Jeremías 1:1 - Bible in Tzeltal de Oxchuc y Tenejapa

¹ Ja' te sc'op soc yat'el Jeremías, te snich'an Hilcías. Te Jeremías ja' sts'umbal te sacerdoteetic te nainic ta lum Anatot te ay ta sq'uinal sts'umbal Benjamín.

Bible in Tzeltal Bachajón

¹ Ha sc'op Jeremías snich'an Hilcías, jtuhl sacerdote yu'un te sacerdotehetic ta Anatot te ay ta sq'uinal Benjamín.

Jeremías 1:1 Referans Kwoze

Jeremías 11:21

Te winiquetic ta Anatot la slebonic te jlajele, soc te la yalic mandal te ma me xc'opojon ta swenta te Cajwaltic, teme ma sc'an co'tan ya smilonique.

2 Crónicas 36:21

swenta yu'un ya me xc'ot ta pasel te bila yaloj Dios ta swenta j'alwanej Jeremías. Jich yu'un te slum-sq'uinalique bin nax yo'tan c'oem, yu'un te la xcux yo'tan, melel xcuxoj bael yo'tan ta spisil te jayeb c'aal jineme, ja' to c'alal c'ax te lajuneb xchanwinic (70) ja'wile.

1 Crónicas 6:60

Soc ac'botic xan lumetic ta bay sq'uinal sts'umbal Benjamín, ja'ic te Geba, Alemet soc Anatot, spisilic ay aquiltic yu'un xchamsbalamic ta sjoylejal. Ja' yu'un, te lumetic te c'ot ta swentaic chajbalchajp te sts'umbal Aarón, oxlajunpam ta spisilic.

Amós 7:10

Te Amasías, sacerdote ta Betel, la sticunbey ta alel te Jeroboam muc' ajwalil yu'un Israel: “Te Amós yac ta beel ta yolil israeletic, yac ta xchapel sc'op ta scontroinbelat ja'at muc' ajwalil. Te lume ma xcujch' yu'un te sc'ope.

Amós 1:1

Ja' sc'op te Amós, te jcanan-chij ta lum Tecoa, te ac'bot ta swenta yalel yu'un Dios te sc'oplal Israel. Cheb ja'wil sc'an xtal nijq'uel a, ta yorail Uzías te muc' ajwalil ta Judá, soc Jeroboam snich'an Joás te muc' ajwalil ta Israel.

Isaías 1:1

Te j'alwanej Isaías, snich'an Amoz, ac'bot sna' stojol te bit'il ay sc'oplal yu'un Dios te Judá soc Jerusalén, te c'alal ayic ta muc' ajwalil yu'un Judá a te Uzías, Jotam, Acaz soc Ezequías.

Isaías 2:1

Ja'ic te bitic ac'bot sna' stojol Isaías te snich'an Amoz, te ja' sc'oplal Judá soc Jerusalén:

San Mateo 2:17

Jich c'ot ta pasel te bila ts'ibubil jilel yu'un te j'alwanej yu'un Dios te Jeremías sbiile:

San Mateo 16:14

La yalic: —Ay ya yalic te ja'at Juanat te J'ac'-ich'ja'e. Te yane ya yalic te ja'at Eliasat. Soc ay yantic ya yalic te ja'at Jeremiasat, o yan namey q'uinal j'alwanejat yu'un te Diose —xiic.

San Mateo 27:9

Jich c'ot ta pasel te bila yaloj te j'alwanej yu'un Dios te Jeremías te jich la yale: “La stsaquic te lajuneb xcha'winic ta jsejp plata-taq'uin te jich c'ot ta nopel stojol yu'un te israeletique.

1 Reyes 2:26

Yan te sacerdote Abiatar, pasot ta mandal yu'un te muc' ajwalil: —Baan ta Anatot ta aq'uinal. Ya sc'an te ya xlajat te jichuque, pero ma ba ya jmilat, melel ja'at la awich' ta beel ta stojol te anima jtat David te cajón yu'un Cajwaltic, soc te pajal c'ax awocol soque —xi' sc'oplal.

2 Crónicas 35:25

Te Jeremías la xchajban sc'ayojil anima ta swenta yich'el ta muc'. Ja' to c'alal ora yo'tic ta spisilic te c'alal ya xc'ajinic te ants-winiquetic, tey ya sna'ic a te Josías ta swenta te c'ayojetic yu'un mel-o'tan. Te c'ayojetique ya to sc'ajintayic spisil ora te israeletic, soc ts'ibubilic ta bay libro te sc'ayojil animaetique.

2 Crónicas 36:12

Pero te yat'ele mero amen ta jyalel ta sit te Diose. Ma la spejc'an sba ta stojol Jeremías, te j'alwanej te ac'ot ta c'op yu'un te Cajwaltique.

Esdras 1:1

Ja' in to ja' sc'oplal te bila c'ot ta pasel ta sbabial ja'wil yochel ta muc' ajwalil yu'un Persia a te Ciro. Jich c'ot ta pasel a te bila yaloj Cajwaltic ta swenta te Jeremías. Te Cajwaltic la stijbey yo'tan te Ciro te yacuc yal mandal ta stojol te israeletique. La yich' puquel ta alel sc'oplal soc ta ts'ibubil junetic ta spamal q'uinal te banti c'alal swentaineje. Jich ay te smandale:

Isaías 10:30

Awunanic ta tulan yajwal Bat-galim. Aiya awaiyic stojol, lum Laisa. Anatot, jac'a me te c'ope.

Jeremías 29:27

¿Bistuquix a te ma ba acomoj te Jeremías te talem ta Anatot, te stejc'anej sba ta atojolic ta j'alwaneje?

Daniel 9:2

Ta sbabial ja'wil yich'bel yat'el ta mandalteswanej a, jo'on Danielon yacon ta snopel te sjun j'alwanej yu'un Dios te Jeremías sbiile, te banti ay sc'oplal te lajuneb xchanwinic (70) ja'wil ya xc'ax a, te ya sts'acaj te jayeb c'aal jinem te Jerusalén, jich nix te bit'il albot yu'un Cajwaltic te j'alwaneje.

Esdras 2:23

te mach'atic ayic ta Anatot, waxaqueb sjucwinic (128)

Jeremías 30:1

Ja' sc'op Cajwaltic te la yalbey te Jeremías, jich la yalbey:

Jeremías 37:12

jich yorail te loc' bael ta lum te Jeremías. Yu'un ya xbajt' ta sq'uinal Benjamín, ta yich'el ta sc'ab te sq'uinal te la yich' puquele.