Hechos 18:8 - Bible in Tzeltal de Oxchuc y Tenejapa

⁸ Te Crispo te jwolwanej yu'un te sinagogae, la xch'uun Cajwaltic soc spisil te mach'a ay yu'un ta snae. Soc ay tsobol corintoetic te la xch'uunic, soc la yac' sbaic ta ich'ja'.

Nuevo Testamento Tzeltal de Amatenango

⁸ Te Crispo te statal yuꞌun te sinagogae la xchꞌuun euk te Kajwaltike sok spisil te machꞌa ay yuꞌun ta snae. Ay bayal corintioetik te kꞌalal la yaꞌiyik te skꞌop Diose la xchꞌuunik euk, y la yichꞌtalan jaꞌ.

Bible in Tzeltal Bachajón

⁸ Te Crispo, te principal yu'un te sinagoga, la sch'uhun te Cajwaltic soc sjunal sna; soc bayel te corintohetic, c'alal la ya'iyic, la sch'uhunic soc la yich'ic ha'.

Hechos 18:8 Referans Kwoze

Hechos 11:14

Ja' me ya yalbat awaiy te bit'il ya xju' xcolate soc spisil te mach'a ay awu'un ta anae”, utot yu'un.

Hechos 8:12

Ja'uc me to, te lume la xch'uunic te lec yach'il c'op la yal te Felipe te bit'il ay ta ajwalinel stuquel te Diose, soc te sc'oplal te Jesucristoe. Jich la yich'ic ja' te winiquetique soc te antsetique.

Hechos 18:17

Jich ta spisil te griegoetique la stsaquic te Sóstenes te jwolwanej yu'un te sinagogae, soc la smajic tey a ta bay te chajbajibale. Ja'uc me' to, te Galione xujt' ma'yuc bila la yal yu'un.

Hechos 16:34

La yic' bael ta sna ta smac'linel. Bin nax yo'tan yu'un soc spisil te mach'a ay yu'un ta sna te bit'il xch'uunejiquix te Diose.

Hechos 13:15

Te c'alal la yich'ix ilel sjunal te mandalile soc te sjun te j'alwanejetic yu'un te Diose, te mach'atic yich'oj yat'elic ta sinagoga la sticunic ta alel ta stojol te Pablo soc Bernabé: —Quermanotac, teme ay bi ya ac'an ya awalic ta stojol te lume, ya me xju' ya xc'opojex —xiic.

Hechos 10:2

Xi'oj te Diose soc jun yo'tan xch'uunej soc spisil te mach'a ay yu'un ta snae. Bayal ya sq'uebanlay staq'uin ta scoltayel te judioetique soc spisil ora ya sc'opon te Diose.

San Marcos 5:35

Yac to ta c'op a te Jesuse, ay mach'a talic ta bay sna te jwolwanej yu'un te sinagogae. Jich jul yalbeyic yaiy te stat te ach'ixe: —Te awantsil-nich'ane lajix. ¿Bistuc ya awac'bey xan swocol te Maestroe? —xiic.

San Marcos 5:22

Tal jtul winic te yich'oj yat'el ta jwolwanej yu'un te sinagogae, te Jairo sbiile. C'alal la yilbey sit te Jesuse, la squejan sba ta stojol.

San Mateo 28:19

Jich yu'un, baanic, soc albeyaic te ya x'ochic ta jnopojel cu'un spisil ta jchajp te nacionetic, soc ac'beya yich'ic ja' ta swenta te Tatile, soc ta swenta te Nich'anile, soc ta swenta te Ch'ul Espiritue.

Josué 24:15

Teme ma x'ac'an ya awac' abaic ta abatinel ta stojol te Cajwaltic, nopa awaiyic mach'a ya awac' abaic ta abatinel ta stojol: teme ja' te diosetic la yac' sbaic ta abatinel yu'un te antiguo ame'-atatic ta ti'ti'ja' Éufrates, o teme ja' te diosetic yu'unic te amorreoetic te nainemic ta q'uinal to. Te jo'on soc te mach'atic ay cu'un ta jna, ya cac' jbajtic ta abatinel ta stojol te Cajwaltique —xi'.

Génesis 18:19

Melel tsabil cu'un te ya me spas ta mandal yal-snich'nab soc te mach'atic ay yu'un ta patil bael, te ya spasic spisil te bitic ya cac'bey snopique, te ya me spasic spisil te bitic lec soc te bitic toj ta pasele, swenta yu'un jich me ya jc'otes ta pasel te bila calojbey sc'oplal ta jamale”, xi' ta yo'tan.

Génesis 17:27

Ja' nix jich spisil te winiquetic ta sna, ja' spisil te abatetic te ayinemic ta sna, soc spisil te abatetic smanoj ta staq'uin, pajal la yac'bey circuncisión.

Hechos 18:1

Patil te Pablo la yijq'uitay te lum Atenas, bajt' ta lum Corinto.

Hechos 19:1

Te c'alal ay ta lum Corinto te Apolose, te Pablo c'ax tel ta witstiquil, c'ot ta lum Efeso. Ay jnopojeletic c'o sta tey a.

1 Corintios 1:2

ya jpatbeyex awo'tanic ja'ex te jch'uunjelex ta lum Corinto, te ch'ultesbilex ta swenta te Cristo Jesuse. Dios la yiq'uex, swenta yu'un ya xch'ultesex soc spisil te mach'atic ayic ta bayuc te ya yalbeyic wocol te Cajwaltic Jesucristoe, te pajal cajwalinejtic soque.

2 Corintios 1:1

Jo'on Pabloon. Ayon ta jpuc-c'op yu'un Jesucristo ta swenta sc'anjel yo'tan te Diose. Jo'on soc te quermanotic Timoteoe, ya jpatbeyex awo'tanic ja'ex te jch'uunjelex yu'un Dios te ayex ta lum Corinto soc spisil te mach'atic ch'ul lum yu'un Dios ta sq'uinal Acaya.

2 Corintios 1:23

Ja'uc me to, te bit'il ma to baemucon ta Corinto jich te bit'il nopbil cu'une, ja' me testigo cu'un te Diose, te scaj nax te ay ac'oplalic ta co'tan te ja'exe.

2 Corintios 6:11

Quermanotac corintoetic, jamal quejtic ta yalel ta atojolic te bila ay ta co'tantique, melel c'uxbajemex ta co'tantic.

2 Timoteo 4:20

Te Erasto jilem ta lum Corinto. Yan te Trófimo tey jil ta lum Mileto, yu'un ay ta chamel.