xcholoj sbaique.

Jeremías 11:17

“Jo'on te Ajwalilon te Spisil ya xju' cu'une, te la jts'un te Israel soc Judae, la calix mandal te ya xc'ot ta stojolic te bila amene ta scaj te smulique. Melel la sta smulic ta jtojol te la yac'beyic smajt'an pom te Baal —xi'.

Jeremías 47:2

—Jo'on Ajwalilon ya cal: C'alal ta norte ya xmajc' tel q'uinal, jich bit'il ya xmal tel snojel ja'; te ya smuc te lum soc spisil bila ay tey a, te lumetic soc te mach'atic tey ae. Spisil te mach'atic yajwal te q'uinal, ya x'awunic; te ants-winiquetic tulan ya x'awunic yu'un xc'uxul.

Ezequiel 24:3

Albeya p'ijil c'opetic yaiy te jtoyba-o'tan lum in to, swenta yu'un jich me ya snop stsajtayel sba a. Jich xawalbey ta jwenta: “Ac'a ta c'ajc' oxom pasbil ta cobre, ac'beya ya'lel.

Joel 2:20

Ya me jloq'uesbeyex ta atojolic te c'ulubetic ya xtalic ta norte, ya me cac' bael ta jochol taquin q'uinal. Ya me cac'bey sjic' ja' ta Mar Muerto te j'il-q'uinal yu'un ta naile, ya me cac'bey sjic' ja' ta Mar Mediterráneo te j'il-q'uinal yu'un ta spate. Tey me ya xc'a' sbaq'uetalic, tey me ya xtuub a. Muc' me te bitic ya jpase —xi'.

Zacarías 6:6

Te carreta nitbil yu'un ijc'al caballoetique ya xbajt' ta lumq'uinal ta stojol norte. Te nitbil ta saquil caballoetique, ya xbajt' ta lumq'uinal ta stojol smalib c'aal. Te nitbil yu'un caballoetic te sacsactic stsotsilique, ya xbajt' ta lumq'uinal ta stojol sur —xi'.

Jeremías 25:9

ya quic' tel spisil te lumetic ta norte, soc te cabat Nabucodonosor te muc' ajwalil yu'un Babilonia, swenta yu'un ya me xtal yac'beyic guerra in lum to, soc ta spisil te yajwale, soc ta spisil te nacionetic te ayic ta sts'eele. Ya me jin ta jc'axel. Ya me jc'atp'un ta jinem ts'ajq'uetic te ya yac' xiwel soc nijq'uel.