Hechos 1:12 - Bible in Tzeltal de Oxchuc y Tenejapa

¹² Jich la yijq'uitayic jilel te Wits Olivailtic sbiile. Sujt'ic ochel ta Jerusalén te nopol yiloj sba soque, jich snajt'il te bit'il ya stac' ya xbeenic ta sc'aalelal te cux-o'tane.

Nuevo Testamento Tzeltal de Amatenango

¹² Jich a sjilesik te Wits Olivailtik sbiile, sujtik bael ta Jerusalen te apostoletike. Te nopol nax ay soke, jich snajtꞌil a beenik bael te tutꞌil ya spas xbeenik ta skꞌaalel kuxo-oꞌtane.

Bible in Tzeltal Bachajón

¹² Hich loq'uic bahel ta wits yu'un Olivohetic sbihil, suhtic ta Jerusalén, nopol yiloj sbahic, hich snamalil te bin ut'il ya xhu' ya xbehenic ta sc'ahc'alel cux-o'tan.

Hechos 1:12 Referans Kwoze

San Lucas 24:52

Soc la squejan sbaic ta yich'el ta muc'. Jich ay bayal sbujts' yo'tanic te sujt'ic bael ta Jerusalene.

San Mateo 21:1

Nopol xc'otiquix ta Jerusalén a, c'otic ta ch'in lum Betfagé te ay ta bay te Wits Olivailtique. Te Jesús la sticun bael cha'tul te jnopojeletic yu'une:

San Lucas 24:50

Te Jesús la yic' bael te jnopojeletic yu'une. La yijq'uitayic jilel te muc'ul lume. Bajt'ic ta bay nopol ch'in lum Betania. Tey la stoy xchebal sc'ab a la yac'bey bendición te jnopojeletique.

San Juan 11:18

Te Betania ay niwan oxebuc kilómetro yiloj sba soc te Jerusalene.

San Lucas 21:37

Jujun c'aal la yaiy p'ijubteswanej ta templo te Jesuse. Ta ajc'ubal ba wayuc ta bay Wits Olivailtic.

San Mateo 26:30

Te c'alal laj yo'tanic ta sc'ajintayel te salmoe, bajt'ic ta Wits Olivailtic.

San Mateo 24:3

Te c'alal ayiquix ta Wits Olivailtique, te Jesús la snajc'an sba tey a. Te jnopojeletic yu'une, stuquel nax tal sc'oponic. Jich la yalic: —Albotic caiytic te bi ora ya xc'ot ta pasel te bila la awalbotique, soc te bi señail ya xchicnaj ta ilel a te c'alal ya xtalatixe soc te ja'ix a te slajibal c'aale —xiic.

Zacarías 14:4

Te c'alal ya sta sc'aalelal te Cajwaltic ya me stec' ta yacan te wits yu'un Olivoiltic, snujp'usitayej sba soc Jerusalén ta stojol sloq'uib c'aale. Ya me sjep ta olil te wits yu'un Olivoiltic, jun muc'ul suclej te ya xbajt' ta stojol sloq'uib c'aal soc ta stojol smalib c'aal, cheb me witsetic ya xc'otix a. Te olil wits ya me xbajt' ta stojol norte, te yan olil xane ya me xbajt' ta stojol sur.

San Lucas 19:29

Te c'alal la sta te Wits Olivailtic sbiile ta bay nopol te ch'in lumetic te Betfagé soc Betania, la sticun bael cha'tul te jnopojeletic yu'une, jich la yalbey:

San Mateo 24:20

C'oponaic Dios yu'un te manchuc yorailuc invierno a soc te manchuc ja'uc sc'aalelal a te cux-o'tane.