Jeremías 1:13 - Bible in Tzeltal de Oxchuc y Tenejapa

¹³ Te Cajwaltic la sc'oponon ta xchebal buelta, jich la sjojc'obon: —¿Bi ya awil? —la yuton. —Ya quil oxom te yac ta bul soc ya'lel ya quil. Ya sc'an xmalix tel yilel ta stojol norte —xoon ta stojol.

Bible in Tzeltal Bachajón

¹³ Tal sc'op Jehová ta jtojol ta schebal buelta, hich la yal: ¿Bin yac awil? xchi. Ya quil oxom te yac ta buhl, ya c'an maluquix tal yilel c'alal ta stojol norte, xchihon.

Jeremías 1:13 Referans Kwoze

Ezequiel 11:7

Ja' yu'un jo'on Ajwalilon te jich ya cale: Te Jerusalén jich me ya xc'ot te bit'il oxom, pero ma ja'uquex te ti'bal ya xc'oexe, ja'ic me stuquel te sbaq'uetalic te mach'atic la amilique. Melel te ja'exe ya me jloq'uesex ta oxom c'oem.

Ezequiel 11:3

Jich ya yalic: “Ma to ba namey te la jcha'pastic te nanatique. Li' me ya xcolotic, jich me c'oemotic te bit'il ti'bal ta oxom”, xiic.

Zacarías 4:2

—¿Bila yacat ta yilel? —la yuton. La jac'bey: —Yacon ta yilel scajtijib c'ajc' te pasbil ta oro, te ay yawil aceite ta sbae. Ta stoyolil te scajtijib c'ajc' ay juqueb yawil c'ajc', te ay juqueb tuboetic yac ta c'oel aceitee tey a.

Génesis 41:32

Te bit'il cheb buelta waichejat, ja' swentail te bit'il puersa jich ya xc'ot ta pasel yu'un te Diose, soc nopol ya xc'otix ta pasel.

Jeremías 24:3

Te Cajwaltic la sjojc'obon: —Jeremías, ¿bi ya awil? —la yuton. La jac'bey te sc'ope: —Higoetic, te bay lequique, mero lequic nix abi; yan te bay amenique, amenic nix abi, te ma xju'ix ta lo'ele —la cut.

Isaías 55:11

Ja' ni me jich te jc'op te ya xloc' tel ta que, ma ba ya sujt' tel teme ma ba ya x'at'eje. Ja' me ya spas te bi ya sc'an co'tan, soc ja' me ya spas te at'el te ya jticun bael yu'une.

Ezequiel 12:28

Ja' yu'un jich xawalbey yaiyic: “Jich la yal te Cajwaltique: ‘Te jc'ope nopol meix ya xc'ot ta pasel. Jo'on Ajwalilon, te jich caloje’, xi' te Cajwaltique”, uta me —xi'.

Amós 8:2

la sjojc'obon: —¿Bi ya awil, Amós? —la yuton. —Ay moch te nojel ta sit awalts'unubil te lequix ta lo'ele —la cut. La yalbon te Cajwaltique: —Jich c'oem te Israel; ma ba ya jpasbeyix perdón ta jc'axel.