Hechos 1:6 - Bible in Tzeltal de Oxchuc y Tenejapa

⁶ Jich te c'alal stsoboj sbaic soque, la sjojc'obeyic te Jesuse: —Cajwal, ¿ja' bal yorailix te ya xjajch' xan ta mandal te ajwalil yu'un te israelotique? —xiic.

Nuevo Testamento Tzeltal de Amatenango

⁶ Ta machꞌatik stsoboj sbaik sok te Jesuse la sjojkꞌobeyik: —Kajwal, ¿me yorailix te ya awakꞌ mantalejukotik liꞌ ba jlumaltik israele? —xyutik.

Bible in Tzeltal Bachajón

⁶ Te mach'atic stsoboj sbahic, la sjoc'obeyic te Jesús: Cajwal ¿ora bal yac acha'hach xan te cuentahinel yu'un Israel? xchihic.

Hechos 1:6 Referans Kwoze

San Lucas 19:11

Te ants-winiquetic yacalic ta yaiybel stojol sc'op tey a te Jesuse. Jich jajch' yalbey yaiyic seña-c'op, yu'un ya xc'otix ta Jerusalén, soc scuyojic te ants-winiquetic te ya xchicnajix ta ora nax te muc' ajwalil ya yac' te Diose.

San Lucas 17:20

Te fariseoetic la sjojc'obeyic te Jesús te bi ora ya xjajch' ta ajwalinel te Diose. Jich albot yaiyic yu'un: —Ma chicanuc ta ilel te bi ora ya xjajch' ta mandal te Cajwaltic Diose.

Daniel 7:27

Te mandalteswanej, te yip soc te yutsilal ta spisil te jmandalteswanejetic ta balumilale, ya me yich' ac'beyel te lum yu'un Dios te mero toyole. Sbajt'el me q'uinal te mandalteswanej yu'une, ta spisil te lumetic ta balumilal ya me yac' sbaic ta abatinel yu'un, soc ya me xch'uunbeyic smandal’, xi'.

San Mateo 24:3

Te c'alal ayiquix ta Wits Olivailtique, te Jesús la snajc'an sba tey a. Te jnopojeletic yu'une, stuquel nax tal sc'oponic. Jich la yalic: —Albotic caiytic te bi ora ya xc'ot ta pasel te bila la awalbotique, soc te bi señail ya xchicnaj ta ilel a te c'alal ya xtalatixe soc te ja'ix a te slajibal c'aale —xiic.

San Lucas 22:29

Jich yu'un te jo'one ya me cac'beyex awat'elic ta ajwalil jich nix te bit'il yac'ojbon cat'el ta ajwalil te Jtate.

San Mateo 17:11

La yal te Jesuse: —Melel nix a te ja' neel ya xtal te Eliase, soc melel xaal te ya xchajban spisil.

San Mateo 20:21

Jesús la sjojc'obey: —¿Bi ya ac'an? —xi'. La yal te antse: —Ja' te yacuc awal mandal te ya xnajc'aj jtul ta awa'el, soc jtul ta aq'uexen in cheb calatac to te c'alal ayat ta ajwalinel te ja'ate —xi' te antse.

Zacarías 9:9

¡Binuc nax me awo'tan, lum Sión! ¡C'ajinanic swenta yutsil q'uinal awaiyic, yajwal Jerusalén! Te muc' Ajwalil awu'un ya me xtal ta atojol, buen toj yo'tan, soc ju'em yu'un tsalaw stuquel. Pero peq'uel yac'oj sba, cajal ta jcojt' burro, ta yal me' burra.

Amós 9:11

Ya yal te Cajwaltic: —Ya me sta sc'aalelal te ya jpas ta yan buelta te sna David te jineme. Ya jmacbey te bay jinemic, ya jach te jinem ts'ajq'uetic. Jich nix ya jcha'pas xan te bit'il namey tele,

Jeremías 33:26

Jich yu'un, ma'yuc bi ora ya jch'oj bael ta co'tan sts'umbal Jacob soc David te cabate; ma xch'ay cu'un ta tsael loq'uel ta yolilic te mach'atic ya xmandalajic ta stojol te sts'umbal Abraham, Isaac soc Jacob. Melel te jo'one ya me jna'bey yo'bolil sbaic, soc ya me cac'bey xan yutsilalic —xi' te Cajwaltique.

Isaías 1:26

Ya me cac' te ayuc xan jchajbanwanejetic awu'unic jich bit'il ta neelale, soc jtojteswanejetic awu'unic jich bit'il ta xjajch'ibale. C'alal ya xlaj co'tan ta spasel, ya me jcha'albeyex ac'oplalic: “Lum te toj yat'ele, lum te jun yo'tane”, xi' me ac'oplalic.

Génesis 49:10

Ma'yuc mach'a ya spojbey yat'el ta muc' ajwalil te Judá, ni ja'uc sbastón te yich'oj ta sc'ab, ja' to ya xtal te mach'a yu'un stuquel te at'ele, ja' te mach'a ya xch'uunbot smandal yu'un te lumetique.

San Juan 21:21

C'alal la yil te Pedroe, la sjojc'obey te Jesuse: —Cajwal, ¿ja'xan in winic to? —xi'.

San Marcos 9:12

La yal te Jesuse: —Melel nix a te neel ya xtal te Eliase. Soc te melel ya xchajban spisile. Soc jich ts'ibubilix jilel sc'oplal ta Sjun Dios te Nich'anile te bit'il ya xc'ax bayal swocol soc te ma'yuc sc'oplal ya xc'ot ta o'tanile.

Miqueas 5:2

Ja'at Belén Efrata, manchuc teme ch'in jxujt'at te ayat ta yolil te mach'atic sts'umbal Judá, tey ya xloc' tel ta atojol jtul ajwalil yu'un Israel, ja' me sts'umbal te namey q'uinal sme'-state —xi'.

Oseas 3:4

Melel te israeletic mero bayal c'aal jich nax ayic: Ma'yuc muc' ajwalil, ni ch'in ajwaliletic yu'unic, ma'yuc milbil majt'anil, ni ma'yuc tejc'anbil toneticte ch'ultesbil yu'unique, ma'yuc sc'u' sacerdoteetic, ni yajcananic ta nanatic.