Jeremías 1:10 - Bible in Tzeltal de Oxchuc y Tenejapa

¹⁰ —Jo'on ya cac'bat jc'op ta awe. Yo'tic ya cac'bat awich' tulan awat'el ta bay ya xmandalaj ajwaliletic soc nacionetic, ta swenta sbulel soc swuyel coel, ta swenta sjinel soc ta slilanel, soc nix ta swenta spasel soc sts'unel —la yuton.

Bible in Tzeltal Bachajón

¹⁰ Ilawil, yo'tic ya ca'bat awa'tel ta stojol nacionetic soc ta banti ya xcuentahinwan ajwaliletic, yu'un yac abul loq'uel soc yac ajin cohel, yu'un yac alajin soc yac atuhquiy, yu'un yac apas soc yac ats'un, xchi.

Jeremías 1:10 Referans Kwoze

Jeremías 31:28

Jich bit'il jun co'tan la jpas ta swenta sbulel, ta stijel coel, ta xch'ojel ta lum, ta sjinel, soc ta yac'beyel swocolic, ja' nix jich co'tan ta spasel soc ta sts'unel xan. Jo'on Ajwalilon, jich ya cal.

Ezequiel 36:36

Jich te lumetic nopol ayex soc te ay to cuxulique, ya me sna'ic te jo'on te Ajwalilon, te yacon ta xcha'pasel xan te bila jineme, soc te yacon ta sts'unel xan te bila jc'axel yich'oj lajinele. Jo'on Ajwalilon te jich caloje, jich me ya jpas.

Jeremías 24:6

yacon ta scanantayel, soc ya me sujt'es tel li' ta q'uinal to. Li' ya cac' esmajuc, soc ma ba ya jcha'jin xan; ya jts'un, ma ba ya jcha'bul xan.

Amós 9:11

Ya yal te Cajwaltic: —Ya me sta sc'aalelal te ya jpas ta yan buelta te sna David te jineme. Ya jmacbey te bay jinemic, ya jach te jinem ts'ajq'uetic. Jich nix ya jcha'pas xan te bit'il namey tele,

Amós 3:7

Ma'yuc bila ya spas Cajwaltic teme ma neeluc ya yac'bey sna'ic te j'alwanejetic yu'une.

Zacarías 1:6

Pero te c'opetic soc te mandaletic cu'un te la calbey yalic te abatetic, ja'ic te j'alwanejetic cu'une, c'ot ta stojolic te antiguo ame'-atatique, jich sujt'ic ta jtojol. C'ot ta yo'tanic te jo'on Ajwalilon te Spisil ya xju' cu'une, te la cac'bey sna'ic ta yo'tanic, chican bi yilel stalelic soc bi yilel yat'el spasojic”, uta me —xi' te Cajwaltique.

Ezequiel 32:18

—Ja'at winic, joina ta sc'ajintayel antsetic ta yantic nacionetic te c'ayoj swenta lajel in to, te ya yich' c'ajintayel ta stojolic te bayal ants-winiquetic ta Egipto soc ta stojolic te jwentainwanejetic yu'unique: “Te mach'atic bayal yipic, ya xyalic coel ta ye'tal balumilal, ja' ya sjoinic te mach'atic coemiquix bael ta muquenale.

Ezequiel 43:3

Te bila ac'boton quil la caiy, ja' pajal soc te bila la quil te c'alal tal slajin Jerusalén te Cajwaltique. Ja' nix pajal soc te bila la quil ta ti'ja' Quebar. La jtinan jba coel c'alal ta lum.

1 Reyes 19:17

Jich yu'un te mach'a ya xcol ta spuñal Hazael, ja' me ya smil te Jehú, soc te mach'a ya xcol ta spuñal te Jehú, ja' me ya smil te Eliseo.

1 Reyes 17:1

Te j'alwanej yu'un Dios Elías, te talem ta Tisbe te ay ta sq'uinal Galaad, jich la yalbey te Acab: —¡Ya calbat ta jamal ta stojol Cajwaltic Dios yu'un Israel, te yacon ta abatinel yu'une, te ma ba ya xtal ja'al che'oxeb ja'wil baele, soc ni yacuc xyal tel ts'ujul, ja' to teme jo'on ya cale! —la yut.

Jeremías 1:5

—C'alal ma to ayucat ta xch'ujt' ame' a, tsabilatix cu'un a; c'alal ma to x'ayinat a, na'bilatix cu'un a, te ya cac'at ta j'alwanej yu'un te nacionetique —la yuton.

Jeremías 25:13

Ya cac' c'otuc ta stojol te Babilonia te bila albil sc'oplal soc te ts'ibubil li' ta libro to, spisil te bila yaloj te Jeremías ta jwenta ta scontroinel spisil te nacionetique.

Jeremías 31:40

Spisil te xatlejal te bay ya yich' muquel te animaetic soc te bay ya yich' ch'ojel bael te c'ajc'al tane, soc spisil te q'uinal ay ta sba beja' yu'un te Cedrón, ja' to ta bay la spas tel buelta, ta Yochibal Caballoetic, ta stojol sloq'uib c'aal, ac'bilon cu'unin. Soc spisil ma ba ya yich' xan tijel, ni jinel —xi' te Cajwaltique.

Jeremías 36:2

—Tsaca junuc balbil jun, ts'ibuya tey a spisil te bila calojbat ta swenta Israel, Judá soc te yantic nacionetique, ja' to me te c'op jajch' calbat tel c'alal ay ta ajwalil a te Josías, ja' to c'alal ora yo'tic.

Jeremías 44:27

Melel ayon me ta yilel ta sticunel tel woclajel ta atojolic, te ma swentauc awutsilalique. Spisilic te judioetic te nainemic ta Egipto, ya me xlajic ta jc'axel ta guerra o ta wi'nal.

Jeremías 45:4

la spason ta mandal te ya calbat ta atojole: “Ya jin te bila ya jpase, soc ya jbul te bila ya jts'une. Jich ya jpasbey ta spamal balumilal.

Ezequiel 21:19

—Pasbeya seña cheb be, swenta yu'un ya xc'ax soc spuñal te muc' ajwalil yu'un Babilonia. Te cheb bee, ya me sc'an te ya xloc' xchebal ta jun nax lumq'uinal. Ta xjajch'ibal te beetic ya me awac'bey seña te ya yac' ta na'el banti lumil yac ta baele.

Ezequiel 23:36

Jich la yalbon te Cajwaltique: —Ja'at winic, ¿ya bal ac'an ya awalbey te castigo ya yich' te Ahola soc te Aholiba? Albeya ta sitic te ilaybil sba yat'elique.

Oseas 6:5

Jich yu'un la quejch'entes c'oem ta swenta te j'alwanejetique; ta swenta te jc'ope, la jmil c'oemic a.

Eclesiastés 3:3

Ay yorail milaw, soc ay yorail poxtayel. Ay yorail te bila ya yich' jinel, soc ay yorail te bila ya yich' pasel.