Hechos 1:3 - Bible in Tzeltal de Oxchuc y Tenejapa

³ Te bit'il c'axix tel yu'un te lajele, la yac' sba ta ilel ta stelemal ta stojolic cha'winic c'aal. Buen chican la yac' sba ta ilel te bit'il cha'cuxemixe soc la yalbey yaiyic te bit'il ay ta ajwalinel te Diose.

Nuevo Testamento Tzeltal de Amatenango

³ Y ta patil, te kꞌaxix tal yuꞌun a te milele, la yakꞌ sba ta ilel ta stekꞌlejal. Klaro a yakꞌtalan ta ilel te tutꞌil kuxulixe. Kuarenta kꞌaal a yakꞌ sba ta ilel ta stojolik. Y la yaltalanbe sluwar te tutꞌil ay ta ajwalinel te Diose.

Bible in Tzeltal Bachajón

³ C'alal c'axemix swocol a, ta scuxlejal la yac' sba ta ilel ta stojolic soc bayel pruebahetic te jamal la yac' ta ilel te cuxule. Cha'winic (40) c'ahc'al la yac' sba ta ilel yu'unic soc la yalbe ya'iyic sc'oblal te cuentahinel yu'un Dios.

Hechos 1:3 Referans Kwoze

Hechos 13:31

Te Jesús bayal c'aal la yac'ulay sba ta ilel ta stojol te mach'atic la sjoinic loq'uel tel ta sq'uinal Galilea te c'alal bajt'ic ta Jerusalene. Ta ora to, ja'ic testigoetic yu'un te ya yalbeyic sc'oplal ta stojol te lume.

San Juan 20:26

Ta swaxaquebal c'aal ta patil stsoboj sbaic yan buelta ta na te jnopojeletique. Tey sjoinejiquix a te Tomase. Macal ta lec yu'unic te ti'nailetique, ja'uc me to, teq'uel julel ta yolilic te Jesuse. Jich la yal: —Muc'ubenuc me q'uinal ya awaiyic —xi'.

1 Juan 1:1

Ya calbeyex sc'oplal te mach'a stalel ay ta xjajch'ibale. La caiybeytic stojol te sc'ope soc la quiltic ta jsitique, melel la jna'beytic sba te bi yilele soc la jpictic ta jc'abtic te C'opil te ay cuxinel ta swentae.

San Juan 21:14

Ja' yoxebal buelta te la yac' sba ta ilel ta stojol te jnopojeletic yu'un te bit'il cha'cuxix tel ta bay te animaetique.

San Juan 21:1

Patil la yac' sba ta ilel yan buelta te Jesús ta stojol te jnopojeletic yu'un ta bay ti'mar Tiberias. Jich la spas te la yac' sba ta ilele.

San Mateo 28:9

Ja'uc me to, Jesús la sta sba soc ta be, soc c'oponotic yu'un: —Talon —xi'. Jich noptsajic tel ta stojol Jesús te antsetique. La squejan sbaic ta yich'el ta muc' soc la spetbeyic te yacane.

Hechos 28:31

Jamal la xcholbey yaiyic te bit'il ay ta ajwalinel te Diose, soc la yac'bey snopic te bit'il ay sc'oplal te Cajwaltic Jesucristoe. Jtul ma'yuc mach'a comot ta yalel yu'un.

1 Tesalonicenses 2:12

La calbeyex te toj nax ya awac' abaic ta q'uinal jich te bit'il ya sc'an te Diose te la yiq'uex ochel ta ba ay ta ajwalinel te Dios soc te yutsilale.

Colosenses 1:13

Melel ta swenta yu'el Dios la scoltayotiquix loq'uel ta bay ainotic ta ijc' q'uinale, soc tey la yac'otiquix c'axel ta banti ay ta ajwalinel te Snich'an te bayal c'ux ta yo'tane.

Romanos 14:17

Melel te bit'il ay ta ajwalinel te Diose, ma ja'uc ta swenta jwe'el-cuch'eltic. Ja' nax ta swenta te bila toje, te lamal q'uinale soc te ay sbujts' co'tantic ta swenta te Ch'ul Espiritue.

San Mateo 21:43

Jich yu'un ya calbeyex, ya me xpojbotex loq'uel ta awolilic te bit'il ay ta ajwalinel te Dios te ay ta ch'ulchane. Ja' me ya xc'ot ta swentaic te mach'atic ya sitin yu'unic ta leque. [

Deuteronomio 9:9

Te jo'one moon bael ta wits, ja' ba quich' tel te cha'pejch' tonetic, ja' te pejch'el tonetic yu'un te trato la spas ta atojolic te Cajwaltique. Tey jalajon cha'winic (40) c'aal soc cha'winic (40) ajc'ubal a, xujt' ma ba we'on.

San Mateo 4:2

Te c'alal la spas ayuno cha'winic c'aal soc cha'winic ajc'ubal te Jesuse, la yaiy wi'nal.

San Mateo 3:2

Tey jajch' yalbey ta stojol spisil te ants-winiquetique: —Sujt'esa awo'tanic ta stojol te Diose, yu'un nopol ya xjajch'ix te bit'il ay ta ajwalinel te Diose —xi' te Juane.

1 Reyes 19:8

Te Elías jajch', och ta we'el ta uch'ajel. Te we'elil ac'bot yip yu'un, been cha'winic (40) c'aal soc cha'winic (40) ajc'ubal, ja' to c'ot c'alal ta Horeb, ja' te wits yu'un te Diose.

Deuteronomio 9:18

Patil la jtinan jba coel c'alal ta lum ta stojol te Cajwaltique, jich nix te bit'il la jpas ta neelal toe. Cha'winic (40) c'aal soc cha'winic (40) ajc'ubal ma'yuc bi la jwe'elin. Jich la jpas ta scaj te mulil la apasique. Jich la awuts'inbeyic yo'tan te Cajwaltique, soc la awac' ilinuc ta atojolic.

San Marcos 16:19

Lajix yo'tan ta sc'oponel a te jnopojeletic yu'un te ic'ot moel ta ch'ulchan te Cajwaltic Jesuse. C'o najc'ajuc ta swa'el te Diose.

Hechos 8:12

Ja'uc me to, te lume la xch'uunic te lec yach'il c'op la yal te Felipe te bit'il ay ta ajwalinel stuquel te Diose, soc te sc'oplal te Jesucristoe. Jich la yich'ic ja' te winiquetique soc te antsetique.

Hechos 19:8

Te Pablo och ta sinagoga, ma ba xiw ta yaanel soc te judioetic te bit'il ay ta ajwalinel te Diose. Oxeb u jich la spas, ja' to te ay mach'atic c'ot ta yo'tanique.

Hechos 28:23

Jich la xchapic te bi c'aalil ya xtal yaiyic stojole. C'alal la sta sc'aalelal, tsobol ta jtul tal stsob sbaic tey a ta banti smajanej na te Pabloe. Sab to jajch' ta c'op, ja' to c'alal malix a te c'aale. Ja' la xcholbey yaiyic te bit'il ay ta ajwalinel te Diose. Yu'un yo'tanuc ya yac' xch'uunic Jesús ta swenta te bila ts'ibubil jilel sc'oplal ta bay te mandalil yu'un te Moisese soc ta bay sjun te j'alwanejetique.