Hechos 3:1 - Bible in Tzeltal de Oxchuc y Tenejapa

¹ Jun c'aal te Pedro soc te Juane, moic bael ta templo ta sc'oponel Dios ta oxeb ora sts'ejbujel te c'aale.

Nuevo Testamento Tzeltal de Amatenango

¹ Ay jun kꞌaal te jPedroe sok te Juane laj bajt ta templo las tres mal kꞌaal a, jaꞌ yorail a te skꞌoponel Diose.

Bible in Tzeltal Bachajón

¹ Te Pedro soc Juan bahtic ta Templo ta oxeb ora suhtel c'ahc'al a, ha te yorahil sc'oponel Dios.

Hechos 3:1 Referans Kwoze

Salmos 55:17

Ya me jc'an parte ta stojol, soc ya me coq'uetay jba ta stojol ta sacubel q'uinal, ta olil c'aal, soc ta yijc'ubel q'uinal; ja' me ya yaiybon jc'op stuquel.

Hechos 10:3

Ay ac'bot yil ta stelemal yilel jtul ch'ul abat yu'un te Diose. Ay niwan oxeb ora c'aal a te la yil tal ta stojole soc te c'oponot yu'une: —Cornelio —xi' la yaiy.

Hechos 4:13

Te jwolwanejetic la yilic te ma ba yacalic ta xiwel te Pedro te Juane, soc la sna'ic te ma'yuc banti p'ijubtesbilic ta yilel te june, soc te joch-winiquetic naxe. Jich bayal ayan yo'tanic yu'un, soc la sna'ic te ma'yuc banti p'ijubtesbilic ta leque soc te joch-winiquetic naxe.

San Lucas 1:10

C'alal yac ta xchiq'uel te pome, spisil lum yacalic ta sc'oponel Dios ta bay yamac'ul te temploe.

Hechos 5:25

Ja'uc me to, ay mach'a tal yalbey yaiyic: —Te winiquetic te la awaq'uic ta chucjibale, ayiquix ta templo ta sp'ijubtesel te lume —xi'.

San Lucas 24:53

Jujun c'aal bajt'ic ta templo. La yalbeyic bayal wocol ta stojol te Diose. Jichuc.

Hechos 8:14

C'alal la yaiyic stojol te jpuc-c'opetic ta lum Jerusalén te bit'il la xch'uuniquix sc'op Dios te samariaetique, la sticunic bael tey a te Pedro soc te Juane.

Daniel 6:10

Te c'alal la yaiy te Daniel te la yac' sfirma, bajt' ta sna. La sjam te ventanaetic te banti ya xwaye, te ayic ta stojol bael Jerusalén. La squejan sba ta sc'oponel Dios soc ta yalel yutsilal. Jich la spas oxeb buelta ta jujun c'aal, jich nix te bit'il la spas spisil ora.

Hechos 2:46

Jujun c'aal jun nax yo'tan la stsob sbaic ta templo, soc la sjoin sbaic ta swe'el waj ta bay te snaique. Bayal sbujts' yo'tanic ta we'el, soc jun yo'tan sbaic.

San Juan 21:7

Jich te jnopojel te bayal c'ux sba ta yo'tan soc te Jesuse la yalbey yaiy te Pedroe: —¡Ja' te Cajwaltique! —xi'. Te c'alal la yaiy stojol te Simón Pedro te ja' te Cajwaltique, la slap sc'u' ta ora. La xch'oj sba ochel ta ja'.

San Lucas 22:8

Jich te Jesús la sticun bael te Pedro soc te Juane. Jich la yalbey: —Baan chajbanbotic te we'elil swenta q'uin Pascua —xi'.

San Mateo 26:37

La yic' xan bael te Pedro soc te cheb snich'nab te Zebedeoe. Jajch' ta buen mel-o'tan, soc jajch' ta woclajel.

San Mateo 17:1

Waqueb c'aal ta patil te Jesús la yic' bael te Pedro, te Jacobo, soc te yijts'ine ja' te Juane. Stuquelic nax ic'otic moel yu'un Jesús ta bay muc' toyol wits.

Daniel 9:21

Te c'alal yacon to ta sc'oponel Dios a, te Gabriel, te chicnaj ta jtojol ta neelal to te c'alal ay bila yacon ta yilel la caiye, wil tel ta jtojol te banti ayone. Ja'ix yorail a te ya yich' aq'uel milbil smajt'an Dios yu'un te smalel c'aale,

Hechos 10:30

Jich jajch' yal te Cornelioe: —Ayix ta xchanebal c'aal, jich ora bit'il to, jpasoj ayuno soc yacon ta sc'oponel Dios li' ta bay jna to, jich bit'il te ay ta pasel ta swenta oxeb ora xmalel te c'aale. Te c'alal yacon ta sc'oponel Dios a, chicnaj ta jtojol jtul winic te xlemet nax xojobil te sc'u'-spaq'ue

1 Reyes 18:36

C'alal la sta yorail te ya yich' aq'uel te chic'bil majt'anile, te j'alwanej Elías noptsaj bael, jich la yal: —Cajwal, Dios yu'un Abraham, Isaac soc Israel, ac'a ta na'el yo'tic te ja'at Diosat atuquel soc te jo'on awabaton, soc ac'a ta na'el te ja'at nix aticunejon ta spasel te bitic yacalon ta spasele.

Éxodo 29:39

Jcojt' me ya awac' ta sab, soc jcojt' me ta xmal c'aal.

Gálatas 2:9

Te bit'il la sna'iquix stojol te bit'il Dios la yac'bonix ta jwenta in at'el to, jich la stsacbon jc'ab soc te Bernabé ta swa'el sc'abic te ja'ic te yiptajibic c'oem te jch'uunjeletique. Jich la spasic swenta seña te bit'il joy jbajtic ta at'el soque, swenta yu'un ya me xba at'ejucotic ta bay te jyanlumetique. Yan stuquelic, ya me xba at'ejuquic ta bay te mach'a yich'ojic te circuncisione.

Números 28:4

Jcojt' me ya yich' milel ta sab, soc jcojt' ta mal c'aal.

San Mateo 27:45

Ta olil c'aal ijc'ub q'uinal ta spamal te q'uinale, ja' to ta oxeb ora smalel a te c'aale.

San Lucas 18:10

—Ay cheb winiquetic ba sc'oponic Dios ta templo. Te jtule fariseo, in te yane jc'an-patan.

Hechos 3:3

Te coxo-winic la yil te Pedro te Juane te c'alal yacalic ochel bael ta temploe. Jich jajch' yal wocol te yacuc x'ac'bot smajt'an taq'uin.

Hechos 3:4

Te Pedro soc te Juan la yilbeyic sit te coxoe. Jich la yalbeyic: —C'abuyawotic —xiic.